غزہ پر اسرائیل کی وحشیانہ بمباری کا سلسلہ نہ رک سکا اور شہید فلسطینیوں کی تعداد56 ہو گئی جبکہ سیکڑوں افراد زخمی ہیں۔ اسرائیلی فورسز کی جانب سے فلسطین میں رہائشی عمارتوں کو نشانہ بنایا گیا جس کے باعث درجنوں عمارتیں مکمل تباہ ہوگئیں۔

اسرائیلی فوج کے حملوں میں اب تک 14 بچے بھی شہید ہوچکے ہیں جبکہ قدس نیوز نیٹ ورک نے غزہ میں اسرائیلی بمباری سے شہید ہونے والے 11 سالہ حمزہ کی تصویر شیئر کی ہے۔ تصویر میں دیکھا جاسکتا ہے کہ شہید 11 سالہ حمزہ کفن میں لپٹا مسکرا رہا ہے اور شہید بچے کے چہرے پر مسکراہٹ کے ساتھ ساتھ اطمینان بھی ہے۔

حمزہ کی کفن میں لپٹی تصویر سوشل میڈیا پر تیزی سے وائرل ہورہی ہے اور سوشل میڈیا صارفین بھی اسرائیلی مظالم پر سیخ پا ہیں۔

11-year-old Hamza Nassar, one of the 14 Palestinian children who were killed by Israeli terror airstrikes in #Gaza.#GazaUnderAttack pic.twitter.com/5aK9Zmi19g

— Quds News Network (@QudsNen) May 12, 2021

پاکستان کے نامور سینئر صحافی حامد میر نے بھی یہ تصویر ری ٹوئٹ کرتے ہوئے لکھا کہ ڈیئر حمزہ، ہمیں معاف کردینا جب آپ پر بمباری ہو رہی تھی تو ہم صرف مذمتی بیانات جاری کر رہے تھے ہم آپ کیلئے کچھ نہ کر سکے۔

(ان پٹ ایجنسی )