بیجنگ: چین کے صدر شی جن پنگ ایشیا پیسیفک اقتصادی تعاون (اےپیک) سربراہی اجلاس میں شرکت کے لیے جنوبی کوریا کا دورہ کریں گے۔ اس اجلاس کے دوران ان کی امریکی صدر ڈونالڈ ٹرمپ سے اہم ملاقات متوقع ہے، جس میں دونوں ممالک کے درمیان بڑھتی ہوئی تجارتی کشیدگی کو کم کرنے پر بات چیت ہوگی۔ چین نے جمعہ کو یہ اطلاع دی۔

اس سے قبل وائٹ ہاؤس نے اعلان کیا تھا کہ ٹرمپ 30 اکتوبر کو جنوبی کوریا میں شی جن پنگ سے ملاقات کریں گے۔ چینی وزارتِ خارجہ کے ترجمان گُو جیاکُن نے یہاں صحافیوں کو بتایا کہ جنوبی کوریا کے صدر لی جے میونگ کی دعوت پر شی جن پنگ گیونگجو میں اےپیک اقتصادی رہنماؤں کے 32ویں اجلاس میں شرکت کریں گے اور 30 اکتوبر سے یکم نومبر تک سرکاری دورے پر رہیں گے۔

یہ اجلاس امریکی صدر کے ملائیشیا، جاپان اور جنوبی کوریا کے تین ایشیائی ممالک کے دورے کے اختتام پر ہوگا۔