شاہ تاج ۔ پونے

والد دماغی طور پر بیمار تھے۔ والدہ مزدوری کرتی تھیں۔ خاندان غربت کی دلدل میں تھا۔مگر یہ تعلیم کی روشنی تھی جس نے اس لڑکی کومشکلات سے بھری ان تنگ اور تاریک راہوں پر چلنے اور حالات کا سامنا کرنے کا حوصلہ دیا ،جس پر دشوار سفر کے بعد وہ جس کرسی پر تشریف فرما ہے اس کو ہم ’’ڈپٹی کلکٹر‘‘کہتے ہیں۔ اس لڑکی کو اب مہاراشٹر اور ملک ’’وسیمہ شیخ ‘‘ کے نام سے جانتا ہے۔ ہمت ،حوصلہ کے ساتھ لگن اور جدوجہد کی زندہ مثال ۔جس نے غریبی کے سینہ کو چیرا اور جہالت کے زور کو توڑا۔ آخرمیں تعلیم کی طاقت کا لوہا منوایا۔بتا دیا کہ اگر سوچ مثبت ہواوریکسوئی ہو تو آپ کو آپ کی منزل سے کوئی نہیں بھٹکا سکتا ہے۔پچھلے سال وسیمہ نے مہاراشٹر پبلک سروس کمیشن (ایم پی ایس سی) امتحانات میں خواتین میں تیسرا نمبر حاصل کیا۔ وہ ڈپٹی کلکٹر کے عہدے فائز ہیں ۔

مہاراشٹر کے ناندیڑ ضلع کے جوشی سنگھوی کی رہائشی ، وسیمہ شیخ بہت ہی مشکل حالات میں یہ کامیابی حاصل کی ۔ مراٹھی میڈیم اسکول میں تعلیم حاصل کرتے ہوئے یہ کارنامہ انجام دیا ہے۔یہ سب کچھ ایسے وقت ہوا جب گھر میں اس کی رہنمائی کرنے والا کوئی نہیں تھا۔ کمانے والے دوممبروں کے ساتھ ، وسیمہ کے آٹھ افراد کے کنبے کے اخراجات کو پورا کرنا مشکل تھا۔ والدہ کھیت مزدور ہیں،ان کا سب سے بڑا بھائی آٹو رکشہ چلاتا ہے۔

                 :ڈپٹی کلکٹر کی کرسی پر وسیمہ شیخ ۔ منزل جو تعلیم نے دلائی

 اب ماں نہیں کرے گی کام

 دراصل جس ماں نے کھیتوں پر کام کیا، دھوپ میں محنت کی،لڑکی کی تعلیم کےلئے خون پسینے ایک کیا۔ اب اس کےلئے وسیمہ شیخ کا کہنا ہے کہ میری والدہ دوسرے لوگوں کے کھیتوں میں سخت دھوپ میں کام نہیں کریں گی ۔ان کا خواب پورا ہوگیا ہے میری کامیابی کے ساتھ ان کا نیا دور شروع ہوگیا ہے۔ وسیمہ کی والدہ چوتھے درجہ تک تعلیم حاصل کرسکی تھیں حالانکہ اور ہمیشہ اپنی تعلیم مکمل کرنا چاہتی تھیں۔ شاید ایک معزز ملازمت بھی اپنائیں۔ لیکن خاندانی دباؤ کی وجہ سے اسے اسکول چھوڑنا پڑا اور جلد شادی کرنی پڑی۔ اس ادھورے خواب نے اسے اپنی بیٹی کی تعلیمی امنگوں کو تقویت پہنچانے پر مجبور کردیا۔

تعلیم کی جدوجہد

 تعلیم کی حصولیابی کوئی آسان کام نہیں تھی،وسیمہ نے اس کےلئے نہ صرف ذہنی طور پر بہت کچھ برداشت کیا بلکہ جسمانی طورپر بھی بہت محنت کی۔

اس نے 10 ویں جماعت میں 82 فیصد اور بارہویں کلاس آرٹس میں 83 فیصد نمبر حاصل کئے۔ گاؤں میں کالج نہ ہونے کی وجہ سے اسے پیدل چل کر عثمان نگر جانا پڑتا تھا۔اس لئے اپنے نانا کے گاؤں جانے کا فیصلہ کیا۔ جہاں سے کالج جانے کےلئے پیدل ہی کندھاراتک ایک کلو میٹر کا سفر طے کرتی تھی۔اس کے بعد کالج تک پہنچنے کے لئے بس میں سفر کرتی تھی۔

 مشکلات کا دور

وہ غربت اوروالد کے دماغی طور پرصحت مند نہ ہونے کے سبب مزید پریشان رہی۔ اس کے والد کی ذہنی بیماری ایک مالی بوجھ تھی۔اس بارے میں وسیمہ کا کہنا ہے کہ ’’۔ تعلیمی سفر میرے لئے مشکل معلوم ہواکیونکہ ہماری مالی حالت مستحکم نہیں تھی۔ میں نے پولیٹیکل سائنس اورانگریزی میں اوپن یونیورسٹی سے اپنی گریجویشن جاری رکھی۔

خوشی کے لمحات ۔ بغیر بجلی اور کوچنگ حاصل کی کامیابی

تعلیم کی مخالفت

 حیرت کی بات یہ ہے کہ اس کی تعلیم کو گاوں میں پسند نہیں کیا جاتا تھا۔ لیکن بقول وسیمہ شیخ مخالفت کے باوجود ، میرے بھائی اور والدہ نے میری گریجویشن مکمل کرنے میں میری مدد کی۔جبکہ رشتہ داروں کی تنگ نظری نے اس کی پریشانیوں میں اضافہ کیا۔ ان کا خیال تھا کہ وسیمہ ، لڑکی کو تعلیم دینا وسائل کی بربادی ہے،کیوں کہ اس کی شادی ایک دن ہی کرنی ہوگی

مثبت سوچ کا اثر ۔۔۔ برے حالات اور جدوجہد کے باوجود وسیمہ نے ہمت نہیں ہاری۔ہر پریشانی کا بخوبی سامنا کیا۔اس کا کہنا ہے کہ پریشانی کا سامنا کرنے کے صرف دو ہی راستے ہیں۔اول تواس سے فرار تلاش کریں یا اپنے حالات کو بہتر بنائیں۔ میں نے دوسرے راستہ کا انتخاب اپنی والدہ اور بھائی کی حیثیت سے غیر مشروط تعاون میں کیا۔

خواب جو حقیقت بن گیا

تبدیلی کا خواب

وسیمہ نے زندگی کے ابتدائی دنوں میں جن مسائل کا سامنا کیا،ان سے بہت کچھ سیکھا اور سمجھا۔ وسیمہ کا کہنا تھا کہ میں نے پہلی بار نچلی سطح پر پریشانی کا سامنا کیا اور میں نے محسوس کیا ہے کہ جو لوگ سرکاری عہدوں پر فائز ہیں وہ اپنے اقدامات کے ذریعے ایک فلاحی ریاست کی تشکیل اور لوگوں کو بااختیار بنانے کا اختیار رکھتے ہیں۔ میں ایسا انسان بننا چاہتی تھی جو تبدیلی لائے اور زندگی آسان بنا دے۔ ہر قدم پر ایک چیلنج ۔۔۔۔ زندگی کو تعلیم سے زیر کرنے کےلئے وسیمہ نے سب کچھ داو پر لگا دیا تھا لیکن اس کے بعد اسے معلوم ہوا کہ سول سروسز کے کوچنگ مراکز میں شامل ہونا پڑے گا ، مطالعاتی مواد کے حصول کے لئے بھاری رقم ادا کرنا ہوگی اورممکن ہے کہ وہ اپنے کنبہ سے دور بھی چلی جائیں۔ یہ اس وقت ہے جب اس کے بڑے بھائی ، عمران نے بی ایس سی کے دوسرے سال میں قدم رکھا اور چھوڑ دیا۔ اس نے آٹو چلانا شروع کیا تاکہ وسیمہ کے کوچنگ کے اخراجات کو پورا کیا جاسکے۔

 راہ دیکھ لی

 وسیمہ نے ایم پی ایس سی کے امتحانات کے انداز کو سمجھنے کے لئے چھ ماہ تک ایک کوچنگ سینٹر میں شمولیت اختیار کی۔ اس کے بعد وہ خود ہی تعلیم حاصل کی۔میں نے پچھلے سالوں سے سوالیہ پیپرز کا تجزیہ کیا تاکہ معلوم کیا ہو کہ کیا مطالعہ کرنا ہے۔ اخبارات علم کا ایک اور وسیلہ تھے۔

ایک جھٹکا

 اس حکمت عملی کا نتیجہ نکلا جب اس نے پہلی کوشش میں ایم پی ایس سی کے تحریری امتحان کو ختم کیا۔ لیکن وہ صرف دو نمبر  کر انٹرویو میں ناکام رہی۔ یہ کنبہ کے لئے ایک دھچکا تھا ، کیونکہ اس کا مطلب تیاری میں دوسرا سال خرچ کرنا یہ بہت مشکل وقت تھا۔ میرے رشتے دار میری شادی کے لئے میری والدہ پر مستقل دباؤ ڈالتے تھے۔ ان کا کہنا تھا کہ اگر مجھے سرکاری ملازمت بھی مل گئی تو میرے سسرال والے مستقبل کو پسند نہیں کریں گے۔ ان کا کہنا تھا کہ میرا خاندان پیسوں کی بربادی کر رہا ہے۔ لیکن شکر ہے کہ میری والدہ نے میرا ساتھ دیا۔مجھے دوسری بار امتحان دینے کی ترغیب دی۔اس میں کامیابی ملی۔جس کے بعد میں نے منزل پا لی۔وسیمہ سول سروس کے خواہشمند افراد کے لئے اہم نکات بتاتی ہیں۔سخت محنت اور مستقل مزاجی۔بس خود پر یقین کریں اور چلتے رہیں۔دلچسپ بات یہ ہے کہ 8 جون 2020 کو وسیمہ شیخ کی شادی پہوئی اور 18 جون کو ان کا رزلٹ آگیا۔ایک نئی زندگی کے ساتھ ایک نئی پوزیشن ۔