ماسکو،:  وزیر خارجہ ڈاکٹر ایس جے شنکر جو روس کے دورے پر ہیں، جمعرات کو ماسکو میں روسی صدر ولادیمیر پوتن سے ملاقات کی ڈاکٹر جے شنکر نے مسٹر پوتن کو روسی وزیر خارجہ سرگئی لاوروف اور نائب وزیر اعظم کے ساتھ اپنی بات چیت سے آگاہ کیا

انہوں نے صدر دروپدی مرمو اور وزیر اعظم نریندر مودی کی جانب سے مسٹر پوتن کو نیک خواہشات بھی پیش کیں۔ ملاقات کے بعد ڈاکٹر جے شنکر نے سوشل میڈیا پلیٹ فارم ایکس پر کہاکہ "مجھے آج کریملن میں صدر پوتن سے مل کر اعزاز حاصل ہے۔ میں نے صدر دروپدی مرمو اور وزیر اعظم نریندر مودی کی دلی مبارکباد پیش کی۔ ڈاکٹر جے شنکر نے مسٹر پوتن کو نائب وزیر اعظم ڈینس مانتوروف اور وزیر خارجہ سرگئی لاوروف کے ساتھ اپنی بات چیت سے آگاہ کیا۔ دونوں ممالک کے درمیان سالانہ سربراہی اجلاس کی تیاریاں زوروں پر ہیں۔ انہوں نے کہا کہ میں عالمی صورتحال اور یوکرین میں ہونے والی حالیہ پیش رفت پر تبادلہ خیال کے لیے شکر گزار ہوں۔ قابل ذکر ہے کہ ڈاکٹر جے شنکر تین روزہ دورے پر روس گئے ہیں