لاہور/ آواز دی وائس
پاکستان کے صوبہ پنجاب میں ریسکیو آپریشن کے دوران تین کشتیاں الٹنے سے بچوں سمیت کم از کم 10 سیلاب متاثرین جاں بحق ہو گئے۔ ایک سرکاری اہلکار نے جمعہ کو یہ اطلاع دی۔
پنجاب ایمرجنسی سروس ریسکیو 1122 کے ایک اہلکار کے مطابق جنوبی پنجاب میں بڑے پیمانے پر لوگوں کو محفوظ مقامات پر منتقل کرنے کا کام جاری ہے کیونکہ وہاں سیکڑوں دیہات سیلابی پانی میں ڈوب گئے ہیں۔
اہلکار نے بتایا کہ انخلا کے دوران ملتان اور بہاولنگر کے قریب تین کشتیاں الٹ گئیں، جس کے نتیجے میں بچوں سمیت 10 سیلاب متاثرین کی موت ہو گئی۔ تاہم، ریسکیو اہلکاروں نے 40 دیگر افراد کو ڈوبنے سے بچا لیا۔
پنجاب کی وزیر اطلاعات عظمیٰ بخاری نے جمعرات کو کہا تھا کہ 23 اگست سے صوبے میں سیلاب سے متعلقہ واقعات میں 78 افراد جاں بحق ہو چکے ہیں۔ بخاری نے کہا کہ ان 10 افراد کی موت کے ساتھ مرنے والوں کی تعداد 88 ہو گئی ہے۔
انہوں نے یہاں ایک پریس کانفرنس میں کہا کہ 23 اگست کو پنجاب میں سیلاب شروع ہونے کے بعد سے اب تک 78 افراد اپنی جان گنوا چکے ہیں اور 42 لاکھ لوگ متاثر یا بے گھر ہو چکے ہیں۔
