اونٹاریو: ہندوستان کی خواتین ٹیم نے ورلڈ جونیئر ٹیم اسکواش چیمپئن شپ میں انگلینڈ کو 2-0 سے شکست دے کر پانچویں پوزیشن حاصل کر لی۔ رودرا سنگھ نے ریکا کیمیچسی کے خلاف 11-5، 8-11، 11-5، 11-6 سے کامیابی حاصل کرتے ہوئے ہندوستان کو برتری دلائی۔

اس کے بعد سانوی کالنکی نے ایو پارکنز کو 11-6، 11-9، 11-9 سے شکست دے کر مقابلہ اور پانچویں پوزیشن ہندوستان کے نام کر دی۔ اس سے قبل ہندوستان نے پلے آف مرحلے میں آسٹریلیا کو بھی 2-0 سے ہرایا تھا۔ سانوی کالنکی نے ٹینا ما کو 11-6، 11-9، 11-4 سے شکست دی، جبکہ رودرا سنگھ نے سربانی میترا کے خلاف پہلا گیم ہارنے کے بعد شاندار واپسی کرتے ہوئے 10-12، 11-5، 11-1، 11-2 سے فتح حاصل کی۔