بیروت: لبنانی فوج نے کہا ہے کہ جنگ بندی کے نفاذ کے باوجود اسرائیل نے اس کی خلاف ورزی کی ہے۔ جمعے کی علی الصبح جاری بیان میں فوج کے مطابق رات کے وقت جنوبی لبنان کے متعدد دیہات پر وقفے وقفے سے گولہ باری کی گئی۔ فوج نے شہریوں کو خبردار کیا ہے کہ وہ فی الحال جنوبی علاقوں کے دیہات اور قصبوں میں واپس نہ جائیں اور صورتحال واضح ہونے تک احتیاط برتیں۔

برطانوی خبر رساں ادارے کے مطابق اس واقعے پر اسرائیلی فوج کی جانب سے فوری طور پر کوئی باضابطہ ردِعمل سامنے نہیں آیا۔ لبنان اور اسرائیل کے درمیان سرحدی کشیدگی کافی عرصے سے جاری ہے، جو حالیہ مہینوں میں مزید شدت اختیار کر گئی تھی۔

سرحدی علاقوں میں جھڑپوں اور گولہ باری کے واقعات کے بعد جنگ بندی کی کوششیں کی گئیں تاکہ صورتحال کو قابو میں رکھا جا سکے اور شہری آبادی کو تحفظ فراہم کیا جا سکے۔ اسی تناظر میں عالمی سطح پر بھی جنگ بندی پر زور دیا جا رہا ہے، اور سابق امریکی صدر ڈونلڈ ٹرمپ سمیت مختلف رہنماؤں نے کشیدگی کم کرنے کی اپیل کی ہے۔