آواز دی وائس- ہندوستانی مفرور اور اسلامی مبلغ ذاکر نائیک ، جنہوں نے ہفتہ کوعمان میں اپنا پہلا لیکچر 'قرآن ایک عالمی ضرورت' دیا،ا وہیں کہا کہ ہندوستان میں ہندوؤں کی اکثریت ان سے محبت کرتی ہے۔ وہ عمان کنونشن اینڈ ایگزیبیشن سینٹر میں خطاب کررہے تھے، یہ لیکچر اسلامی مقدس مہینے رمضان کے آغاز کے موقع پر ہوا ہے۔
اسلامی مبلغ نے مزید کہا، "جب وہ مجھ سے بات کرتے ہیں تو وہ ذاکر بھائی کو بتاتے ہیں کہ ہم نے پچھلے دو گھنٹوں میں کیا سیکھا (ان کے لیکچر میں))، ہم نے اپنے مذہب پر 40 گھنٹے کے لیکچر کے بعد بھی نہیں سیکھا۔
سکھ جج کو میری تقریروں میں کوئی جرم نہیں لگتا
اسی تقریب میں، ذاکر نائیک نے یاد کیا کہ کس طرح ایک "سکھ جج" منموہن سنگھ نے کہا کہ انہیں اپنی تقاریر میں 'قابل اعتراض' کچھ نہیں ملا جب کہ ای ڈی 2018 میں ان کی جائیدادوں کو ضبط کرنے کی کوشش کر رہی تھی۔
ذاکر نا ئیک نے کہا کہ الحمدللہ، جب ہندوستانی عدالت کے ایک جج نے کہا، (جب وہ میری تمام جائیدادیں قرق کرنا چاہتے تھے) تو خوش قسمتی سے جج ایک سکھ منموہن سنگھ تھے۔، انہوں نے میری بہت سی گفتگو دیکھی تھی۔انہوں نے حکومت کے وکیل سے کہا تھا کہ ، آپ ڈاکٹر ذاکر نائیک کے ایک بیان کی نشاندہی کریں، سیاق و سباق میں، کسی بھی لیکچر میں جہاں وہ دہشت گردی کو فروغ دیتے ہیں، میں ان کی تمام جائیداد ضبط کر دوں گا،-
ذاکر نائیک نے مزید کہا کہ میں 10 باباوں کے نام بتا سکتا ہوں جن کے پاس 10,000 کروڑ روپے سے زیادہ کی جائیدادیں ہیں اور وہ فوجداری مقدمات کا سامنا کر رہے ہیں۔ کیا آپ نے ان میں سے ایک کے خلاف بھی کارروائی کی ہے؟ آپ نے آسارام باپو کے خلاف کیا کیا ہے؟"
ذاکر نائک کو واپس لانے کی کوشش
وزارت خارجہ نے جمعہ کے روز کہا کہ وہ بنیاد پرست اسلامی مبلغ ذاکر نائیک کو واپس لانے اور انہیں ہندوستان میں انصاف کا سامنا کرنے کے لیے درکار تمام ضروری اقدامات کرے گی۔ 57 سالہ ذاکر عبدالکریم نائیک، جو اس وقت ملائیشیا میں مقیم ہیں، 2016 میں ان کی تنظیم اسلامک ریسرچ فاؤنڈیشن پر پابندی عائد کیے جانے اور ایف آئی آر میں نامزد ہونے کے بعد ہندوستان سے فرار ہو گئے تھے۔ 2019 میں ان پر ملائیشیا میں عوامی تقریر کرنے پر بھی پابندی عائد کر دی گئی تھی۔
ہندوستان کے علاوہ ان کے پیس ٹی وی نیٹ ورک پر بنگلہ دیش، کینیڈا، سری لنکا اور برطانیہ میں بھی پابندی ہے۔
قابل ذکر بات یہ ہے کہ 19 نومبر 2022 کو منگلورو آٹو بلاسٹ کیس کے مرکزی ملزم محمد شارق نے اسلامی مبلغ ذاکر نائیک کی ویڈیوز سے متاثر اور خود کو بنیاد پرست بنایا اور انہیں دوسرے شریک ملزمان کے ساتھ شیئر کیا۔ کرناٹک پولس حکام نے شارق کا موبائل فون ضبط کر لیا تھا جس میں ذاکر نائیک کے ویڈیوز تھے اور اس کے ہینڈلرز انہیں ٹیلی گرام اور سگنل، وائر، انسٹاگرام اور ایلیمنٹ جیسے دیگر پلیٹ فارمز کے ذریعے شیئر کرتے تھے۔
