کٹھمنڈو (نیپالmz: نیپال میں بدھ کے روز بھوٹے کوشی دریا میں آنے والے تباہ کن اچانک سیلاب کے نتیجے میں کم از کم 22 افراد کی ہلاکت کی تصدیق ہوئی ہے، جبکہ سیکڑوں افراد لاپتا ہیں۔ سیلاب نے رسووا اور اس سے متصل اضلاع میں متعدد آبادیوں کو اپنی لپیٹ میں لے لیا۔دی کٹھمنڈو پوسٹ کے مطابق، مجموعی طور پر 384 افراد سے رابطہ منقطع ہے، جن میں 291 غیر ملکی شہری اور 32 سکیورٹی اہلکار شامل ہیں۔

رپورٹ کے مطابق اہم بنیادی ڈھانچے اور مختلف منصوبوں سے وابستہ اہلکار بھی شدید متاثر ہوئے ہیں۔ 20 میگاواٹ کے لینگ ٹانگ کھولا ہائیڈرو پاور پروجیکٹ کے پروموٹر وجے موہن بھٹارائی نے بتایا کہ منصوبے سے وابستہ 60 افراد سے رابطہ نہیں ہو پا رہا، جن میں 25 عملے کے ارکان اور 35 مزدور شامل ہیں۔ یہ مزدور بدھ کی صبح سے ایک سرنگ کے اندر پھنسے ہوئے ہیں، جبکہ منصوبے کی آزمائشی کارروائی مقررہ شیڈول کے مطابق صرف دو روز بعد ہونے والی تھی۔

دی کٹھمنڈو پوسٹ نے مزید بتایا کہ رسووا کسٹمز آفس کے سربراہ راجیندر ڈھونگانا نے تصدیق کی ہے کہ تیمورے دفتر میں تعینات 15 ملازمین بھی لاپتا ہیں۔

اخبار کے مطابق بڑے پیمانے پر فضائی امدادی اور طبی انخلا کی کارروائیاں جاری ہیں۔ نیپالی فوج کے ترجمان راجارام بسنیٹ نے بتایا کہ فوج نے اب تک 88 افراد کو بحفاظت نکال لیا ہے۔ زخمی ہونے والے 13 افراد کو کٹھمنڈو کے تری بھون یونیورسٹی ٹیچنگ اسپتال میں داخل کرایا گیا ہے، جبکہ دیگر زخمیوں کا تریشولی کیمپ میں علاج کیا جا رہا ہے یا انہیں محفوظ مقامات پر منتقل کیا گیا ہے۔

دی کٹھمنڈو پوسٹ کے مطابق امدادی کارروائیوں کے لیے مجموعی طور پر 12 ہیلی کاپٹر تعینات کیے گئے ہیں، تاہم خراب موسم کے باعث رسووا کی جانب روانہ ہونے والی کئی پروازوں کو کٹھمنڈو واپس لوٹنا پڑا۔

رسووا اور نوواکوت کے دریا کنارے واقع آبادیاں اس قدرتی آفت سے سب سے زیادہ متاثر ہوئی ہیں۔

نوواکوت کے حکام کے مطابق کئی پوری کی پوری آبادیاں تباہ ہوگئی ہیں اور درجنوں کنکریٹ پل غیر معمولی تباہی کے دوران سیلابی ریلے میں بہہ گئے ہیں۔ تلاش اور بچاؤ کی کارروائیاں چوبیس گھنٹے جاری ہیں، تاہم مسلسل خراب موسم اور بڑے پیمانے پر مواصلاتی نظام متاثر ہونے کے باعث امدادی کارروائیوں میں شدید مشکلات پیش آ رہی ہیں۔

دریں اثنا، ذرائع نے بدھ کے روز بتایا کہ بھارتی فضائیہ نے نیپال میں سیلاب سے متاثرہ علاقوں میں امدادی کارروائیوں کے لیے اپنے ٹرانسپورٹ طیاروں، جن میں C-17، C-130J اور C-295 شامل ہیں، کو تیار رکھا ہے۔

ذرائع کے مطابق C-130J ٹرانسپورٹ طیارے کے بدھ کی شام تک امدادی سامان لے کر نksیپال روانہ ہونے کی توقع ہے۔

نیپال کے ٹورازم بورڈ نے بدھ کو بتایا کہ بھوٹے کوشی دریا میں آنے والے سیلاب کے بعد رسووا کے علاقے میں لاپتا قرار دیے گئے غیر ملکی شہریوں میں تقریباً 105 بھارتی شہری بھی شامل ہیں۔ بورڈ کے مطابق یہ معلومات سیاحت اور سفری کمپنیوں سے موصول ہونے والے ابتدائی ادارہ جاتی ریکارڈ پر مبنی ہیں۔

وزیر اعظم نریندر مودی نے بدھ کے روز نیپال کے وزیر اعظم بالندر شاہ سے بات کی اور ہمالیائی ملک میں سیلاب کے باعث ہونے والے جانی نقصان پر تعزیت کا اظہار کیا۔ انہوں نے کہا کہ ہندوستان ہر ممکن انسانی امداد فراہم کرنے کے لیے تیار ہے۔

وزیر اعظم نے کہا کہ اس مشکل وقت میں ہندوستان نیپال کے اپنے ’’بہنوں اور بھائیوں‘‘ کے ساتھ پوری مضبوطی سے کھڑا ہے۔

انہوں نے کہا کہ دونوں ممالک کی ٹیمیں امدادی اور بچاؤ کی کارروائیوں میں قریبی رابطے کے ساتھ کام کر رہی ہیں۔

وزیر اعظم مودی نے سوشل میڈیا پلیٹ فارم ایکس پر ایک پوسٹ میں کہا، ’’وزیر اعظم بالندر شاہ سے بات کی اور نیپال میں سیلاب کے باعث ہونے والے جانی نقصان پر تعزیت کا اظہار کیا۔ ہندوستان کے عوام اس مشکل وقت میں نیپال کے اپنے بہنوں اور بھائیوں کے ساتھ یکجہتی کے ساتھ کھڑے ہیں۔ ہندوستان نیپال کو ہر ممکن انسانی امداد فراہم کرنے کے لیے تیار ہے۔ ہماری ٹیمیں بچاؤ اور امدادی کارروائیوں کے لیے قریبی رابطے میں ہیں۔‘‘

دریں اثنا، نیپال کی حکومت نے ڈیزاسٹر رسک ریڈکشن اینڈ مینجمنٹ ایکٹ، 2074 کی دفعہ 32 کے تحت قدرتی آفت سے متاثرہ اضلاع کے مختلف علاقوں کو تین ماہ کے لیے باضابطہ طور پر بحران زدہ علاقے قرار دے دیا ہے۔ یہ فیصلہ رسووا گڑھی کے قریب تبت کی سرحدی علاقے سے آنے والے بھوٹے کوشی دریا کے تباہ کن سیلاب کے بعد کابینہ کے اجلاس میں کیا گیا۔

نیپال کی نیشنل ڈیزاسٹر رسک ریڈکشن اینڈ مینجمنٹ اتھارٹی (NDRRMA) نے ایکس پر جاری بیان میں بتایا کہ کابینہ نے ہنگامی بنیادوں پر ریسکیو کارروائیاں، زخمیوں کے لیے مفت طبی علاج اور جاں بحق افراد کے غمزدہ خاندانوں کے لیے فوری مالی امداد کا اعلان کیا ہے۔

ابتدائی اعداد و شمار کے مطابق ریسکیوmz طور پر 384 مسافر، جن میں 291 غیر ملکی شہری اور 93 نیپالی شہری شامل ہیں، تاحال لاپتا ہیں۔ (اے این آئی)