نئی دہلی :شادی کا دن ہر انسان کے لیے بہت خاص ہوتا ہے مگر ایک دولہا نے اس دن ایسا کام کیا جس نے سب کو حیران کر دیا۔ سوشل میڈیا پر ایک ویڈیو تیزی سے وائرل ہو رہی ہے جس میں ایک دولہا اپنی ہی بارات چھوڑ کر سڑک کنارے موٹر سائیکل کا پنکچر ٹھیک کرتا نظر آتاہے۔
Groom Stops To Repair Bike Of Stranger Taking Mother To The Hospital ❤️🥹 pic.twitter.com/596qL0DsE4
— SURAJ (@SURAJ_624) April 19, 2026
دراصل دولہا ابھی اپنی شادی کی بارات کے ساتھ گھر سے نکلا تھا، اس کے ساتھ ڈی جے میوزک اور رقص تھا۔ راستے میں اسے ایک موٹر سائیکل نظر آئی۔ موٹر سائیکل کا ٹائر پنکچر ہو گیا تھا۔ دو بار سوچے بغیر، دولہے نے بائیکر کی مدد کرنے کا فیصلہ کیا۔ وہ گاڑی سے اترا، اپنی آستینیں لپیٹ لی، اور فوراً پنکچر ٹھیک کرنا شروع کر دیا۔
ماں کو لے جارہا تھا اسپتال
ویڈیو میں دیکھا جا سکتا ہے کہ بائیک کا ٹائر پنکچر ہو گیا۔ وہ شخص سخت پریشانی میں تھا کیونکہ وہ شخص اپنی ماں کو جلدی اسپتال لے جا سکے۔
سب نے کی واہ واہ
آس پاس موجود لوگ یہ منظر دیکھ کر حیران رہ گئے کیونکہ عام طور پر دولہا اپنی شادی کی رسموں میں مصروف ہوتا ہے۔ مگر اس دولہے نے انسانیت کو ترجیح دی اور بغیر کسی تاخیر کے مدد کے لیے آگے بڑھا۔یہ ویڈیو سوشل میڈیا پر سامنے آتے ہی لوگوں نے اس کی بہت تعریف کی۔ ایک لاکھ سے زیادہ لوگ اسے دیکھ چکے ہیں۔ کئی صارفین نے اس عمل کو انسانیت کی بہترین مثال قرار دیا جبکہ کچھ نے مزاحیہ انداز میں کہا کہ شاید دولہا اپنے ساتھ پنکچر کا سامان بھی لے کر نکلا تھا۔اس واقعے نے یہ ثابت کر دیا کہ اصل خوشی صرف اپنی تقریب میں نہیں بلکہ دوسروں کی مدد کرنے میں بھی ہوتی ہے۔ یہی وجہ ہے کہ اس دولہے کے اس عمل نے سب کے دل جیت لیے۔
