واشنگٹن: امریکی صدر ڈونالڈ ٹرمپ برکس (BRICS) ممالک سے ناراض ہیں۔ جب سے اس بار برکس ممالک کی میٹنگ ہوئی ہے، تب سے ہی ٹرمپ اضافی ٹیرف لگانے کی دھمکیاں دے رہے ہیں۔ پہلے ٹرمپ نے کہا تھا کہ اگر برکس ممالک نے امریکہ کو نقصان پہنچانے کی کوشش کی، تو ان پر 10 فیصد اضافی ٹیکس لگایا جائے گا۔ اب منگل کو وائٹ ہاؤس میں میڈیا سے بات کرتے ہوئے ٹرمپ نے کہا کہ برکس میں شامل ممالک پر جلد ہی 10 فیصد ڈیوٹی عائد کی جائے گی۔

ہندوستانسے متعلق سوال پر ٹرمپ کا بیان

کابینہ اجلاس کے دوران ٹرمپ نے سخت وارننگ دیتے ہوئے کہا کہ برکس پر بہت جلد 10 فیصد ڈیوٹی لگائی جائے گی۔ جب ہندوستانکی پوزیشن کے بارے میں پوچھا گیا تو ٹرمپ نے واضح کیا کہ کسی کو استثنیٰ نہیں دیا جائے گا۔ انہوں نے صاف کہا کہ چونکہ ہندوستانبرکس کا رکن ہے، اس لیے وہ بھی اس بلاک کے باقی ممالک کی طرح 10 فیصد اضافی ٹیرف کے دائرے میں آئے گا۔

"ڈالر بادشاہ ہے"

ڈونالڈ ٹرمپ نے کہا:"اگر وہ (بھارت) برکس میں ہیں، تو انہیں ضرور 10 فیصد ادا کرنا ہوگا، کیونکہ برکس کا قیام ہمیں نقصان پہنچانے اور ہمارے ڈالر کو کمزور کرنے کے لیے کیا گیا ہے۔ ڈالر بادشاہ ہے، اور ہم اسے ایسے ہی رکھیں گے۔ اگر کوئی اسے چیلنج کرنا چاہتا ہے تو ضرور کرے، لیکن انہیں اس کی بھاری قیمت چکانی پڑے گی۔ مجھے نہیں لگتا کہ ان میں سے کوئی بھی اس قیمت کو ادا کرنے کے لیے تیار ہے۔

ٹرمپ نے اپنے دعوے کو دہرایا کہ برکس (BRICS) ڈالر کو ختم کرنے کی کوشش کر رہا ہے۔ انہوں نے کہا کہ برکس امریکہ کے لیے کوئی حقیقی چیلنج نہیں ہے۔ پیر کو ٹرمپ نے "ٹروتھ سوشل" پر پوسٹ کیا تھا:
کوئی بھی ملک جو برکس کی امریکی مخالف پالیسیوں کے ساتھ خود کو جوڑے گا، اس پر اضافی 10 فیصد ٹیرف عائد کیا جائے گا۔ اس پالیسی میں کوئی استثنا نہیں ہوگا۔ اس معاملے پر توجہ دینے کے لیے آپ کا شکریہ۔

14 ممالک کو ٹیرف نوٹس کے بعد ہندوستانسے ڈیل کا عندیہ

14 ممالک کو ٹیرف سے متعلق نوٹس جاری کرنے کے فوراً بعد، ٹرمپ نے اعلان کیا کہ ہندوستانکے ساتھ ایک تجارتی معاہدہ طے پانے والا ہے۔ انہوں نے کہا:
ہم ہندوستانکے ساتھ ایک معاہدے کے قریب ہیں۔"

امریکی صدر جب ہندوستانکا دورہ کریں گے تو امکان ہے کہ ٹرمپ اور وزیرِاعظم نریندر مودی کے درمیان آخری تجارتی معاہدے پر دستخط ہوں گے۔ بھارتی حکام گزشتہ ماہ کئی دنوں تک امریکہ میں موجود تھے اور جولائی کے آغاز میں واپس آئے ہیں۔