نیویارک
امریکی صدر جو بائیڈن نے ناسا کی انجینئر سواتی موہن کو مبارکباد دیتے ہوئے کہا کہ ہندوستانی نژاد امریکیوں نے تو اپنی صلاحیتوں کے بوتے ترقی کر کے ریاست ہائے متحدہ امریکا کا جیسے اقتدار ہی سنبھال لیا ہے- یاد رہے کہ سواتی موہن نے مریخ پر جانے والے امریکی مشن کی رہنمائی کی تھی ۔
انہوں نے محترمہ موہن اور ان کی ٹیم کے دیگر افراد کو مبارکباد دینے کے لئے منعقدہ ایک ورچوئل میٹنگ کے دوران کہا کہ یہ حیرت انگیز ہے۔ ہندوستانی نژاد امریکی اس ملک کو سنبھال رہے ہیں۔ آپ، میری نائب صدر ، میرے تقریر رائٹر ونئے۔ میں آپ کا شکریہ ادا کرنا چاہتا ہوں ۔
صدر بائیڈن نے ہندوستانی نژاد امریکیوں کے بارے میں کہا کہ ہم اتنے ناقابل یقین کارنامے اس لئے انجام دے پاتے ہیں کیوں کہ ہم ایک متنوع قوم ہیں۔
محترمہ موہن جو فخر کے ساتھ اپنی پیشانی پر بندی لگا کر ہندوستانی شناخت کا مظاہرہ کرتی ہیں ، نے کہا کہ ایک حیرت انگیز طور پر متنوع اور باصلاحیت ٹیم کے ساتھ کام کر کے کامیابی حاصل کرنا ایک اعزاز کی بات ہے۔