دولت رحمان/گوہاٹی

ایک انسان ایسا ہے جسے شیروں کے ساتھ رہنا پسند ہے۔ اس کا نام ہے محمد فیروز احمد ۔آسام کے گھنے جنگلوں میں شیروں کو تلاش کرنے اور ان کی تصویریں لینے کے خطرے کو قبول کرنا اس کا جنون ہے۔

شمال مشرق سے تعلق رکھنے والے جنگلی حیات کے ماہر حیاتیات محمد فیروز احمد ہندوستان کے بین الاقوامی سطح پر مشہور ٹائیگر ماہرین میں سے ایک ہیں۔ وہ اس وقت سرخیوں میں آگئے جب ان کے کیمرے نے2010 میں کازیرنگا نیشنل پارک میں پانی میں آرام کرنے والے ایک بالغ شیر کو کلک کیا تھا۔

فیروز شمال مشرقی کے مختلف جنگلات بشمول کازیرنگا نیشنل پارک میں شیروں کی مردم شماری ٹیموں کا حصہ رہے ہیں۔ انہوں نے 2008-2013 تک کازیرنگا میں کیمرہ ٹریپنگ کی پیچیدہ پریکٹس کی قیادت کی اور اس کے بعد پارک انتظامیہ کی جانب سے اسے وقفے وقفے سے انجام دیا جا رہا ہے۔انہوں نے بالترتیب 2007 اور 2010 سے اورنگ اور مانس نیشنل پارک میں شیروں کی نگرانی کی۔ چیلنجوں اور خطرات کی بہت سی کہانیوں کے علاوہ فیروز نے کئی بار تجربہ کیا جب اس کا ٹائیگر ٹریکنگ مشن کے دوران گینڈوں نے پیچھا کیا۔

آواز-دی وائس کے ساتھ ایک انٹرویو میں فیروز نے کہا کہ کازیرنگا میں شیروں کی نگرانی کرنا چیلنجوں سے بھرا ہوا ہے اور سب سے اہم بات یہ ہے کہ یہ سمجھنے کی ضرورت ہے کہ شیر کیسے برتاؤ کرتا ہے۔ انہوں نے کہا کہ کیمرہ ٹریپ کو لاگو کرتے وقت، کسی کو شیر کی طرح سوچنا پڑتا ہے تاکہ یہ یقینی بنایا جا سکے کہ شیر اس راستے پر چلے گا جو کیمرے کو متحرک کر سکتا ہے۔"کازیرنگا کے ساتھ ساتھ دوسرے علاقوں میں سب سے اہم چیلنج یہ ہے کہ خطرناک جانوروں کی موجودگی جہاں ہم اکثر کیمرہ ٹھیک کرنے کے لیے چلتے ہیں۔ بعض اوقات ہم گینڈے یا بھینسوں کی بنائی ہوئی لمبی گھاسوں کی سرنگ سے گزرتے ہیں۔

دوسرے سرے پر ایک گیلی زمین کے کھلنے پر باہر آتے ہیں۔ دوسرے سرے کے قریب پہنچتے ہوئے ہمیں سرنگ کے اختتام کے علاوہ کچھ نظر نہیں آتا اور یہ انتہائی خطرے کا مقام ہے کیونکہ ہم گینڈے یا بھینس یا ہاتھیوں کے ریوڑ کے سامنے آ سکتے ہیں۔لیکن ایسا چیلنج 2009 میں جشن کی شکل اختیار کر گیا جب ہم یہ معلوم کر سکے کہ کازرنگا میں فی سو مربع کلومیٹر شیر کی کثافت سب سے زیادہ تھی۔ کوئی بھی یقین نہیں کر سکتا تھا کہ کازرنگا میں شیروں کی اتنی زیادہ تعداد پہلے سے ہے اور یہ ایک تاریخ تھی،'' فیروز نے کہا۔ تاہم انہوں نے اعتراف کیا کہ مشکل کام کو کازرنگا کے بہت سے تجربہ کار عملے نے آسان بنایا جو ماہر ٹریکر بھی ہیں۔

فیروز اور ان کی ٹیم کے ارکان نے 2012 میں اروناچل پردیش کے نامدفا نیشنل پارک میں کیمرہ ٹریپنگ کی ایک پریکٹس کی تھی۔ یقیناً سب سے مشکل کام تھا جسے فیروز کی ٹیم نے قبول کیا اور کامیابی سے مکمل کیا۔جیسا کہ بہت سے لوگ جانتے ہیں کہ نمدافا دراصل اراکان اور پٹکئی پہاڑی سلسلے کا حصہ ہے۔ یہ واحد راستہ ہے جس کے ذریعہ پہاڑی سلسلے کو عبور کرکے ایک مقام سے دوسرے مقام تک پہنچا جا سکتا ہے۔اس علاقے کی اکثر پہاڑیاں کھڑی ہیں جس کی وجہ سے انہیں عبور کرنا مشکل ہوتا ہے اور عام طور پریہاں چلنے کے لیے کوئی راستہ بھی نہیں ہوتا۔ اس کا مطلب یہ ہے کہ ان پہاڑیوں کو عبور کرنے کے لیے خود راستہ بنانا ہوتا ہے۔

فیروز اور اس کی ٹیم کے اراکین نے گوگل ارتھ(Google Earth) پر آزادانہ طور پر دستیاب جدید ترین 3D تصویروں کے ساتھ وسیع منصوبہ بندی کی ہے۔ انہوں نے اس علاقے میں چلنے کے لیے اور زیادہ سے زیادہ ٹریپ فکسنگ(trap fixing) حاصل کرنے کے لیے ممکنہ راستے تعمیر کئے۔نمدافا میں فیروز اوران کے ٹیم کی مدد فرنٹ لائن فارسٹ اسٹاف نے کی۔ جن کو علاقوں کی اچھی معلومات تھیں اورانہیں چکما( Chakma) اور لشو(Lishu) برادری سے تعلق رکھنے والے قریبی دیہاتوں کے بہت سے گائیڈ بھی ملے۔

فیروز نے کہا کہ جنگل اور زندگی کے بارے میں سیکھنے کی کوئی انتہا نہیں ہے، یہاں کی دنیا انتہائی وسیع ہے۔انھوں نے کہا کہ مانس نیشنل پارک میں شیروں کی تعداد گذشتہ 10 سالوں میں دس سے بڑھ کر 44 ہو گئی ہے اور آئندہ دس پندرہ سالوں میں اس کی تعداد میں بہت زیازہ اضافہ ہونے کا امکان ہے۔

فیروز کے مطابق آسام میں شیروں کی سب سے زیادہ تعداد ڈبرو-سائیکھوا نیشنل پارک میں پائی جاتی ہے۔ اسے مشرقی اروناچل اور مشرقی آسام میں شیروں کے تحٖفظ کے لیے بھی کام کرنا چاہیے۔ مگر بدقسمتی سے ڈبرو سائکھووا نیشنل پارک میں حالات ٹھیک نہیں ہیں کیونکہ فیروز کے مطابق سنہ 2013 سے یہاں شیروں کے تحفظ پر دھیان نہیں دیا جا رہا ہے۔خیال رہے کہ محمد فیروز احمد اس وقت ایک معروف این جی او آرانیک میں ایک کنزرویشن سائنٹسٹ یا سائنٹسٹ ایف(Scientist F) ہیں۔  وہ شیر کے علاوہ ہرپیٹوفانا، اور اس سے متعلق دیگر کمیونٹی پر مبنی قدرتی وسائل کے انتظام کی تحقیق و تحفظ اور دیکھ بھال پربھی کام کرتے ہیں۔

فی الوقت آرانیک کے اندر30 رکنی ٹیم کی قیادت کرتے ہیں۔ محمد فیروز پہلے نیشنل ٹائیگر کنزرویشن اتھارٹی (NTCA) سے وابستہ تھے۔ وہ وزارت ماحولیات، جنگلات اور موسمیاتی تبدیلی کی فارسٹ ایڈوائزری کمیٹی (FAC) کے بھی رکن تھے۔اس کے علاوہ وہ انٹرنیشنل یونین فار کنزرویشن آف نیچر اینڈ کنزرویشن بریڈنگ اسپیشلسٹ گروپ-انڈیا سے بھی وابستہ ہیں۔محمد فیروز نے سمتھسونین انسٹی ٹیوشن، یو ایس اے میں جنگلی حیات کے تحفظ اور انتظام کی تربیت حاصل کی ہے۔انہوں نے تھائی لینڈ میں اسمتھسونین انسٹی ٹیوشنز اور ماحولیاتی تعلیم اور گلوبل کنزوریشن، یوایس اے کے ذریعے اپلائیڈ انوائرنمنٹل ایجوکیشن ٹریننگ پروگرام میں بھی حصہ لیا تھا۔

فیروز نے کیپ مے، نیو جرسی،یوایس اے میں کچھوے اور اس سے متعلق کمیونٹیز کی تحفظ کے حوالے سے بھی ٹریننگ لی ہے۔ وہ کیلیفورنیا اکیڈمی آف سائنس، امریکن میوزیم آف نیچرل ہسٹری، نیشنل میوزیم آف نیچرل ہسٹری، میوزیم آف ورٹیبریٹ زولوجی ان یو ایس اے اور نیچرل ہسٹری میوزیم،سوتھ ایسٹرن ایشیا لندن کے ہرپیٹوفونا کے ٹیکسونومک اسٹڈی کے وزٹنگ سائنٹسٹ بھی ہیں۔