جدہ :  خلیجی ملکوں میں دسمبر کی تعطیلات شروع ہوتے ہی مکہ مکرمہ اور مدینہ منورہ میں ہوٹلوں کے کرایوں میں تیز اضافہ دیکھا جا رہا ہے۔سبق کے مطابق ہوٹل مالکان کا کہنا ہے کہ حرمین شریفین کے قریب واقع ہوٹلوں میں دسمبر کے آغاز کے ساتھ ہی نرخ نومبر کے مقابلے میں تقریباً 40 فیصد بڑھ گئے ہیں۔ اس کی بڑی وجہ خلیجی خاندانوں کی جانب سے ایڈوانس بکنگ بتائی جا رہی ہے۔

مرکزی علاقوں سے باہر موجود ہوٹلوں کے کرایے بھی بڑھے ہیں، لیکن وہاں اضافہ نسبتاً کم یعنی 15 سے 20 فیصد ہے۔

حotelنگ کے ماہرین کے مطابق قطر، بحرین اور امارات میں دسمبر کے دوران نیشنل ڈے اور اسکولوں کی تعطیلات آتی ہیں۔ اسی باعث سینکڑوں خلیجی شہری اور وہاں مقیم غیر ملکی عمرہ اور زیارت کے لیے سعودی عرب کا رخ کر رہے ہیں، جس نے ہوٹلوں کی طلب اچانک بڑھا دی ہے۔دسمبر کے پہلے ہفتے کی تعطیلات کا شیڈول سامنے آتے ہی مکہ اور مدینہ کے ہوٹل تقریباً مکمل طور پر بک ہو چکے ہیں۔

ماہرین کا کہنا ہے کہ کرایوں میں یہ اضافہ شاید ماہِ دسمبر کے وسط تک برقرار رہے۔ اس کے بعد کچھ کمی آسکتی ہے، لیکن عمرہ سیزن میں زائرین کی بڑی تعداد پہنچنے کے ساتھ ہی ریٹس دوبارہ بڑھنے کا امکان ہے۔