جدہ پاکستان کے وزیر اعظم عمران خان نے دورہ سعودی عرب میں کہا ہے کہ سعودی عرب اور پاکستان نے مسئلہ کشمیر مذاکرات اور افغان تنازع سیاسی تصفیے کے ذریعے حل ہونے کی خواہش کا اظہار کیا ہے۔
پاکستانی اخبارڈان کی رپورٹ کے مطابق وزیراعظم عمران خان کے تین روزہ دورہ سعودی عرب کے دوسرے دن جاری ہونے والے اس مشترکہ بیان کو خاصہ اہم سمجھا جارہا ہے جس میں سعودی عرب نے کشمیر کے دیرینہ مسئلے کے حل کے لیے مذاکرات کا کہا ہے۔اعلامیے کے مطابق دونوں فریقین نے پاکستان اور ہندوستان کے درمیان حل طلب مسائل بالخصوص مسئلہ کشمیر کے حل کے لیے بات چیت کی اہمیت پر زور دیا ہے تا کہ خطے میں امن و استحکام یقینی بنایا جاسکے۔دوسری جانب آج سعودی وزیر خارجہ شہزادہ فیصل بن فرحان السعود نے کہا ہے سعودی عرب پاکستان اور ہندوستان کے درمیان تعلقات کی بہتری کے لیے کردار ادا کرنے کے لیے تیار ہے۔ اتوار کو پاکستان کے سرکاری ٹی وی چینل پی ٹی وی کو دیئے گئے خصوصی انٹرویو میں سعودی وزیر خارجہ نے کہا کہ ریاض دونوں ملکوں میں کشیدگی میں کمی کا خیرمقدم کرتا ہے۔
Joint 🇵🇰🇸🇦 Statement for the visit of the Prime Minister of the Islamic Republic of Pakistan to the Kingdom of Saudi Arabia:#PMIKinKSA#رئيس_وزراء_باكستان_في_السعودية pic.twitter.com/PrOPhK14z0
— Prime Minister's Office, Pakistan (@PakPMO) May 8, 2021