لندن:ملکہ برطانیہ کے تاج پر سجے کوہ نور ہیرے پر بحث ایک بار پھر چھڑ گئی ہے۔ کوہ نور ہیرے سے جڑا تاج گزشتہ سال ملکہ الزبتھ دوم کی وفات کے بعد بادشاہ چارلس سوئم کی اہلیہ ملکہ کنسورٹ کیملا کے حوالے کیا گیا تھا۔ لیکن، ملکہ کیملا نے یہ متنازع تاج پہننے سے انکار کر دیا۔ اب خبر ہے کہ یہ کوہ نور ہیرا مئی میں کھلے عام نمائش کے لیے پیش کیا جائے گا۔ ابھی اسے شاہی خزانے میں رکھا گیا ہے۔

میڈیا رپورٹس کے مطابق اب کوہ نور کے ساتھ تاج، کچھ دیگر شاہی زیورات اور نشانات کو 'ٹاور آف لندن' میں عوامی نمائش کے لیے رکھا جائے گا۔ اسے 'فتح کی علامت' کے طور پر دکھایا جائے گا۔ اس کی تاریخ بھی بتائی جائے گی۔ یہ نمائش مئی میں عام لوگوں کے لیے کھول دی جائے گی۔ ہندوستان سے برطانیہ پہنچنے والا کوہ نور 105.6 قیراط کا ہے۔ اسے دنیا کا سب سے بڑا ہیرا سمجھا جاتا ہے۔

ہیرے کا موجودہ نام فارسی میں ہے، جس کا مطلب ہے 'روشنی کا پہاڑ'۔ مورخین بتاتے ہیں کہ یہ ہیرا آندھرا پردیش کے ضلع گنٹور میں واقع گولکنڈہ کی کانوں میں کھدائی کے دوران دریافت ہوا تھا۔ اس کے بعد وہ 1304 میں مالوا پہنچا۔

یہاں سے 1306 میں اوروگلو، 1323 میں دہلی، 1339 میں سمرقند ازبکستان، 1526 میں دہلی واپس،آیا 1739 میں موجودہ ایران، 1747 میں کابل افغانستان، 1800 میں پنجاب، 1849 میں لاہور، 1854 میں برطانیہ پہنچا۔ کوہ نور ہیرا غیر منقسم پنجاب کے مہاراجہ رنجیت سنگھ کے خزانے میں تھا۔ وہاں سے انگریز اسے اپنے ساتھ لے گئے اور اس وقت کے برطانوی گورنر نے اسے ملکہ وکٹوریہ کو پیش کیا۔

اس کے بعد کوہ نور ہیرے کو تاج میں جڑ کر پہنایا گیا۔ کہا جاتا ہے کہ تاج میں لگانے کے دوران کاریگروں نے ہیرے کو کاٹ کر اس کا سائز کم کر دیا۔ اس کے باوجود کوہ نور دنیا میں دستیاب سب سے بڑے ہیراہے۔