اسٹاکٹن: کیلیفورنیا کے شہر اسٹاکٹن میں ایک بینکوئٹ ہال میں تقریب کے دوران ہونے والی فائرنگ کے نتیجے میں چار افراد ہلاک اور دس دیگر زخمی ہو گئے۔ حکام نے ہفتے کے روز اس واقعے کی اطلاع دی۔ سین جوئیکن کاؤنٹی کے شیرف کے دفتر کی ترجمان ہیڈر برینٹ نے بتایا کہ متاثرین میں بچے اور بالغ دونوں شامل ہیں، اور ابتدائی اشاروں کے مطابق ’’یہ نشانہ بنا کر کیے گئے حملے کا معاملہ ہو سکتا ہے۔‘‘

حکام نے زخمیوں کی حالت کے بارے میں کوئی تفصیل فراہم نہیں کی اور نہ ہی اس واقعے کے مزید پہلوؤں پر روشنی ڈال حکام کے مطابق واقعہ زیرِ تفتیش ہے۔ اسٹاکٹن، کیلیفورنیا کا ایک شہر ہے جو ماضی میں گینگ تشدد اور فائرنگ کے متعدد واقعات کا سامنا کرتا رہا ہے۔

کیلیفورنیا مجموعی طور پر سخت اسلحہ قوانین رکھنے کے باوجود، ریاست میں بڑے اجتماعات اور تقریبات کے دوران فائرنگ کے واقعات وقتاً فوقتاً پیش آتے رہتے ہیں۔ بینکوئٹ ہالز یا نجی تقریبات میں ہونے والی فائرنگ اکثر: گینگ دشمنی ، ذاتی جھگڑوں اور نشانہ بنا کر حملوں (Targeted attacks) سے جڑی ہوتی ہے۔

امریکا کے کئی شہروں کی طرح اسٹاکٹن بھی بارہا ایسے واقعات سے گزرا ہے جن میں عام شہری، بشمول بچے، متاثر ہوتے ہیں۔ حالیہ سالوں میں پولیس نے اس علاقے میں منظم جرائم اور اسلحہ سے متعلق سرگرمیوں پر کنٹرول کرنے کی کوششیں بڑھائی ہیں، لیکن بڑے اجتماعی پروگرام اب بھی ایسے حملوں کا ہدف بن سکتے ہیں۔ یہ تازہ واقعہ اسی سلسلے کی ایک اور کڑی ہے، جس نے مقامی برادری میں خوف اور تشویش کو مزید بڑھا دیا ہے، جبکہ حکام حملہ آوروں اور حملے کے محرکات کی شناخت کے لیے تفتیش کر رہے ہیں۔