فیضان خان / آگرہ

نواسہ رسول امام حسین علیہ السلام کی برسی کے موقع پر ، آگرہ کی تاریخی اور روحانی خانقانہ قادریہ نیازیہ آستانہ میے کش میں 18 مارچ بروز جمعرات کو ایک تقریب کا انعقاد کیا گیا۔ یہ امام حسین کی یاد میں منایا جاتا ہے جنہوں نے دنیا کو ظلم کے خلاف لڑنے اور حق کے لئے کھڑے ہونے کی ترغیب دی۔ اس موقع پر ایک سوفیانہ محفل کا بھی انتظام کیا گیا تھا۔ نوجوان موسیقار پنڈت انیل جھا نے بانسری اور کیکون جیسے آلات کے ذریعہ اپنے فن کا مظاہرہ کیا اور سامعین کو محظوظ کیا ۔

پنڈت انیل جھا کا تعارف کراتے ہوئے ثقافتی کارکن ڈاکٹر وجے شرما نے بتایا کہ پنڈت انیل جھا اصل میں ارریہ بہار سے ہے اور انہوں نے موسیقی کی باضابطہ تعلیم گھر پر ہی حاصل کی بعد میں انہوں نے این آئی ایف ٹی سے بھی تعلیم حاصل کی ۔ سماجی تبدیلی کے مقصد کے حصول کے لئے ، پنڈت انیل نے آرٹ کو ایک میڈیم کے طور پر منتخب کیا اور اب آگرہ میں ہی مقیم ہیں۔

سید فیض علی شاہ نے کہا کہ یہ صوفی موسیقی مولانا روم کے ادب سے متاثر ہے ، جنھوں نے اپنی تصنیف میں موسیقی پر متعدد باب مرتب کئے اور ان کا پہلا باب بانسری پر ہی ہے۔ صوفی بانسری کے ذریعے تزکیۂ نفس کی خاطر غور و فکر کرتے ہیں۔ پوری دنیا میں اہل خانقاہ موسیقی کو روحانی ترفع کا ایک ذریعہ سمجھتے ہیں۔

خانقاہ پر سید اجمل علی شاہ قادری نیازی صاحب نے کہا کہ ظلم کی انتہا ہی اس کے ختم ہونے کا نقطۂ آغاز ہے۔ اسلام نے ہمیشہ انسانیت کا پیغام دیا ہے۔ دوسری طرف ، پیغمبر اسلام کی تعلیمات کو آگے بڑھاتے ہوئے ، ان کے نواسے حضرت امام حسین نے اسلام کو بچانے کے لئے اپنے پورے خاندان کے ساتھ جام شہادت نوش کیا ۔

موسیقار انیل جھا نے کہا کہ صوفی موسیقی کے ذریعہ ہم لوگوں تک انسانیت کا پیغام پہنچا سکتے ہیں۔ حضرت امام حسین اپنے اہل خانہ کے ساتھ صرف انسانیت کو بچانے کے لئے شہید ہوئے ، لیکن ظالم یزید کے سامنے سر نہیں جھکایا۔

آخر میں ، موسیقار انیل جھا کو اعزاز سے بھی نوازا گیا۔ اس موقع پر آستانہ مے کش کے زائرین کے علاوہ شہر کے متعدد معززین بھی موجود تھے۔