سدیپ شرما چودھری، گوہاٹی
"خواب دیکھیں، لت نہیں، اپنی زندگی کو اپنے ہاتھوں سے تعمیر کرنے دیں۔"

یہ آسام کے ایک نوجوان کی متاثر کن کہانی ہے، جو اس عزم کے ساتھ آگے بڑھا اور نشہ چھوڑ دیا۔ نابدوار میں ایک سماجی تنظیم، نشے کے عادی نوجوانوں کو نشے سے نجات دلانے کے لیے خاموش انقلاب برپا کر رہی ہے۔ گوہاٹی شہر میں ایک زمانے میں راجہ اور ارجیت جیسے نوجوان، جنہوں نے "نابدوار" کی بنیاد رکھی، خود نشے کے عادی تھے، لیکن آج وہ روشنی کے رہنما بن چکے ہیں۔

ہر بھٹکے ہوئے نوجوان نے اس خطرناک صورتحال سے نکل کر، اپنے معاشرے اور خاندان کے لیے صحت مند اور منشیات سے پاک زندگی کی تعمیر کی بھرپور کوشش کی ہے۔ یہ سنکلپ یاترا 2020 میں شروع ہوئی تھی، اور اب تک تقریباً 1500منشیات کے عادی نوجوانوں کو سماج کے مرکزی دھارے میں واپس لانا ممکن ہو سکا ہے۔

آج، ان کے ساتھ ماہرِ نفسیات شیکھا بورا، یوگا ماہر دیپن ٹھاکوریا اور کئی دوسرے افراد بھی نوجوانوں کو دوبارہ معاشرے کا مفید حصہ بنانے کی انتھک کوششوں میں شامل ہیں۔

 بی ٹی آرکے ایک چھوٹے سے شہر سے تعلق رکھنے والے بلال بسواس نے آواز دی وائس کو اپنی نشے سے صحت یابی کی کہانی سنائی۔ انہیں خود معلوم نہیں تھا کہ کب وہ نشے کی لت میں مبتلا ہو گئے۔ ان کے چھوٹے سے قصبے میں واقع پھلوں کی دکان ہی ان کے خاندان کی آمدنی کا واحد ذریعہ تھی۔ مگر دوستوں کی صحبت میں آ کر وہ منشیات کے عادی ہو گئے اور دکان چلانا چھوڑ دی۔ آج بلال بسواس نے اپنا راستہ درست کر لیا ہے۔ وہ نوجوانوں کو نصیحت کرتے ہیں کہ اس خطرناک منشیات سے دور رہیں۔

دوسری جانب، ماہرِ نفسیات شیکھا بورا کا کہنا ہے کہ سماجی برائیوں کی وجہ سے نوجوان منشیات کی لپیٹ میں آ رہے ہیں۔ اس راہ سے ہزاروں نوجوان اپنی قوتِ ارادی کو مضبوط بنا کر آزاد ہو رہے ہیں۔ سوکانت مدک نے بھی اعتراف کیا کہ ایک وقت وہ خود نشے کے چنگل میں پھنس گئے تھے، اور جب انہیں معلوم ہوا کہ نشہ کیا ہے، تب انہیں ایک منشیات سے پاک دنیا کی اہمیت کا احساس ہوا۔ آج وہ کہتے ہیں:

"ایک لفظ میں کہوں تو منشیات سے پاک معاشرے کی تعمیر کے راستے پر میرا پیغام ہے: 'منشیات چھوڑو، اور مستقبل کی تعمیر کرو۔'"

 دوسری طرف، نابدوار کے ترجمان اریجیت داس، جنہوں نے منشیات سے پاک تحریک کے لیے اس سرکردہ تنظیم کی بنیاد رکھی، ان کے کام کو زبردست پذیرائی ملی ہے، جس کے نتیجے میں بہت سے منشیات کے عادی نوجوانوں کو دوبارہ بہتر زندگی گزارنے کے مواقع حاصل ہوئے ہیں۔

انہوں نے مزید بتایا کہ انہیں ریاست کے مختلف علاقوں سے منشیات سے پاک تحریک کو فروغ دینے کے لیے کیمپ لگانے کی دعوتیں موصول ہو رہی ہیں۔ امید ہے کہ آنے والے دنوں میں اور بھی بہت سے نوجوان، اپنی کوششوں سے نشے سے نجات کا راستہ تلاش کریں گے۔