:کابل افغانستان کے دارالحکومت کابل کے ایئرپورٹ پر آگ لگ گئی۔
آگ امریکی فوجیوں اور مسلح افراد کے درمیان فائرنگ کے تبادلے کے باعث لگی ہے۔ عرب میڈیا کا اس حوالے سے مزید کہنا ہے کہ کابل ایئرپورٹ سے دھوئیں کے بادل اٹھ رہے ہیں۔
ایئرپورٹ کے احاطے میں آگ بھڑک اٹھی جب کہ فائرنگ کی آوازیں سنائی دے رہی ہیں۔ واقعے میں ایک شخص کے ہلاک ہونے کی اطلاع ہے۔
بین الاقوامی میڈیا رپورٹس کے مطابق ایئرپورٹ کے اندر سے دھوئیں کے بادل اٹھتے دکھائی دے رہے ہیں اور لوگ محفوظ مقام کی تلاش کر رہے ہیں۔
#JUSTIN Footage shows fire broke out at #Kabul airport in #Afghanistan amid evacuations. pic.twitter.com/HNZgOyZzzg
— Ghulam Abbas Shah (@ghulamabbasshah) August 23, 2021
بتایا گیا ہے کہ امریکی فوج اور نامعلوم مسلح افراد میں فائرنگ کے تبادلےکے بعد آگ لگی ہے۔ امریکی فوج کا کہنا ہے کہ کابل ائیرپورٹ پرفائرنگ کےتبادلےمیں ایک شخص مارا گیا ہے۔
دوسری جانب طالبان کے ذرائع کا کہنا ہے کہ امریکی فوجیوں کے مکمل انخلا تک نئی افغان حکومت کا اعلان نہیں کیا جائے گا۔
امریکی فوج کے مکمل انخلا تک نئی افغان حکومت کا اعلان نہ کرنے کا فیصلہ
New | Fire erupts at #Kabul airport in Afghanistan.#KabulAirport pic.twitter.com/vpknRF25EQ
— Ketul Parmar ॐ #StayHome #ClimateActionNow (@KetuKumarParmar) August 23, 2021
ذرائع طالبان کا کہنا ہے کہ ایک بھی امریکی فوجی کی موجودگی تک حکومت بنانے کا اعلان نہ کرنےکا فیصلہ ہوا ہے۔ ترجمان طالبان ذبیح اللّٰہ مجاہد نے اپنے بیان میں کہا کہ حاجی محمد ادریس کو افغانستان کے سنٹرل بینک کا قائم مقام گورنر بنادیا گیا۔
طالبان کا کہنا ہے کہ امارت اسلامی کی قیادت نے حاجی ادریس کو افغانستان کے سنٹرل بینک کی ذمہ داری دی ہے۔ ترجمان طالبان کا کہنا ہے کہ تقرری کا مقصد سرکاری اداروں اور بینکنگ کے نظام کو منظم کرنا اور عوامی مسائل حل کرنا ہے۔