ممبئی: خام تیل کی قیمتوں میں بڑی گراوٹ اور امریکہ-ایران مذاکرات کے حوالے سے بہتر ہوتے عالمی رجحان کے درمیان پیر کے روز ابتدائی کاروبار میں گھریلو شیئر بازاروں بی ایس ای سینسیکس اور این ایس ای نفٹی میں زبردست تیزی دیکھی گئی۔

ابتدائی کاروبار میں 30 حصص پر مشتمل بی ایس ای سینسیکس 908.98 پوائنٹس اچھل کر 76,317.85 تک پہنچ گیا۔ اسی طرح، 50 حصص پر مشتمل این ایس ای نفٹی 262.65 پوائنٹس بڑھ کر 23,977.70 پر رہا۔ سینسیکس کی 30 کمپنیوں میں مہندرا اینڈ مہندرا، ایچ ڈی ایف سی بینک، بجاج فائنانس، بجاج فنسرو، لارسن اینڈ ٹوبرو اور انٹرگلوب ایوی ایشن (انڈیگو) کے حصص سب سے زیادہ فائدے میں رہے۔

دوسری جانب ٹاٹا کنسلٹنسی سروسز اور سن فارما کے حصص میں گراوٹ دیکھی گئی۔ بین الاقوامی معیار کے برینٹ کروڈ کے وائدہ کاروبار میں 5.58 فیصد کی بڑی کمی کے ساتھ قیمت 97.76 ڈالر فی بیرل تک آ گئی۔ ایشیائی بازاروں میں نکّی 225 اور ایس ایس ای کمپوزٹ میں تیزی دیکھی گئی، جبکہ جنوبی کوریا اور ہانگ کانگ کے بازار تعطیل کے باعث بند رہے۔

امریکی بازار جمعہ کے روز مثبت سطح پر بند ہوئے تھے۔ شیئر بازار کے اعداد و شمار کے مطابق، غیر ملکی ادارہ جاتی سرمایہ کاروں (ایف آئی آئی) نے جمعہ کے روز خالص طور پر 4,440.47 کروڑ روپے کے شیئر فروخت کیے تھے۔ سینسیکس جمعہ کو 231.99 پوائنٹس کی بڑھت کے ساتھ 75,415.35 پوائنٹس پر بند ہوا تھا، جبکہ نفٹی 64.60 پوائنٹس کی تیزی کے ساتھ 23,719.30 پوائنٹس پر بند ہوا تھا۔