ریاض: سعودی عرب میں رمضان المبارک کے استقبال کے لیے تیاریاں زور و شور سے جاری ہیں۔ مکہ مکرمہ میں مقدس مہینے کی آمد کی خوشی میں شاہراہوں اور اہم مقامات پر خصوصی چراغاں کیا گیا، جبکہ مسجد الحرام میں ماہِ شعبان کے آخری جمعے کے موقع پر تقریباً 15 لاکھ سے زائد زائرین نے شرکت کی، جو عید اور رمضان کے موقع پر زائرین کی بڑھتی ہوئی تعداد کی عکاسی کرتا ہے۔ ہندوستان اور پاکستان میں یکم رمضان المبارک 19 فروری کو ہوسکتا ہے۔

نجی اداروں اور مذہبی مراکز کی جانب سے عوام کو رمضان کے آغاز کے حوالے سے رہنمائی فراہم کی جا رہی ہے تاکہ روزہ رکھنے کی تیاری آسان ہو۔ آسٹریلیا میں بھی رمضان کے آغاز کی تاریخ سے متعلق اعلان کیا گیا ہے۔ ترجمان سپارکو کے مطابق نیا چاند 17 فروری کی شام کو ہو گا، جبکہ 18 فروری کی شام چاند نظر آنے کے امکانات ہیں۔

تاہم رمضان المبارک کے چاند کا حتمی اعلان رویتِ ہلال کمیٹی کرے گی، جو ملک بھر سے چاند کے مشاہدات کے بعد تاریخ کا باقاعدہ اعلان کرے گی۔ رمضان کے موقع پر دنیا بھر کے مسلمان روحانی اور سماجی سرگرمیوں کی تیاری میں مصروف ہیں، اور اس مقدس مہینے کے دوران عبادات، افطاری کے اجتماعات اور خیرات کے پروگرام منعقد کیے جائیں گے۔