کراچی

پاکستان میں کورونا کی تیسری لہر سے حالات بد سے بدتر ہوتے جا رہے ہیں۔ کورونا کی بگڑتی ہوئی صورت حال کو دیکھتے ہوئے صوبہ سندھ کی حکومت نے انسادادی اقدام کرنے شروع کر دئیے ہیں۔

سندھ وزیر اوقاف سندھ سہیل انور سیال کی صدارت میں محکمہ اوقاف کا اجلاس ہوا جس میں درگاہیں اور مزارات بند کرنے کا فیصلہ کیا گیا۔چیف ایڈمنسٹریٹر اوقاف سندھ کی جانب سے جاری نوٹیفکیشن کے مطابق تمام مزارات،درگاہیں کل 28 مارچ سے 6 اپریل تک بند رہیں گی۔

چار روز قبل ہی محکمہ اوقاف سندھ نے صوبے میں تمام مزارات کو دوبارہ کھولنے کا نوٹیفکیشن جاری کیا تھا تاہم کورونا کیسز میں اضافے کے پیش نظر دوبارہ درگاہیں اور مزارات بند کرنے کا نوٹی فکیشن جاری کردیا گیا۔