امیت دیوان/نئی دہلی

صوفیہ خان منالی سے لیہہ الٹرا میراتھن مکمل کرنے والی دنیا کی پہلی خاتون رنر ہیں۔ انہوں نے 25 ستمبر 2021 کو صبح 7.34 بجے اپنی الٹرا میراتھن 'ہمالین الٹرا رن مہم' شروع کی اور 1 اکتوبر 2021 کو مشکل خطوں اور سخت موسمی حالات میں 156 گھنٹے میں 480 کلومیٹر کا فاصلہ طے کرتے ہوئے اسے ختم کیا۔

یہاں تک کہ انہوں نے 5328 میٹر اونچائی کو بھی چھوا - جہاں آکسیجن کی سطح کم ہے۔ صوفیہ کا تعلق راجستھان کے اجمیر سے ہے۔ انہوں نے اپنے والد کو محض 16 سال کی عمر میں گنوا دیا تھی. ان کی پرورش اکیلی ماں نے کی۔

صوفیہ نے 10 سال تک دہلی ایئرپورٹ پر گراؤنڈ ہینڈلر کے طور پر کام کیا۔ نوکری کے معمولات سے تنگ آکر، انہوں نے 2019 میں اسے چھوڑ دیا اور جلد ہی انہیں احساس ہوا کہ ان کی زندگی دلچسپ چیزوں کے لیے ہے۔

انہوں نے بھاگنا شروع کیا اور پایا کہ یہ ان کا جنون ہے۔ صوفیہ نے میراتھن اور ریس میں حصہ لیا۔ سال 2018 میں، انہوں نے گولڈن ٹرائینگل دہلی-آگرہ-جے پور، 16 دنوں میں 720 کلومیٹر پیدل چل کر قومی ریکارڈ توڑا۔

اگلے سال، انہوں نے "کشمیر سے کنیا کماری" کے زمرے میں ایک خاتون رنر کے ذریعہ تیز ترین وقت کا ریکارڈ بنایا۔ اپریل 2021 میں، صوفیہ انڈین گولڈن کواڈریلیٹرل ہائی وے پر دوڑنے والی تیز ترین خاتون بن گئیں–جو دہلی، کولکتہ، ممبئی اور چنئی کو جوڑتی ہے۔

ان کے پاس بہت سے عالمی ریکارڈ ہیں اور پھر بھی وہ اپنے جسم اور دماغ کی طاقت کو تلاش کرتی رہتی ہیں۔ صوفیہ خان نے کہا، ’’میں نے پہاڑوں میں اپنے آپ کورکھ کر تربیت لی اور وہاں 15 دن رہ کر سرد موسم اور آکسیجن کی کم سطح سے ہم آہنگ ہوئی۔

جسمانی فٹنس کے ساتھ ساتھ، میں نے اپنی ذہنی تندرستی پر توجہ مرکوز کی جو دوڑنے اور اپنی حدود کو آگے بڑھانے میں اہم کردار ادا کرتی ہے۔" تربیت کے دوران، انہوں نے طاقت کی مشقوں پر توجہ مرکوز کی؛ یوگا اور پرانایام نے ان کے پھیپھڑوں کو پہاڑوں کے لیے مضبوط بنایا۔

آواز دی وائس کے ساتھ ایک انٹرویو میں، صوفیہ نے کہا کہ سب سے بہترین قدرتی نظارہ انہوں نے تانگلانگ لا پاس اور اپشی کے پرپل ماؤنٹین ڈھانچے اور لداخ کی حیرت انگیز وادی میں دیکھا۔

انہوں نے یہ بھی بتایا کہ کس طرح کبھی کبھار ان کے جسم میں آکسیجن کی سطح 59 فیصد تک گر گئی اور وہ بے ہوش ہو گئیں اور انہیں دوبارہ دوڑنا شروع کرنے کے لیے طبی معاون کی ضرورت تھی۔

پہلی بار انہوں نے 2019 میں دی انڈین گولڈن کواڈری لیٹرل روڈ پر چلنے والی تیز ترین خاتون بن کر گنیز بک آف ورلڈ ریکارڈ میں اپنا نام درج کرایا۔ صوفیہ کہتی ہیں، "

دوڑنا آپ کو زندگی کے تئیں مثبت بناتا ہے۔ یہ نہ صرف آپ کو صحت مند رہنے میں مدد دیتا ہے بلکہ آپ کو مضبوط رکھتا ہے، آپ کو پراعتماد بناتا ہے، ایک اچھا فیصلہ ساز بناتا ہے، اور آپ کو روزمرہ کے حالات میں زیادہ جوابدہ بناتا ہے۔"

اپنے اگلے پروجیکٹ کے بارے میں بات کرتے ہوئے کہا، "پائپ لائن میں بہت سے پروجیکٹ ہیں، لیکن میرا سب سے بڑا پروجیکٹ ساڑی میں دنیا بھر میں چلنا ہے۔ میں دوڑ کر پوری دنیا کا سفر کرنا چاہتا ہوں، اور میں اس کے لیے تیاری کر رہی ہوں۔