محمد اکرم، حیدرآباد

روحی فاطمہ،حیدرآبادوالوں کو کھلارہی ہیں گھرکاکھانا،خودکمارہی ہیں اور دوسروں کوروزگاربھی فراہم کر رہی ہیں۔حالانکہ وہ کالج طالبہ ہیں۔ انھوں نے سماج کی دقیانوسی سوچ کر بدلنے کی کامیاب کوشش کی ہے۔اصل میں آج بھی سماج کا ایک بڑا طبقہ لڑکیوں کی تعلیم میں دلچسپی نہیں لیتا۔انھیں اس بات کا بھی موقع نہیں دیا جاتا کہ وہ اپنی صلاحیتوں کا اظہارکرسکیں۔

روحی فاطمہ نے اپنی محنت ولگن سے ثابت کردیا ہے کہ لڑکیاں بھی کسی سے کم نہیں ہیں۔ اگر انھیں موقع ملے تو وہ بھی بہت کچھ کرسکتی ہیں۔انھوں نے ایک منفردقسم کا کام شروع کیا ہے جس میں تیزی سے ترقی مل رہی ہے۔ حیدرآباد کے علاقے مہندی پٹنم سے انجینئرنگ پارٹ ون کی اس طالبہ نے ایک ایسا اسٹارٹ اپ شروع کیا ہے جو نئی نسل کے لیے ایک مثال ہے۔

روحی فاطمہ نے دسمبر کے مہینے میں ماما فوڈڈاٹ اِن کے نام سے کام شروع کیا، جس میں لوگوں نے جوائن کرنا شروع کر دیا۔ اس نے یہ کام صفر سے شروع کیا، ویب سائٹ بنانے سے لے کر مارکیٹنگ تک اس نے اکیلے ہی سب کیا ہے۔

روحی فاطمہ نے آواز دی وائس کو فون پر بتایا کہ مجھے ہمیشہ سے ہی اپنا کاروبار کرنے کا شوق تھا، ہمارا یہ کام دوسری کمپنیوں سے بالکل مختلف ہے۔ خواتین آرڈر آنے پرگھر بیٹھے کھاناتیار کرتی ہیں۔ گاہک کا کھانا، جسے گاہک خود لینے آتا ہے یا ہم اسے پہنچاتے ہیں، فاطمہ نے یہ کام اپنے طور پر شروع کیا ہے، جس میں اس وقت 14 لوگ کام کر رہے ہیں،

ان کی شہر حیدرآباد میں جگہ جگہ ٹیمیں تیار ہیں۔ 21 سالہ روحی فاطمہ نے ایک سوال کے جواب میں کہا کہ اگر کسی کو گھر کا کھانا کھانے کا شوق ہے تو وہ ہماری ویب سائٹ پر لاگ ان ہو کر آسانی سے اپنی پسند کا کھانا حاصل کر سکتا ہے، جیسے ہی کوئی شخص کھانے کا آرڈر دیتا ہے۔

اس علاقے کی خاتون سے رابطہ کرکے آرڈر دےدیا جاتا ہے، پھر وہ اپنے کھانے کے ساتھ گاہک کا کھانا تیار کرتی ہے، جو گھر پر لوگوں کو دیا جاتا ہے۔ 21 دسمبر کو فاطمہ نے ماما فوڈ کے نام سے سٹارٹ اپ شروع کیا، جس کے بعد لوگوں آرڈر مل رہے ہیں، اس نے یہ کام اپنے طور پر شروع کیا ہے، جس میں اس وقت 14 لوگ کام کر رہے ہیں۔

جب ان سے پوچھا گیا کہ آپ مسلم معاشرے سے ہیں جہاں بہت سی خواتین گھروں سے باہر نہیں نکلتیں جس کی وجہ سے وہ اپنی صلاحیتیں دکھانے میں ناکام رہتی ہیں۔ اس کا جواب دیتے ہوئے فاطمہ نے کہا کہ اگر آپ پڑھ رہے ہیں تو کوشش یہ ہونی چاہیے کہ معاشرے میں کچھ اچھا کر سکیں، لوگوں کو اپنی اہمیت دکھا سکیں، پڑھائی کے بعد گھر بیٹھ کر کچھ نہیں کر سکتے، پڑھائی نہیں ہو گی۔

میرا ماننا ہے کہ آپ کو پڑھائی کے بعد آگے آنا چاہیے، آپ کو اپنے اندر ایک مثال قائم کرنی چاہیے۔ ہم گاہک کے لیے ہفتہ وار اور ماہانہ پیکجز لائے ہیں جن سے فائدہ اٹھایا جا سکتا ہے۔

تین بہن، بھائیوں میں سب سے بڑی روحی بتاتی ہیں کہ 17 سے 21 سال کی عمر کسی بھی بچے کے لیے بہت اہم ہوتی ہے، جس میں یہ طےکیا جاتا ہے کہ مستقبل میں کیا کرنا ہے۔ میں نے خود اپنے کام کے لیے ویب سائٹ اور مارکیٹنگ کی ہے، اس لیے ہم نے یہ کام صفر روپے سے شروع کیا ہے۔

فاطمہ کا کہنا ہے کہ ہم نے اسے صرف حیدرآباد میں شروع کیا ہے، جلد ہی ہم ریاست میں نیٹ ورک پھیلائیں گے اور لوگوں کو گھر کا کھانا دیں گے۔