کویٹہ : پاکستان ریلوے نے بلوچستان سے آنے اور جانے والی تمام ٹرین سروسز چار دن کے لیے معطل کرنے کا اعلان کیا ہے۔اتوار کو علیحدگی پسندوں نے مستونگ کے علاقے میں کوئٹہ سے پشاور جانے والی جعفر ایکسپریس کے ٹریک کو دھماکے سے تباہ کر دیا، جس کے نتیجے میں ٹرین کی چھ بوگیاں پٹڑی سے اتر گئیں۔

ریلوے کے ترجمان اکرام اللہ کے مطابق، اس واقعے میں کوئی جانی نقصان نہیں ہوا اور انجینیئرز ٹریک کی مرمت میں مصروف ہیں۔

کالعدم بلوچ لبریشن آرمی (بی ایل اے) نے اس حملے کی ذمہ داری قبول کی ہے۔ یہ واقعہ اس وقت پیش آیا جب پاکستان 14 اگست کو اپنی 78ویں یومِ آزادی کی تیاری کر رہا تھا۔

چند ماہ قبل بی ایل اے نے اسی ضلع میں ایک ٹرین کو ہائی جیک کر کے 21 یرغمالیوں کو قتل کر دیا تھا، جبکہ سکیورٹی فورسز کی کارروائی میں 33 حملہ آور مارے گئے تھے۔

پاکستان ریلوے کی جانب سے اس تازہ حملے پر تاحال کوئی باضابطہ بیان جاری نہیں کیا گیا۔