نکول شیوانی/نئی دہلی

دنیا میں سب سے مشکل کام دقیانوسی تصورات کو توڑنا ہی ہے۔ بات اگر کسی لڑکی کی ہو تو اس کے لیے یہ کام مزید مشکل ہوسکتا ہے ۔اگر بات کھیل کے میدان کی ہو اور وہ بھی باکسنگ رنگ کی تو اس دقیانوسی سوچ کو ناک آوٹ کرنا اور بھی مشکل ہو جاتا ہے لیکن ناگپور کی 19 سالہ الفیہ پٹھان نے ایسا ہی کیا ہے۔ تین بہن بھائیوں میں سب سے چھوٹی نے حال ہی میں قزاقستان کے دارالحکومت نور سلطان میں منعقدہ ایلورڈا کپ میں گولڈ میڈل جیتا ہے۔ اس نے فائنل میں 81+ ویٹ کیٹیگری میں 2016 کی عالمی چیمپیئن لزت کنگی بائیفا کو شکست دی۔ اتفاق سے، یہ سینئر کیٹیگری میں ان کی پہلا قدم تھا۔

 اب الفیہ ترنم پٹھان ،ہندوستانی باکسنگ کا نیا فولاد،اب مستقبل کی اونچی اڑان کےلئے تیار ہے باکسنگ کی سنسنی،اب ایک اور کامیابی کے ساتھ سرخیوں میں ہے۔ مہا راشٹر کے ناگپور کی شان کہلانے والی باکسنگ کی سنسنی نے پھررنگ میں رنگ جمایا ہے

مہاراشٹر پولیس کے ایک اہلکار کی بیٹی الفیہ نے 13 سال کی عمر میں باکسنگ شروع کی۔ اپنے بڑے بھائیوں کو کھیلتے دیکھ کر، الفیہ نے جلد ہی باکسنگ کو اپنانے کا فیصلہ کرلیا تھا۔

آواز-دی وائس ڈاٹ ان سے بات کرتے ہوئے الفیہ نے ناگپور کی پروہت باکسنگ اکیڈمی سے روہتک کی او اب اسپورٹس اتھاریٹی آف انڈیا اکیڈمی میں تربیت کے ساتھ اولمپک تمغہ جیتنے کا خواب دیکھ رہی ہے۔

 الفیہ پٹھان نے 2018میں سربیا میں جونیر ویمن نیشنل کپ میں شرکت کی تھی۔یہ ملک سے باہر اس کا پہلا مقابلہ تھا۔ جس میں اس نے سلور میڈل حاصل کیا تھا۔اس کے بعد انڈین ویمنز جونیر نیشنل چمپین شپ اور ویمنز جونیرز نیشنل چمپین شپ میں بھی میڈل حاصل کئے تھے۔

اس کے بعد اس نے پیچھے مڑ کر نہیں دیکھا۔ اس کے بعد الفیہ پٹھان نے 2019 میں ہندوستانی خواتین کی جونیئر نیشنل چیمپئن شپ کے اگلے ایڈیشن میں کامیابی حاصل کی۔ ایونٹ کے فائنل میں یش یشوی سمیت تین مضبوط حریفوں کو شکست دینے کے بعد ہیوی ویٹ (+ 80 کلوگرام) میں کامیابی حاصل کی تھی۔

انہوں نے ایک بار پھر جونیئر ویمنز نیشنل کپ میں حصہ لیا تھا جو سربیا میں منعقد ہوا تھا۔مگر ایونٹ کے سیمی فائنل میں روس کی لیوڈملا ورنٹووا سے ہار گئی تھیں۔ اس کے بعد الفجيرة میں 2019 اے ایس بی سی ایشین جونیئر باکسنگ چیمپین شپ میں ٹور کرنے والی ٹیم میں شامل تھیں۔ پٹھان کا متحدہ عرب امارات میں قازقستان کی ڈیانا مگویائیفا تھی سے زوردار مقابلہ ہوا تھا۔جس میں انہوں نے ہندوستان کےلئے چوتھا گولڈ میڈل حاصل کیا تھا۔

سخت محنت رنگ لائی 

وہ کہتی ہے کہ "میرا خاندان کھیلوں کے بارے میں پرجوش ہے۔ میں نے بیڈمنٹن، شاٹ پٹ جیسے ہر قسم کے کھیلوں میں اپنا ہاتھ آزمایا۔ اپنے بھائی کو باکسنگ کرتے ہوئے دیکھ کر مجھے دستانے پہننے کا حوصلہ ملا۔ اس کے بعد مجھے اس میں مزہ آنے لگا اور باکسنگ میں ہی کیرئیر بنانے کا فیصلہ کیا۔

وہ کہتی ہیں کہ موسم گرما  کی چھٹیوں میں ہندوستانی  عظیم باکسر میری کوم کی بائیوپک ریلیز ہوئی۔ اس نے مجھے بڑی ہمت دی اور باکسنگ میں اڑان بھرنے کا حوصلہ بھی۔  حقیقت یہ ہے کہ فلم دیکھنے کے بعد، مجھے معلوم ہوا کہ میں کیا کرنا چاہتی ہوں۔

 ایک سوال کے جواب میں کہ کیا اپنے گھر والوں کی طرف سے مزاحمت کا سامنا نہیں کرنا پڑا؟

 الفیہ کا کہنا تھا کہ ۔۔۔ "ہاں، ابتدا میں ایک قدامت پسند مسلم گھرانے سےتعلق رکھتی ہوں ،  فطری بات ہے میری پسند میرے والدین کو فوری طور پرہضم نہیں ہوئی تھی۔ مجھے اپنے والد کو راضی کرنے کے لیے بہت محنت کرنی پڑی۔

لیکن ایک بار جب اس کے والد نے اسے باکسنگ اکیڈمی بھیجنے پر اتفاق کیا تو پیچھے مڑ کر نہیں دیکھا۔

مثبت سوچ اور والدین کا ساتھ الفیہ پٹھان کی طاقت بنی

میرے والد بہت معاون تھے۔ اس نے مجھے اپنے پڑوسیوں یا رشتہ داروں کی باتوں سے پریشان ہونے کی اجازت نہیں دی۔ انہوں نے کسی منفی بات کو مجھ تک پہنچنے ہی نہیں دیا۔ وہ میری ڈھال بنے تھے۔

 الفیہ کہتی ہیں کہ 2016 میں، جس سال اس نے باکسنگ شروع کی، اس نے ریاستی چیمپئن شپ میں سب جونیئر عمر کے زمرے میں گولڈ میڈل جیتا تھا۔ اگلے سال گوالیار میں اس کی پہلی اسکول نیشنل چیمپئن شپ میں سلور میڈل ملا۔ اس کے بعد پیچھے مڑ کر نہیں دیکھا۔

ان میڈلز  نے مجھے اعتماد دیا اور مجھے سنجیدگی سے کھیل جاری رکھنے کے لیے مزید پرعزم بنایا۔

بہت ہی قلیل عرصے میں الفیہ طاقت سے مضبوطی کی طرف بڑھ گئی۔ 2017 میں افتتاحی کھیلو انڈیا گیمز میں گولڈ میڈل نے اسے جونیئر انڈیا کیمپ اور بڑے خوابوں کا ٹکٹ دیا۔

"میں نے بڑے خواب دیکھنا شروع کیے جب میں نے سربیا میں اوپن انویٹیشنل چیمپئن شپ میں میڈل جیتا تھا۔

چار سال بعد  ہندوستانی ٹیم کی رکنیت ملی۔

جونیئر سے سینئر کیٹیگری تک اس کی گریجویشن کے ساتھ، دائرہ بھی بڑا ہو گیا۔

 الفیہ کہتی ہیں کہ "میں واضح طور پر اولمپکس میں ہندوستان کے لیے تمغہ جیتنے کا خواب دیکھ رہی ہوں۔ 2028 میرے لیے ایک حقیقت پسندانہ ہدف ہے۔

ہندوستان کی ایک اور باکسنگ کوئن

ٹوکیو اولمپک کانسی کا تمغہ جیتنے والی نکھت زرین کے ساتھ موازنہ واضح ہے۔ ان کی کہانیاں ملتی جلتی ہیں۔

دونوں کا تعلق مسلم قدامت پسند خاندانوں سے ہے، اور دونوں نے ایک دقیانوسی تصورات کو توڑا ہے۔الفیہ کو اس بات کے بارے میں یقین ہے کہ جب وہ موازنہ میں اپنے خیالات کے بارے میں سوچتی ہے کہ وہ کیا بننا چاہتی ہے۔تو اس کا جواب ہوتا ہے کہ  میں اپنی الگ شناخت قائم کرنا چاہتی ہوں۔ میں اپنی کیٹیگری میں بہترین باکسر کے طور پر پہچان بنانا چاہتی ہوں۔