نیویارک: رمضان المبارک کے بابرکت مہینے میں نیویارک کے مشہور ٹائمز اسکوائر پر باجماعت تراویح کا اہتمام کیا گیا، جو اس مقام پر پانچواں سالانہ انعقاد ہے۔

گزشتہ شب، نیون لائٹس اور اشتہارات کی روشنی کے درمیان سینکڑوں مسلمانوں نے باجماعت تراویح ادا کی اور روحانی ماحول کا حصہ بنے۔ تقریب کے منتظمین کے مطابق، روزہ افطار کرنے کے لیے تقریباً 2 ہزار مسلمانوں سمیت ضرورت مند افراد میں کھانا بھی تقسیم کیا گیا، تاکہ رمضان کی برکت سب تک پہنچ سکے۔