یہ کہتے ہوئے انہوں نے سیریز کے مقبول کرداروں کی واپسی کی طرف اشارہ کیا۔ایمیزون ایم جی ایم اسٹوڈیوز اور ایکسل انٹرٹینمنٹ کی پیشکش، اور پنیت کرشنا کی تخلیق کردہ یہ فلم، ہندوستان کی سب سے بڑی اور کامیاب او ٹی ٹی سیریز میں سے ایک کو سینما کی بڑی اسکرین پر ایک شاندار ایونٹ کے طور پر پیش کرے گی، جس کی نمائش اگلے سال متوقع ہے۔

مداح اس فلم میں مُنّا بھیا (دیویندو) کی تھیٹر میں واپسی کے بھی منتظر ہیں۔ گرمیّت سنگھ کی ہدایت کاری میں بننے والی اس فلم میں پنکج ترپاٹھی کالین بھیا، علی فضل گڈّو پنڈت، دیویندو منّا ترپاٹھی اور ابھیشیک بنرجی کے کرداروں میں نظر آئیں گے۔یہ فلم 2026 میں ملک بھر کے سینما گھروں میں ریلیز کی جائے گی، جس کے بعد اسے خصوصی طور پر پرائم ویڈیو پر اسٹریم کیا جائے گا۔

“مرزا پور” سیریز اسٹریمنگ پلیٹ فارمز پر نہایت مقبول شو ہے، جس کی کہانی امیر قالین برآمد کنندہ اکھنڈانند ترپاٹھی کے گرد گھومتی ہے، جو مرزا پور کا جرائم پیشہ سردار ہے۔ اس کا غیر متوقع اور پُرتشدد بیٹا اپنے باپ کی وراثت سنبھالنے کا خواہاں ہے، مگر جب مُنّا کا سامنا گڈّو اور ببلو سے ہوتا ہے تو حالات بگڑ جاتے ہیں اور طاقت کے توازن بدل جاتے ہیں۔ یہ سیریز پہلی بار 2018 میں نشر ہوئی، اس کے بعد دوسرا سیزن 2020 میں اور تیسرا سیزن 2024 میں پیش کیا گیا۔