برسلز

یورپین پارلیمنٹ نے اسرائیل اور فلسطین کے درمیان تشدد میں مزید شہری ہلاکتوں سے بچنے کیلئے فوری جنگ بندی کی ضرورت پر زور دیا ہے۔

اس حوالے سے ممبران یورپین پارلیمنٹ نے آج ہونے والے اجلاس میں یورپ کے موجودہ صدر ملک پرتگال کے وزیر خارجہ آگسٹو سانٹوس سلوا کے ساتھ ایک مکمل بحث میں اسرائیل اور فلسطین کے مابین تشدد کے نئے اضافے پر شدید تشویش کا اظہار کرتے ہوئے فریقین سے لڑائی کو فوری طور پر ختم کرنے کا مطالبہ کیا۔

واضح رہے کہ حالیہ اسرائیلی حملوں میں اب تک 217 فلسطینی شہید اور 1400 سے زائد زخمی ہوچکے ہیں۔جن میں معصوم بچے اور خواتین بھی شامل ہیں۔جبکہ سیکڑوں عمارتیں بھی اب ملبے میں تبدیل ہوکر جارحیت اور ظلم کی کہانی بیان کررہی ہیں۔ (ایجنسی ان پٹ )