نئی دہلی/ آواز دی وائس
ہندوستان نے پیر کے روز پاکستان کی وزارتِ خارجہ کی جانب سے ہندوستان میں اقلیتوں سے متعلق مبینہ واقعات پر دیے گئے بیانات کو سختی سے مسترد کر دیا اور کہا کہ پاکستان کا اپنا ریکارڈ ہی سب کچھ بیان کرنے کے لیے کافی ہے۔
پاکستان کے دفترِ خارجہ کے ترجمان طاہر اندرابی کے تبصروں پر میڈیا کے سوالات کا جواب دیتے ہوئے وزارتِ خارجہ کے ترجمان رندھیر جیسوال نے کہا کہ حکومتِ ہندوستان ان الزامات کو یکسر مسترد کرتی ہے۔ انہوں نے کہا کہ یہ بیانات ایسے ملک کی جانب سے آئے ہیں جس کا انسانی حقوق کا ریکارڈ نہایت خراب ہے اور یہ بات دنیا بھر میں معروف ہے۔
گزشتہ ماہ بھی پاکستان نے دیا تھا ایسا بیان
گزشتہ ماہ پاکستان نے رام مندر میں ہونے والے جھنڈا لہرانے کے پروگرام پر اعتراض کیا تھا، جس میں وزیرِ اعظم نریندر مودی بھی شریک ہوئے تھے۔ اس پر ہندوستان نے پاکستان کے تبصروں کو سیاسی محرکات پر مبنی اور ناقابلِ قبول قرار دیا تھا اور کہا تھا کہ پاکستان کو ہندوستان کے اندرونی معاملات پر تبصرہ کرنے کا کوئی حق نہیں ہے۔
رندھیر جیسوال نے کہا تھا کہ ہم نے ان تبصروں کو دیکھا ہے اور انہیں مکمل طور پر مسترد کرتے ہیں۔ ایک ایسے ملک کی حیثیت سے جس کی تاریخ انتہاپسندی، جبر اور اقلیتوں کے ساتھ بدسلوکی سے داغدار رہی ہے، پاکستان کو دوسروں کو نصیحت کرنے کا کوئی اخلاقی حق حاصل نہیں ہے۔
.webp "ہندوستان نے پاکستان کے الزامات کو مسترد کیا")
