تہران :ایران کے سرکاری میڈیا کے مطابق اسلامی جمہوریہ ایران کے پاسداران انقلاب اسلامی نے ایک جدید فضائی دفاعی نظام کے ذریعے وسطی ایران کے اوپر ایک اور امریکی پانچویں نسل کے ایف 35 لڑاکا طیارے کو نشانہ بنا کر مار گرایا ہے اور حکام کا کہنا ہے کہ پائلٹ کے ایجیکٹ ہونے کا امکان کم ہے۔

سرکاری میڈیا پریس ٹی وی کے مطابق خاتم الانبیاء ہیڈکوارٹر کے ترجمان کے حوالے سے کہا گیا کہ اس طیارے کو آئی آر جی سی ایرو اسپیس فورس کے نئے فضائی دفاعی نظام کے ذریعے نشانہ بنایا گیا۔

مزید کہا گیا کہ ٹکر اور تباہی کے دوران زبردست دھماکہ ہوا جس کی وجہ سے پائلٹ کے زندہ بچنے کا امکان بہت کم ہے۔

ترجمان نے کہا کہ دوسرا امریکی پانچویں نسل کا ایف 35 طیارہ ایک نئے فضائی دفاعی نظام کے ذریعے وسطی ایران میں مار گرایا گیا ہے۔ شدید دھماکے کی وجہ سے پائلٹ کے ایجیکٹ ہونے کا امکان نہیں ہے۔

یہی دعویٰ مرکزی ہیڈکوارٹر ختم النبیین کی جانب سے بھی کیا گیا جسے ایران براڈکاسٹنگ نے نشر کیا۔ اس میں کہا گیا کہ جدید اسٹیلتھ طیارے کو آئی آر جی سی کے جدید فضائی دفاعی نظام نے نشانہ بنایا۔

بیان کے مطابق دوسرا امریکی ایف 35 طیارہ ایران کی فضائی حدود میں نشانہ بن کر تباہ ہوا۔ شدید دھماکے کے باعث پائلٹ کے بچنے کا امکان نہیں ہے۔

اس سے پہلے 19 مارچ کو ایران نے دعویٰ کیا تھا کہ اس نے دنیا میں پہلی بار امریکی ایف 35 لائٹننگ 2 طیارے کو نشانہ بنایا۔ یہ طیارہ امریکی فضائی طاقت کا ایک اہم حصہ مانا جاتا ہے۔

دنیا کے 19 سے زیادہ ممالک اس طیارے کو استعمال کر رہے ہیں یا اس کی تیاری کر رہے ہیں اور یہ امریکہ اور اس کے اتحادیوں میں بہت زیادہ اہمیت رکھتا ہے۔

سی این این کی ایک رپورٹ کے مطابق امریکی دفاعی حکام نے تصدیق کی تھی کہ ایک ایف 35 نے ایرانی میزائل حملے کے بعد ہنگامی لینڈنگ کی تھی اور پائلٹ محفوظ تھا جبکہ معاملے کی جانچ جاری ہے۔

آئی آر جی سی نے کہا کہ اس نے وسطی ایران کی فضائی حدود میں امریکی ایف 35 طیارے کو کامیابی سے نشانہ بنایا۔ اس کے مطابق یہ حملہ مقامی وقت کے مطابق صبح 2 بج کر 50 منٹ پر کیا گیا۔

بیان میں کہا گیا کہ طیارے کی حالت واضح نہیں ہے اور اس کی تحقیقات جاری ہیں جبکہ اس کے تباہ ہونے کا امکان زیادہ بتایا جا رہا ہے۔

آئی آر جی سی نے مزید کہا کہ یہ کارروائی 125 سے زیادہ امریکی اور اسرائیلی ڈرونز کو مار گرانے کے بعد کی گئی ہے جو ایران کے فضائی دفاعی نظام میں بڑی پیش رفت کو ظاہر کرتی ہے۔