کشمیر ریل پروجیکٹ‘ بالخصوص دریائے چناب پر آرچ کی تنصیب کو انجینیئرنگ کا چمتکار یعنی معجزہ مانا جارہا ہے۔ آرچ کی تنصیب ہندوستان کی حالیہ تاریخ میں سول انجینیئرنگ کا اب تک کا سب سے بڑا چیلنج تھا۔ آرچ کے سب سے اوپری حصے میں 5.6 میٹر کا ٹکڑا دونوں جانب بیچ میں جوڑا گیا ہے جس سے دریا کے دونوں کناروں پر آرچ کی تنصیب مکمل ہو گئی ہے۔ آرچ کی تنصیب کے بعد اب کیبلز کو ہٹانے، پہلوؤں میں کنکریٹ بھرنے اور بالآخر ریلوے لائن بچھانے کا کام مکمل کیا جائے گا۔ آرچ چناب بریج کا سب سے اہم حصہ ہے کیونکہ ریل گاڑی چلنے کے دوران اس کا پورا وزن یا بوجھ یہی آرچ ہی برداشت کرے گی۔

پل 1315 میٹر طویل

 اس 1315 میٹر طویل اس برج کو تعمیر کرنے میں  دس سال لگ گئے۔ دریائے چناب پر تعمیر ہونے والا یہ ریل برج ادھم پور – سرینگر – بارہمولہ ریل لنک پروجیکٹ کا ایک حصہ ہے۔ یہ برج چناب کے گہری کھائیوں کو پار کرنے کے لیے تیار کیا گیاہے۔اس برج کے میں محراب کی لمبائی 467 میٹر ہے۔ اس برج کی اونچائی دریا کی سطح آب سے 359 میٹر ہے جو ایفل ٹاور سے 35 میٹر اونچا ہے۔ یہ برج قریب ڈیڑھ کلو میٹر طویل ہے اور اس کے دونوں طرف اسٹیشن ہوں گے۔ ان کا کہنا تھا کہ سٹیل محرابوں سے بنائے جا رہے اس برج کو 'بلاسٹ پروف' بنایا جا رہا ہے۔

ایک مشن ہے ۔۔۔

کشمیر کو ریل سے ملک کے دیگر حصوں سے جوڑنے کے لیے ہندوستانی ریلویز 27 ہزار 949 کروڑ روپے کی لاگت سے 272 کلو میٹر طویل ریل لائن بچھا رہا ہے جس کے لیے 927 پل اور 38 سرنگیں تعمیر کی جا رہی ہیں۔ یہ ریل لائن چار حصوں، ادھم پور – کٹرا، کٹرا – بانہال، بانہال – قاضی گنڈ اور قاضی گنڈ – بارہمولہ پر محیط ہے۔ ادھم پور سے کٹرہ کے 25 کلو میٹر، بانہال سے قاضی گنڈ کے 18 کلو میٹر اور قاضی گنڈ سے بارہمولہ کے 118 کلو میٹر کے تین حصوں پر ریل لائن بچھائی جا چکی ہے ۔ تاہم کٹرا سے بانہال کے 111 کلو میٹر کے دشوار گزار حصے، جو ہمالیائی پہاڑی سلسلہ پر محیط ہے، پر ریل لائن بچھانے کا کام جاری ہے۔ اس حصے کے 97 کلو میٹر سرنگوں پر مشتمل ہوں گے۔

سال 1990 کی دہائی میں وزیر اعظم پی وی نرسمہا راؤ نے کشمیر تک ریل لائن بچھانے کے پروجیکٹ کا اعلان کیا تھا 

سال 2002 میں اٹل بہاری واجپائی نے اسے ’قومی پروجیکٹ‘ قرار دیا تھا

 

کیا ہے پل میں خاص

یہ پل 1315 میٹر طویل ہوگا۔

  یہ پل 1315 میٹر لمبا ہے اور یہ دنیا کا سب سے اونچا ریلوے برج ہے جو دریا کی سطح سے 359 میٹر بلندی پر ہے۔ یہ پیرس (فرانس) کے مشہور ایفل ٹاور سے 35 میٹر اونچا ہے۔

 پل کی تعمیر میں 28،660 میگا ٹن اسٹیل ، 66،000 کلو گرام کنکریٹ  لگا ہے۔

آرچ اسٹیل باکسوں پر مشتمل ہے۔ استحکام کو بہتر بنانے کے لئے کنکریٹ کو آرک کے خانوں میں پُر کیا جائے گا۔ آرچ کا مجموعی وزن 10،619 کلو گرام ہے۔

ہندوستانی ریلوے پر اوور ہیڈ کیبل کرینوں کے ذریعہ محراب کے ممبروں کی تعمیر کا کام پہلی بار کیا گیا ہے۔جس کےلیے انتہائی پیچیدہ ‘ٹیکلا’ سافٹ ویئر کو ساختی تفصیلات کے لئے استعمال کیا گیا تھا۔

پل کی آزمائش 

 

 دریائے چناب کے اوپر زیر تعمیر بلند ترین ریلوے ٹریک پر اس سال 22مارچ کو ایک چھوٹی ٹرین آزمائشی طور پر چلائی گئی ۔بکل سرے سے چھوٹی ٹرین کو ہری جھنڈی دکھا کر روانہ کیا۔ یہ چھوٹی ریل گاڑیاں دو سال تک اس ٹریک پر چلائی جائیں گی۔ 

ہندوستانی ریلوے کے مطابق یہ پل سیسمک زون چار کے تحت آتا ہے۔ جب پل کی تعمیر 2002 میں شروع ہوئی تھی، اس پل کو ریل رابطے کی جانب ایک اہم قدم قرار دیا گیا تھا۔ جب کہ اس میں کسی بھی ممکنہ دہشت گردانہ حملے کے خلاف حفاظتی اقدامات بھی ہیں، یہ پل 8 شدت کے زلزلوں اور زیادہ شدت کے جھٹکوں کو برداشت کر سکتا ہے۔دنیا کےسب سے اونچے ریلوے پل کو بنانے کے لیے تقریباً 300 انجینئرز اور 1,300 کارکنوں نے چوبیس گھنٹے کام کیا۔ اس پل کو کل 27949 کروڑ روپے کی لاگت سے بنایا گیا ہے اور اس کی لمبائی 1315 میٹر ہے۔ یہ 28,660 میٹرک ٹن اسٹیل سے بنا ہے۔ پل کی کارآمد زندگی لگ بھگ 120 سال ہے۔ اس وقت کشمیر سے ریلوے لنک بنیادی طور پر ادھم پور سے کٹرا تک 25 کلومیٹر سیکشن ہے۔ اور وادی میں بانہال سے قاضی گنڈ تک 18 کلومیٹر لائن اور پھر 118 کلو میٹر قاضی گنڈ سے بارہمولہ تک ہے

 ‘تاریخی لمحے’ کی ستائش