نکھت زرین نے عالمی چمپین بننے سے قبل پچھلے سال برمنگھم کامن ویلتھ گیمز میں نے خواتین کے لائٹ فلائی ویٹ فائنل میں شمالی آئرلینڈ کی کارلی میکنول کو شکست دے کر گولڈ میڈل جیتا تھا۔اس موقع پر بھی وزیراعظم نریندر مودی نے نے نکھت زریں کو ہندوستان کا فخرقرار دیا تھا اور کہا  تھاکہ وہ بے پناہ صلاحیتوں کی مالک ہیں جن کا بھرپور استعمال  کامیابی بخش رہا ہے۔ 

ایشین گیمز میں برونز  

نکھت زرین نے ایشین گیمز  میں زبردست مقابلہ کے بعد برونز میڈل حاصل کیا تھا۔

جھنڈا اونچا رہے ہمارا

نکھت زرین کا کہنا ہے کہ ۔۔۔ میں نے سنہ 2009میں  باکسنگ شروع کی۔ اس سے پہلے میں ایتھلیٹکس میں تھی۔میرے والد مجھے تربیت دے رہے تھے۔ حالانکہ بچپن میں نکھت کو خود بھی معلوم نہیں تھا کہ بڑے ہو کر اسے کیا کرنا ہے لیکن پھر ایک دن اس نے اپنے چچا شمس الدین کو باکسنگ رنگ میں دیکھا۔ ہاتھ میں دستانے پہنے اور مخالف پر مکوں کی بارش کرتے چچا کی وہ تصویر نکھت کے ذہن میں کہیں اٹک گئی۔ چھوٹی لڑکی نے کہا کہ میں بھی چچا کی طرح باکسر بننا چاہتی ہوں۔ شروع شروع میں سب کو کچھ عجیب سا لگا، رشتہ داروں کے بھی ماتھے پر بل پڑ گئے۔ ماں نے بھی کچھ ہاں کچھ نا کیا، لیکن باپ کی ایک ہاں میں سب کی نفی ہو گ۔  دراصل میں نے باکسنگ کے علاوہ ہر کھیل میں لڑکیوں کو دیکھا۔ میں نے اپنے والد سے پوچھا کہ خواتین باکسنگ کیوں نہیں کرتیں۔ انہوں نے مجھے بتایا کہ لوگ سمجھتے ہیں کہ خواتین اتنی مضبوط نہیں ہیں کہ وہ باکسنگ کو اپنا سکیں۔ بالآخر سماج کے اس رویہ نے مجھ کو باکسنگ کی دنیا میں داخل ہونے کے لیے مجبور کردیا۔ بچپن سے ہی میں بہت ضدی قسم کی لڑکی تھی۔ میں صرف لڑکوں کے ساتھ کھیلتی تھی۔ تاہم جس علاقے میں میری پرورش ہوئی، وہاں کے لوگ دقیانوسی قسم کے تھے۔  انہوں نے اپنی بیٹیوں کو باہر نکلنے نہیں دیا۔ میں نے اپنے والد سے کہا کہ میں باکسنگ سیکھنا چاہوں گی، لوگوں کو دکھاؤں گا کہ لڑکیاں بھی باکسنگ میں حصہ لے سکتی ہیں۔ میرے والد ایک کھلاڑی تھے اور بہت معاون بھی۔  مجھے یاد ہے کہ جب میں نے باکسنگ شروع کی تو میں اسٹیڈیم میں اکیلی لڑکی تھی۔تربیت کے دوران مجھ کو بہت زیادہ چوٹیں آئیں اور میری ناک سے خون بہہ رہا تھا۔  مجھے دیکھ کر میری ماں رونے لگیں اور کہنے لگیں کہ ان کی چار بیٹیاں ہیں اوراگر میرے چہرے پر چوٹیں آئیں  تو میرے لیےرشتہ ڈھونڈنا مشکل ہو جائے گا۔ میں نے اپنی 'ماں' سے کہا کہ ایک بار جب مجھے پہچان مل جائے گی تو لڑکے والے قطار میں لگ جائیں گے۔ اب بھی مجھے شادی کے لیے کہا جا رہا ہے لیکن میری توجہ صرف پیرس اولمپکس میں گولڈ میڈل جیتنے پر مرکوز ہے۔

میں ملک کی نمائن دگی کرتی ہوں

نکھت زرین کی کامیابی ملک کے لیے ایک مثال ہے،خاص طور پر مسلمان لڑکیوں کے لیے ۔نکھت پروین کا ماننا ہے کہ اس سے کوئی فرق نہیں پڑتا کہ وہ کس کمیونٹی سے تعلق رکتھی ہیں۔ ایک ایتھلیٹ کے طور پر میں یہاں اپنے ملک ہندوستان کی نمائندگی کرتی ہوں۔ میرے لیے ہندو مسلم کوئی معنی نہیں رکھتا۔ میں کسی خاص کمیونٹی کی نہیں بلکہ اپنے ملک کی نمائندگی کر رہی ہوں۔ان کی نگاہیں 2024 کے پیرس اولمپکس میں ہندوستان کے لیے گولڈ میڈل جیتنے پر مرکوز ہیں۔

باکسنگ رنگ سے سوشل میڈیا تک ۔ اسٹائل گرو بن گئیں ہیں نکھت زرین

---

بے باک نکھت زرین 

نکھت زرین اگر رنگ میں دمدار ہیں تو اپنی رائے کے اظہار میں بے باک بھی۔ دو سال قبل حجاب کے تنازعہ پر نکھت زرین نے کہا تھا کہ کسی کا لباس مکمل طور پر ان کی پسند کا معاملہ ہے۔یہ مکمل طور پر ان کی اپنی پسند ہے۔ میں ان کی پسند پر تبصرہ نہیں کر سکتی۔ میری اپنی پسند ہے۔ مجھے ایسے کپڑے پہننا پسند ہے۔ مجھے ایسے کپڑے پہننے میں کوئی اعتراض نہیں ہے۔ میرے خاندان کو میرے ایسے کپڑے پہننے پر کوئی اعتراض نہیں ہے۔ لہذا مجھے پرواہ نہیں ہے کہ لوگ میرے بارے میں کیا کہتے ہیں لیکن اگر وہ حجاب پہننا چاہتی ہیں اور اپنے مذہب کی پیروی کرنا چاہتی ہیں تو یہ ان کی ذاتی پسند ہے۔ مجھے ان کے حجاب پہننے سے کوئی مسئلہ نہیں ہے۔ آخر یہ ان کی اپنی مرضی ہے اور میں اپنی ۔