آواز وائس/ نئی دہلی
آیت اللہ علی خامنہ ای کے بعد ایران کی قیادت کون کرے گا اور آگے کیا ہوگا۔ ملک ایک نہایت حساس عبوری مرحلے میں داخل ہوگیا ہے - قیادت کے خلا کو کیسے پُر کیا جائے گا اور طاقت کا توازن ایران کے اگلے مرحلے کو کس طرح تشکیل دے گا
دباؤ کا شکار نظام
خامنہ ای کا دور اندرونی بے چینی سے عبارت رہا جس میں سال 1999 کے طلبہ احتجاج 2009 کی گرین موومنٹ اور 2022 کی ویمن لائف فریڈم تحریک شامل ہیں۔ معاشی مشکلات پابندیاں اور نسلی و نسلیاتی تبدیلیوں نے بھی نظام پر دباؤ بڑھایا ہے۔خارجی سطح پر ایران اسرائیل اور امریکہ کے ساتھ محاذ آرائی میں الجھا رہا ہے اور جوہری تنصیبات اور اعلیٰ کمانڈروں پر حملوں کے بعد کشیدگی میں اضافہ ہوا ہے۔ قیادت کا خلا مخالفین کو حوصلہ دے سکتا ہے یا سخت داخلی استحکام کا باعث بن سکتا ہے۔
غیر یقینی کے دن
آئینی طور پر جانشینی کا طریقہ کار واضح ہے مگر عملی طور پر منتقلی کا دارومدار مذہبی اشرافیہ سکیورٹی کمانڈروں اورسیاسی سخت گیروں کے درمیان مذاکرات پر ہوگا۔خامنہ ای کی موت خودکار طور پر نظام کے انہدام کا اشارہ نہیں۔ اسلامی جمہوریہ کو ادارہ جاتی تحفظ کے کئی درجوں کے ساتھ تشکیل دیا گیا ہے۔ تاہم اعلیٰ سطح پر متحد کرنے والی شخصیت کے بغیر نظریاتی اختیار اور عسکری طاقت کے درمیان توازن کو 1989 کے بعد سب سے بڑے امتحان کا سامنا ہو سکتا ہے۔ایران میں تسلسل اصلاح یا اندرونی انتشار کا انحصار اس بات پر ہوگا کہ حکمران طبقہ کتنی تیزی اور ہم آہنگی سے اس خلا کو پُر کرتا ہے
جانشینی کے بغیر موت
ایران کے سپریم لیڈر آیت اللہ علی خامنہ ای کی موت بغیر کسی باضابطہ جانشین کے تقرر کے اسلامی جمہوریہ کو 1979 کے انقلاب کے بعد سب سے اہم قیادتی تبدیلی میں دھکیل دیایے اور اندرونی استحکام کے ساتھ ساتھ وسیع تر علاقائی کشیدگی کے خطرات سے متعلق فوری سوالات کو جنم دیتی ہے۔تین دہائیوں سے زائد عرصے تک خامنہ ای ایران کے سیاسی نظام کے اعلیٰ ترین مقام پر فائز رہے اور مسلح افواج عدلیہ انٹیلی جنس اداروں اور سرکاری نشریاتی نظام پر حتمی اختیار رکھتے تھے۔ان کی غیر موجودگی محض ایک عہدہ خالی ہونے کا معاملہ نہیں بلکہ اس نظام کی مضبوطی کا امتحان ہوگا
عارضی قیادت کونسل
علی رضا کو ایران کی عارضی قیادت کونسل کا فقہی رکن مقرر کر دیا گیا ہے۔ یہ کونسل اس وقت تک سپریم لیڈر کے تمام آئینی فرائض انجام دے گی جب تک مجلس خبرگان نیا مستقل رہبر منتخب نہیں کر لیتی۔
گارڈین کونسل کے عالم رکن اعرافی اس عبوری کونسل میں صدر مسعود پزشکیان اور چیف جسٹس غلام حسین محسنی اژہ ای کے ساتھ شامل ہوں گے۔
آئینی طور پر:سپریم لیڈر کے انتخاب کا اختیار مجلس خبرگان رهبری کے پاس ہوتاہے-مستقل انتخاب تک ایک عبوری انتظام قائم کیا جا سکتاہے،ریاستی اختیارات محدود مدت کے لیے مخصوص اعلیٰ عہدیداران کے درمیان تقسیم کیے جا سکتے ہیں -جہاں تک شخصیات کا تعلق ہے-آیت اللہ علی رضا اعرافی ایک ممتاز مذہبی عالم اور حوزہ علمیہ سے وابستہ شخصیت ہیں- مسعود پزشکیان ایران کے صدر ہیں-غلام حسین محسنی اژهای عدلیہ کے سربراہ ہیں-اسی طرح سپاہ پاسداران انقلاب اسلامی ایران کی سیاست اور سیکیورٹی ڈھانچے میں اہم کردار رکھتی ہے، اور قیادت کے کسی بھی ممکنہ انتقال میں اس کے اثر و رسوخ پر مبصرین گفتگو کرتے رہتے ہیں
کون ہیں علی رضا
سال 1959 میں صوبہ یزد میں پیدا ہونے والے 67 سالہ علی رضا اعرافی طویل عرصے سے ایران کی مذہبی اور سیاسی قیادت کا حصہ رہے ہیں۔ وہ کئی دہائیوں سے مختلف ریاستی اور مذہبی اداروں میں اہم ذمہ داریاں نبھاتے آ رہے ہیں۔وہ اس وقت اسمبلی آف ایکسپرٹس کی قیادت کونسل کے پہلے نائب صدر کے طور پر خدمات انجام دے رہے ہیں اور ایران کے قومی اسلامی مدارس کے نیٹ ورک کے سربراہ بھی ہیں۔ اس کے علاوہ وہ قم میں المصطفی انٹرنیشنل یونیورسٹی کے سابق چیئرمین رہ چکے ہیں اور جمعہ کے امام کے طور پر بھی فرائض انجام دیتے رہے ہیں۔ان کی عبوری سپریم لیڈر کے طور پر تقرری کو ایران کے مذہبی نظام کے تسلسل کی علامت سمجھا جا رہا ہے۔ یہ تقرری اس بات کی بھی عکاسی کرتی ہے کہ ایرانی نظام قیادت کے حساس مرحلے میں ایک ایسے تجربہ کار اندرونی شخصیت کو ترجیح دے رہا ہے جو ریاست کے پیچیدہ ادارہ جاتی ڈھانچے سے بخوبی واقف ہو۔
سپریم لیڈر کا انتخاب کیسے ہوتا ہے
ایران کے آئین کے تحت اگلا سپریم لیڈر اسمبلی آف ایکسپرٹس منتخب کرتی ہے جو 88 رکنی علما پر مشتمل ادارہ ہے جسے عوام منتخب کرتے ہیں مگر طاقتور نگرانی کے ادارے ان کی جانچ پڑتال کرتے ہیں۔
اسمبلی کو اختیار حاصل ہے کہ
سپریم لیڈر کا تقرر کرے
اگر نااہل سمجھا جائے تو اسے معزول کرے
ضرورت پڑنے پر عارضی قیادت کونسل قائم کرے-
جب 1989 میں روح اللہ خمینی کا انتقال ہوا تو اسمبلی نے فوری اجلاس بلا کر اس وقت کے صدر خامنہ ای کو منتخب کیا حالانکہ ان کے مذہبی مرتبے پر سوالات اٹھائے گئے تھے۔بعد ازاں آئین میں ترمیم کر کے مذہبی معیار کم کیا گیا تاکہ کم درجے کا عالم بھی اس منصب پر فائز ہو سکے۔
انتخاب کے پس پردہ طاقت
اگرچہ اسمبلی رسمی طور پر ووٹ دیتی ہے مگر حقیقی اثر و رسوخ ایران کے مضبوط طاقت کے مراکز میں پایا جاتاہے،خصوصاً اسلامی انقلابی گارڈ کور میں۔دہائیوں کے دوران گارڈ اسلامی جمہوریہ کی ریڑھ کی ہڈی بن چکی ہے جو خصوصی فوجی یونٹوں بیلسٹک میزائل فورسز اور وسیع معاشی اثاثوں پر کنٹرول رکھتی ہے۔غیر یقینی کے لمحے میں گارڈ کا مؤقف کسی امیدوار پر اتفاق رائے قائم کرنے یا عبوری کونسل کے ذریعےتسلسل برقرار رکھنے میں فیصلہ کن ہو سکتا ہے۔
ممکنہ جانشین
کسی واضح وارث کا باضابطہ اعلان نہیں کیا گیا تاہم چند شخصیات کو ممکنہ امیدوار سمجھا جاتا رہا ہے-
مجتبیٰ خامنہ ای
سپریم لیڈر کے بیٹے جن کے بارے میں کہا جاتا ہے کہ وہ پس پردہ اثر و رسوخ رکھتے ہیں۔ ان کی نامزدگی متنازع ہو سکتی ہے اور اسے موروثی جانشینی کے طور پر تنقید کا سامنا کرنا پڑ سکتا ہے۔علی رضا اعرافی نسبتاً کم معروف مگر مستحکم مذہبی شخصیت ہیں جن کا سرکاری اداروں میں تجربہ ہے اور وہ خامنہ ای کے قریبی سمجھے جاتے تھے۔ وہ اس وقت اسمبلی آف ایکسپرٹس کے نائب چیئرمین ہیں اور گارڈین کونسل کے رکن بھی رہ چکے ہیں۔ وہ ایران کے مدارس کے نظام کے سربراہ بھی ہیں۔ بعض ماہرین کے مطابق انہیں انتظامی صلاحیتوں پر خامنہ ای کا بھرپور اعتماد حاصل تھا تاہم انہیں بڑا سیاسی وزن رکھنے والی شخصیت نہیں سمجھا جاتا اور سکیورٹی اسٹیبلشمنٹ سے ان کے قریبی روابط نہیں مانے جاتے۔ بتایا جاتا ہے کہ وہ ٹیکنالوجی سے واقف عربی اور انگریزی میں ماہر ہیں اور 24 کتابیں اور مضامین شائع کر چکے ہیں۔
حسن خمینی
بانی اسلامی جمہوریہ روح اللہ خمینی کے نواسے ہیں جس سے انہیں مذہبی اور انقلابی جواز حاصل ہے۔ وہ خمینی کے مزار کے متولی ہیں مگر انہوں نے کوئی عوامی عہدہ نہیں سنبھالا اور سکیورٹی اداروں یا حکمران اشرافیہ میں ان کا اثر محدود سمجھا جاتا ہے۔ انہیں اپنے کئی ہم عصروں کے مقابلے میں کم سخت گیر تصور کیا جاتا ہے اور 2016 میں انہیں اسمبلی آف ایکسپرٹس کا انتخاب لڑنے سے روک دیا گیا تھا۔اسی طرح قدامت پسند مذہبی حلقوں کے سینئر علما خصوصاً وہ جو سکیورٹی اداروں کے قریب ہوں سمجھوتہ امیدوار کے طور پر سامنے آ سکتے ہیں جو مذہبی اور عسکری قیادت دونوں کے لیے قابل قبول ہوں۔
علی لاریجانی کا کردار
علی لاریجانی سابق اسپیکر پارلیمنٹ سابق انقلابی گارڈ کمانڈر اور قومی سلامتی کے طویل عرصے تک عہدیدار رہے ہیں۔ بعض تجزیہ کار انہیں ایک عملی قدامت پسند سمجھتے ہیں جو اسٹیبلشمنٹ سے گہرے روابط رکھتے ہیں۔ اگر نظام سخت مذہبی درجہ بندی کے بجائے استحکام کو ترجیح دے تو وہ اتفاقی سیاسی شخصیت کے طور پر سامنے آ سکتے ہیں۔
انقلابی گارڈ کا کردار
اسلامی انقلابی گارڈ کور جو اب ایران کا سب سے طاقتور ادارہ ہے ممکنہ جانشین پر اتفاق رائے قائم کرنے میں پس پردہ فیصلہ کن کردار ادا کر سکتا ہے۔ علاقائی خطرہامریکہ اور اسرائیل کے حملوں کے بعد پہلے ہی کشیدگی عروج پر ہے۔ قیادت کا خلا غلط اندازے کے خطرے کو بڑھا سکتا ہے یا سخت گیر استحکام کو تیز کر سکتا ہے۔
_(2).webp "ایران خامنہ ای کے بعد : اب تک کیا ہوا اور کیا ہوگا؟")
.webp)
.gif)
