نئی دہلی
وزیرِ اعظم نریندر مودی نے جمعہ کے روز خوسے انتونیو کاسٹ رسٹ کو چلی کے صدر کا عہدہ سنبھالنے پر مبارکباد دی اور کہا کہ وہ دونوں ممالک کے درمیان دوطرفہ تعلقات کو مزید مضبوط بنانے کے لیے ان کے ساتھ قریبی تعاون کے خواہاں ہیں۔
انتہائی دائیں بازو کے رہنما خوسے انتونیو کاسٹ رسٹ نے بدھ کے روز چلی کے نئے صدر کے طور پر حلف اٹھایا تھا۔ 1990 میں ملک میں جمہوریت کی واپسی کے بعد یہ لاطینی امریکی ملک کی سیاست میں دائیں بازو کی جانب سب سے نمایاں تبدیلی مانی جا رہی ہے۔
نریندر مودی نے سوشل میڈیا پلیٹ فارم ایکس پر اپنے پیغام میں کہا كہ چلی کے صدر کا عہدہ سنبھالنے پر خوسے انتونیو کاسٹ رسٹ کو دل کی گہرائیوں سے مبارکباد۔ میں ان کے ساتھ مل کر ہندوستان اور چلی کے درمیان گرمجوش اور دوستانہ تعلقات کو مزید مضبوط بنانے اور تجارت، ٹیکنالوجی اور توانائی کے شعبوں میں تعاون کو گہرا کرنے کا منتظر ہوں۔ ان کے کامیاب دورِ اقتدار کے لیے نیک خواہشات۔
.gif)
