بیجنگ : بیجنگ میں منگل کو ہندوستان اور چین کے درمیان سرحدی مسئلے پر خصوصی نمائندوں کے مذاکرات کے 25ویں دور کے اختتام پر قومی سلامتی کے مشیر اجیت ڈو بھال نے کہا کہ سرحدی علاقوں میں امن اور سکون برقرار رکھنا دونوں ممالک کے درمیان دوطرفہ تعلقات کی مسلسل ترقی اور پیش رفت کے لیے انتہائی اہم ہے۔ وزارت خارجہ کی جانب سے جاری ایک سرکاری بیان میں یہ اطلاع دی گئی۔

یہ دورہ چینی وزیر خارجہ وانگ یی کی دعوت پر ہوا، جنہوں نے قومی سلامتی کے مشیر اجیت ڈو بھال کے ساتھ خصوصی نمائندوں کی حیثیت سے مذاکرات کی مشترکہ صدارت کی۔وزارت خارجہ کے مطابق ملاقات کے دوران دونوں خصوصی نمائندوں نے وزیر اعظم نریندر مودی اور صدر شی جن پنگ کی جانب سے دی گئی اسٹریٹجک رہنمائی کی روشنی میں ہندوستان-چین سرحدی مسئلے کے اہم پہلوؤں پر کھل کر اور تفصیلی تبادلۂ خیال کیا۔ دونوں فریقوں نے اس بات پر بھی اتفاق کیا کہ اپنے مجموعی اور طویل مدتی مفادات کے تناظر میں سرحدی مسئلے کے سیاسی حل کی تلاش کے لیے کوششیں جاری رکھی جائیں گی۔

ہندوستان اور چین نے اکتوبر 2024 میں کازان اور اگست 2025 میں تیانجن میں وزیر اعظم نریندر مودی اور صدر شی جن پنگ کے درمیان ہونے والی ملاقاتوں میں طے پانے والے اہم اتفاقِ رائے پر عمل درآمد میں ہونے والی پیش رفت کا بھی اعتراف کیا۔

وزارت خارجہ نے بتایا کہ دونوں ممالک نے عوام سے عوام کے رابطوں اور سرحد پار تبادلوں کی بتدریج بحالی پر اطمینان کا اظہار کیا۔ ان میں جاری کیلاش مانسرور یاترا اور تین مقررہ سرحدی تجارتی راستوں کے ذریعے سرحدی تجارت بھی شامل ہے۔

سرحدی مسئلے کے علاوہ دونوں وفود نے باہمی دلچسپی کے وسیع تر دوطرفہ، علاقائی اور بین الاقوامی امور پر بھی تبادلۂ خیال کیا۔بیجنگ میں اپنے دورے کے دوران قومی سلامتی کے مشیر اجیت ڈو بھال نے چینی نائب صدر ہان ژینگ سے بھی باضابطہ ملاقات کی۔

National Security Advisor Ajit Doval held the 25th round of Special Representatives (SR) talks on the India-China boundary question with Chinese Foreign Minister Wang Yi in Beijing.

During his visit, NSA Doval also called on Chinese Vice President Han Zheng to discuss… pic.twitter.com/aPr9zUTnQk

— DD India (@DDIndialive) August 25, 2026

دریں اثنا، چینی وزارت خارجہ نے اپنے ایک بیان میں کہا کہ ہندوستان اور چین نے 2027 میں خصوصی نمائندوں کے درمیان سرحدی مسئلے پر 26ویں دور کی بات چیت ہندوستان میں منعقد کرنے پر باضابطہ اتفاق کیا ہے۔ یہ فیصلہ بیجنگ میں سرحدی مسئلے پر خصوصی نمائندوں کے 25ویں اجلاس کے دوران اجیت ڈو بھال اور چینی خصوصی نمائندے و وزیر خارجہ وانگ یی کے درمیان تفصیلی مذاکرات کے بعد کیا گیا۔

دونوں ممالک نے 2005 میں طے کیے گئے سیاسی رہنما اصولوں کی بنیاد پر سرحدی تنازع کے منصفانہ، معقول اور باہمی طور پر قابل قبول حل کے لیے خصوصی نمائندوں کے مذاکرات کے اس اہم سیاسی طریقۂ کار کو جاری رکھنے کے عزم کا اعادہ کیا۔

دونوں فریقوں نے سرحدی حد بندی کے مذاکرات میں پیش رفت، سرحدی انتظام کو مضبوط بنانے، متعلقہ طریقۂ کار کو بہتر بنانے اور سرحد پار تعاون کو فروغ دینے کے امور پر تفصیلی تبادلۂ خیال کیا۔ انہوں نے 2005 میں طے کیے گئے سیاسی رہنما اصولوں کی پاسداری اور باہمی احترام و افہام و تفہیم کے جذبے کے ساتھ سرحدی مسئلے کا جامع، منصفانہ، معقول اور باہمی طور پر قابل قبول حل تلاش کرنے کے لیے خصوصی نمائندوں کے مذاکرات کے طریقۂ کار کو استعمال کرنے کے عزم کا اعادہ کیا۔

دونوں ممالک نے اس بات پر اتفاق کیا کہ سرحدی مسئلے کو بات چیت اور مشاورت کے ذریعے مناسب طریقے سے حل کیا جاتا رہے گا اور سرحدی علاقوں میں مشترکہ طور پر امن و سکون برقرار رکھا جائے گا۔ دونوں فریقوں نے 2027 میں ہندوستان میں سرحدی مسئلے پر خصوصی نمائندوں کی 26ویں ملاقات منعقد کرنے پر اتفاق کیا۔

On 25 August, NSA and Special Representative on the India-China Boundary Question, Shri Ajit Doval called on H.E. Han Zheng, Vice President of the People's Republic of China. Prior to the 25th Round of the SR Talks today, NSA and VP Han discussed ways to strengthen peace &… pic.twitter.com/Mm34aOiAp6

— India in China (@EOIBeijing) August 25, 2026

مذاکرات کے دوران اجیت ڈو بھال نے زور دیا کہ ہندوستان اور چین بنیادی طور پر ایک دوسرے کے شراکت دار ہیں، حریف نہیں۔ انہوں نے کہا کہ ایک مستحکم، قابل پیش گوئی اور مستقبل پر نظر رکھنے والا دوطرفہ تعلق دونوں ممالک کے عوام کے مشترکہ مفاد میں ہے اور ایشیا کے ساتھ ساتھ پوری دنیا کے لیے بھی اس کی خاص اہمیت ہے۔

ڈو بھال نے کہا کہ ہندوستان اور چین دونوں قدیم تہذیبیں، بڑی آبادی والے ممالک اور اہم معیشتیں ہیں۔ دونوں ممالک کے رہنماؤں کی رہنمائی میں ہندوستان-چین تعلقات دوبارہ درست سمت میں آگے بڑھے ہیں، سرحدی علاقوں میں مجموعی طور پر امن برقرار ہے اور مختلف شعبوں میں رابطے اور تعاون بتدریج آگے بڑھ رہے ہیں۔

بیان کے مطابق ہندوستان چین کے ساتھ اسٹریٹجک رابطے کو مزید مضبوط بنانے، باہمی مفاد پر مبنی تعاون کو وسعت دینے، کثیر ملکی تعاون کو گہرا کرنے، سرحدی علاقوں کا مؤثر انتظام کرنے، سرحدی مسائل کے حل تلاش کرنے اور ہندوستان-چین تعلقات میں تیزی سے بہتری اور ترقی کے لیے کام کرنے کو تیار ہے۔

2027 میں ہونے والے مذاکرات کے مقام اور وقت کے تعین سے دونوں ممالک نے ادارہ جاتی سطح پر مسلسل مذاکرات اور مستحکم ہمسایہ تعلقات کے لیے اپنے طویل مدتی عزم کا اظہار کیا۔ دونوں فریقوں نے مشترکہ تشویش کے علاقائی اور بین الاقوامی امور پر بھی خیالات کا تبادلہ کیا۔

چینی وزیر خارجہ وانگ یی نے کہا کہ چین اور ہندوستان اہم ہمسایہ ممالک، بڑی ترقی پذیر ریاستیں اور نمایاں ابھرتی ہوئی معیشتیں ہیں۔ ان کے مطابق صحت مند اور مستحکم دوطرفہ تعلقات دونوں ممالک کے عوام کے بنیادی مفادات سے ہم آہنگ ہیں، عالمی جنوب کی مشترکہ خواہشات کی عکاسی کرتے ہیں اور وقت کے وسیع تر رجحان سے مطابقت رکھتے ہیں۔

وانگ یی نے کہا کہ چین-ہندوستان تعلقات محض دونوں ممالک تک محدود نہیں بلکہ ان کی عالمی اور اسٹریٹجک اہمیت بھی ہے۔ 

چین کے وزیر خارجہ سے بات

ھارت اور چین کے درمیان سرحدی تنازع کے حل اور دوطرفہ تعلقات میں بہتری کی کوششوں کے تحت خصوصی نمائندوں کے مذاکرات کا 25واں دور بیجنگ میں منعقد ہوا، جس میں ہندوستان کے قومی سلامتی مشیر اجیت ڈوبھال اور چین کے وزیر خارجہ وانگ یی نے شرکت کی۔ دونوں ممالک نے سرحدی علاقوں میں امن و سکون برقرار رکھنے، اختلافات کو مذاکرات کے ذریعے حل کرنے اور دوطرفہ تعلقات کو مستحکم بنانے پر زور دیا۔

مذاکرات کے اختتام پر دونوں جانب سے فیصلہ کیا گیا کہ سرحدی مسئلے پر خصوصی نمائندوں کا 26واں دور 2027 میں ہندوستان میں منعقد ہوگا۔ دونوں ممالک نے 2005 میں طے شدہ سیاسی رہنما اصولوں کی بنیاد پر سرحدی تنازع کا منصفانہ، معقول اور باہمی طور پر قابل قبول حل تلاش کرنے کے عزم کا بھی اعادہ کیا۔

اجیت ڈوبھال نے کہا کہ ہندوستان اور چین بنیادی طور پر شراکت دار ہیں، حریف نہیں۔ انہوں نے کہا کہ دونوں قدیم تہذیبیں، بڑی آبادی اور اہم معیشتیں ہیں، اس لیے ایک مستحکم، قابلِ پیش گوئی اور مستقبل پر مبنی دوطرفہ تعلقات دونوں ممالک کے عوام، ایشیا اور پوری دنیا کے مفاد میں ہیں۔

ڈوبھال نے اس بات پر بھی زور دیا کہ سرحدی علاقوں میں امن و سکون دونوں ممالک کے درمیان تعلقات کی مزید ترقی کے لیے بنیادی اہمیت رکھتا ہے۔ انہوں نے کہا کہ ہندوستان چین کے ساتھ اسٹریٹجک رابطے کو مزید مضبوط بنانے، باہمی مفاد کے تعاون کو وسعت دینے اور سرحدی مسائل کے حل کے لیے کوششیں تیز کرنے کے لیے تیار ہے۔

مذاکرات کے دوران دونوں فریقوں نے سرحد کی حد بندی سے متعلق مذاکرات کو آگے بڑھانے، سرحدی انتظام کو بہتر بنانے، موجودہ نظام کو مضبوط کرنے اور سرحد پار تعاون کو فروغ دینے پر بھی تبادلہ خیال کیا۔ دونوں ممالک نے اختلافات کو مناسب طریقے سے سنبھالنے اور باہمی احترام و افہام و تفہیم کے ذریعے مسائل حل کرنے پر اتفاق کیا۔

چین کے صدر سے ملاقات

اس سے قبل اجیت ڈوبھال نے چین کے نائب صدر ہان ژینگ سے بھی ملاقات کی۔ ملاقات میں سرحدی علاقوں میں امن و استحکام برقرار رکھنے کے ساتھ اقتصادی، سیاسی اور کثیر ملکی سطح پر دوطرفہ تعلقات کو مزید بہتر بنانے کے طریقوں پر تبادلہ خیال کیا گیا۔

چینی سفیر برائے ہندوستان شو فیہونگ کے مطابق ہان ژینگ نے کہا کہ گزشتہ دو برسوں کے دوران وزیر اعظم نریندر مودی اور صدر شی جن پنگ کے درمیان کازان اور تیانجن میں ہونے والی ملاقاتوں کے نتیجے میں کئی اہم اتفاق رائے سامنے آئے ہیں، جنہوں نے دونوں ممالک کے تعلقات کو بحالی اور بہتری کی سمت میں آگے بڑھایا ہے۔

ہان ژینگ نے اس بات پر زور دیا کہ ہندوستان اور چین کو اپنے تعلقات کو طویل مدتی اور اسٹریٹجک نقطۂ نظر سے دیکھنا چاہیے، قائدین کے درمیان طے پانے والے اتفاق رائے پر عمل درآمد کرنا، باہمی اسٹریٹجک اعتماد بڑھانا، تعاون کے امکانات تلاش کرنا اور اختلافات کو مناسب طریقے سے سنبھالنا چاہیے۔

اجیت ڈوبھال 25 اگست کو وزیر خارجہ وانگ یی کی دعوت پر دو روزہ دورے پر بیجنگ پہنچے تھے۔ یہ دورہ ایسے وقت میں ہوا ہے جب وزیر اعظم نریندر مودی اور چینی صدر شی جن پنگ کے درمیان گزشتہ دو برسوں میں ہونے والی ملاقاتوں کے بعد دونوں ممالک کے تعلقات میں بہتری کے آثار دیکھے جا رہے ہیں۔

دونوں ممالک کے رہنماؤں نے اس سے قبل اس بات پر اتفاق کیا تھا کہ ہندوستان اور چین ترقی کے شراکت دار ہیں، حریف نہیں اور دونوں ممالک کے اختلافات کو تنازعات میں تبدیل نہیں ہونا چاہیے۔ ہندوستان کی وزارت خارجہ کے مطابق باہمی احترام، باہمی مفاد اور ایک دوسرے کی حساسیت کو مدنظر رکھتے ہوئے مستحکم تعلقات اور تعاون نہ صرف دونوں ملکوں بلکہ کثیر قطبی ایشیا اور عالمی نظام کے لیے بھی اہم ہیں۔