واشنگٹن

امریکا میں دو روزہ عالمی ماحولیاتی ورچوئل کانفرنس کا آغاز ہوگیا ہے۔ امریکی صدر جو بائیڈن نے 2030 تک ماحول کو نقصان پہنچانے والی گرین ہاؤس گیسز کے اخراج میں 50 سے 52 فیصد تک کمی کا اعلان کیا۔

برطانوی وزیراعظم بورس جانسن نے امریکی اعلان کو گیم چینجر قراردیتے ہوئےکہا کہ امریکی اقدام سے ماحولیاتی تبدیلی کے خلاف عالمی جنگ پر دور رس اثرات مرتب ہوں گے۔

چین کے صدر شی جن پنگ نے کوئلے کے استعمال میں کمی لانے اور 2060 تک ملک کو کاربن فری بنانے کے عزم کا اظہار کیا ہے۔

روسی صدر پیوٹن نے تمام ممالک کو ماحولیاتی تبدیلی پر مشترکہ سائنسی تحقیق کی تجویز دی ہے۔

(ایجنسی ان پٹ)