پاکستان میں انسانی خدمت کےلئے مشہور نجی رفاہی ادارے ایدھی فاؤنڈیشن کی جانب سے وزیراعظم نریندر مودی کے نام خط میں کورونا کی بدترین صورتحال کا شکار ہندوستانی عوام کی مدد کی پیشکش کی گئی ہے۔
پاکستان میں کورونا کی مار جاری ہے۔ ملک میں ویکسین کی ہاہا کار ہے۔عوام کے سامنے ویکسین ہیں تو جیب میں پیسہ نہیں ہے۔پیسہ ہے تو ویکسین نہیں ہے۔ پاکستان میں کورونا کا بحران کئی شکلیں اختیار کرچکا ہے۔بدعنوانیوں اور بد انتظامی کے ساتھ ملک بد ترین حالات کا شکار ہے۔مگر ان سب کے باوجود پاکستان کے رفاہی ادارے ’ایدھی فاونڈیشن‘ کا ہندوستان کو کورونا کے خلاف جنگ میں مدد کی پیشکش بالکل بچکانی حرکت لگ رہی ہے۔ پچاس ایمبولینس کی پیشکش کرنے والی تنظیم کےلئے ضروری یہ ہے کہ پہلے پاکستان کی ضرورت کو پورا کرے۔ جہاں سڑکوں پر کتوں کے کاٹنے سے مرنے والوں کی تعداد اتنی بڑھ رہی ہے کہ کتوں کو دیکھتے ہی گولی مارنے کا حکم دیا جاچکا ہے۔ ایدھی فاونڈیشن نے بہت فلاحی کام کیا ہے ،مگر ان حالات میں اس قسم کی پیشکش کو محض ایک زبانی جمع خرچ اور پبلسٹی کا طریقہ ہی کہا جاسکتا ہے۔
ایدھی فاؤنڈیشن کے سربراہ فیصل ایدھی کی جانب سے کی گئی پیشکش میں ’ایمبولینسوں اور رضاکاروں کی ٹیم انڈیا بھیجنے‘ کا کہا گیا ہے۔ فیصل ایدھی کے مطابق اس مصیبت کی گھڑی میں ایدھی فاونڈیشن اور اس کے رضا کار اپنے پڑوسی ملک کی عوام کے ساتھ کھڑے ہیں، ہندوستانی عوام کی اس مصیبت کے وقت مدد کرنا چاہتے ہیں، اجازت ملنے کی صورت اپنی خصوصی رضا کار ٹیم کے ساتھ انڈیا روانہ ہو جائیں گے۔ یاد رہے کہ ہندوستان میں کورونا کی بگڑتی صورتحال اور ایک دن میں نئے کیسز ریکارڈ سطح پر پہنچ جانے کے بعد اسپتالوں میں آکسیجن اور بیڈز کی شدید قلت نے پریشان کن صورتحال پیدا کر رکھی ہے۔دوسری جانب پاکستان میں سوشل ٹائم لائنز پر بھی ہندوستان میں کورونا وبا کی صورتحال کے باعث افسردگی اور سوگواریت نمایاں ہے۔ متعدد پاکستانی ٹویپس ہندوستان کی موجودہ صورتحال میں وہاں کے مکینوں کو درپیش مشکلات پر اظہار ہمدردری کر رہے ہیں۔
موجودہ حالات میں ایدھی فاونٹیشن کےلئے ضروری ہوگا کہ صرف پاکستان پر توجہ مرکوز رکھے کیونکہ ہندوستان ایک بڑی طاقت ہے جو ایسے حالات سے نپٹنے کا اہل ہے۔
Wonderful Gesture by Abdul Sattar Edhi Foundation for India. Letter to PM @narendramodi For Assistance pic.twitter.com/5B4DCDdbC6
— Qamar Cheema (@Qamarcheema) April 23, 2021