کنگشو چٹرجی 

ڈھاکا کی ایک خصوصی عدالت نے بنگلہ دیش کی معزول وزیر اعظم شیخ حسینہ واجد کو عدم موجودگی میں انسانیت کے خلاف جرائم کا مرتکب قرار دیا ہے۔ عدالت کے مطابق ان پر الزام ہے کہ ان کے حکم سے چودہ سو سے زیادہ مظاہرین کی جانیں گئیں۔ اسی بنیاد پر انہیں سزائے موت سنائی گئی ہے۔ بنگلہ دیشی سرکاری اہلکار اور ترجمان عالمی میڈیا پر ہندستان سے مطالبہ کر رہے ہیں کہ وہ اس مجرم کو ڈھاکا واپس بھیج دے۔ حسینہ جو اس وقت ہندستان میں خود ساختہ جلا وطنی کی زندگی گزار رہی ہیں اس فیصلے کو جانبدار اور سیاسی قرار دے رہی ہیں۔

شیخ حسینہ جو بنگلہ دیش کی منتخب سربراہ تھیں اگست 2024 میں اقتدار سے ہٹا دی گئیں۔ وہ پندرہ برس تک وزیر اعظم رہیں۔ وہ اپنے ملک کی طویل ترین منتخب حکمران تھیں۔ لیکن وقت کے ساتھ ان پر یہ الزام بڑھنے لگا کہ وہ منتخب آمر بن گئی ہیں۔ ان پر یہ بھی کہا گیا کہ انہوں نے اپنی ہی قائم کردہ جمہوری فضا کو نقصان پہنچایا ہے۔ ان کا زوال اس وقت آیا جب انہوں نے سرکاری نوکریوں میں 1971 کی آزادی جنگ کے مجاہدین کے بچوں کے لیے کوٹا مختص کرنے کی کوشش کی۔ عوام میں اسے عوامی لیگ کے کارکنوں کو نوازنے کا طریقہ سمجھا گیا۔ طلبہ اور شہری شدید غم و غصہ میں تھے۔ حسینہ نے احتجاج روکنے کے لیے سخت کارروائی کا حکم دیا۔ اسی کارروائی میں چودہ سو سے زیادہ لوگ مارے گئے۔ جب حالات ہاتھ سے نکل گئے تو حسینہ کو فوجی جہاز میں بیٹھ کر ہندستان آنا پڑا۔

نئے نگران حکومت نے حسینہ کے خلاف مقدمہ شروع ہونے سے پہلے ہی ان کی حوالگی کا مطالبہ کیا۔ وہ چاہتی تھی کہ انہیں ان ہلاکتوں کے لیے فوراً جواب دہ بنایا جائے۔ اس وقت نئی دہلی نے یہ مطالبہ رد کر دیا تھا۔ دلیل یہ دی گئی تھی کہ حوالگی کے معاہدے سزا یافتہ مجرموں سے متعلق ہوتے ہیں نہ کہ سیاسی الزامات کا سامنا کرنے والوں سے۔ اب جبکہ حسینہ کو عدالت نے سزاसुنا دی ہے ڈھاکا کا اصرار ہے کہ ہندستان انہیں واپس بھیجے۔ ڈھاکا کا کہنا ہے کہ انکار کرنا 2013 کے معاہدے کی خلاف ورزی ہوگا۔

اگرچہ عدالت میں پیش کیے گئے حالات اور گواہیاں بظاہر مضبوط لگتی ہیں۔ مگر یہ کہنا مشکل ہے کہ یہ مقدمہ کسی مناسب معیار پر پورا اترا ہے یا نہیں۔ کئی سرکاری گواہ اب وعدہ معاف بن چکے ہیں۔ حسینہ کے خلاف پیش کی گئی ریکارڈنگ کی درستگی کی تصدیق تو ہو چکی ہے لیکن حسینہ کا کہنا ہے کہ اس کا پس منظر چھپا لیا گیا ہے۔ انہیں اپنی پسند کے وکیل کا حق بھی نہیں دیا گیا۔ ان کی جگہ عدالت نے ایک سرکاری وکیل مقرر کیا جس نے ایک بھی دفاعی گواہ پیش نہیں کیا جبکہ استغاثہ نے چون کھ گواہ پیش کیے۔ یہ سب کچھ واضح طور پر شفاف کارروائی کے خلاف جاتا ہے۔ نئی دہلی نے پہلے دن سے کہا تھا کہ نگران حکومت کے زیر اثر حسینہ کو منصفانہ مقدمہ نہیں ملے گا۔ اس لیے ہندستان معاہدے کی شق چھ دو اور آٹھ تین کی روشنی میں ان کی حوالگی سے انکار کر سکتا ہے۔

لیکن ابھی نئی دہلی کے لیے بہتر یہی ہے کہ جلد بازی میں کوئی فیصلہ نہ کرے۔ یہ فیصلہ قانونی کم اور سیاسی زیادہ دکھائی دیتا ہے۔ یوں لگتا ہے جیسے فیصلہ پہلے سے طے تھا اور مقدمہ بعد میں اس کے مطابق بنایا گیا۔ ڈھاکا کو خود معلوم ہے کہ ہندستان حسینہ کو واپس نہیں بھیجے گا۔ وہ شاید یہی چاہتا ہے کہ ہندستان کے انکار کو دلیل بنا کر یہ ثابت کرے کہ حسینہ اقتدار میں رہتے ہوئے ہندستان کی پسندیدہ تھیں۔ مقصد یہ ہے کہ حسینہ اور ان کی جماعت عوامی لیگ کو مکمل سیاسی نقصان پہنچے۔ اس لیے ہندستان کو چاہیے کہ اسی پالیسی پر قائم رہے اور اس عبوری حکومت کی درخواستوں کو سیاسی قرار دے کر رد کرتا رہے۔ اور پھر منتخب حکومت بننے کے بعد بھی معاملے کو اتنی دیر تک ٹالتا رہے کہ یہ موضوع ختم ہو جائے۔

حسینہ کی حوالگی نہ کرنے کی وجہ صرف سفارتی نہیں ہے۔ ایک بڑی وجہ یہ بھی ہے کہ شیخ حسینہ ہندستان کے لیے بنگلہ دیش میں سب سے بہترین ثابت ہوئی ہیں۔ انہوں نے شمال مشرق میں شدت پسندی کو کم کرنے میں ہندستان کی بھرپور مدد کی۔ وہ ہر موسم کی دوست رہی ہیں۔ ایسی دوستی کا ساتھ نہ چھوڑا جائے۔ اگر کبھی ان کا منصفانہ اور شفاف مقدمہ ہو تو بات اور ہوگی۔فی الحال دیا گیا فیصلہ انصاف کے بجائے انتقام کی شکل رکھتا ہے۔ نئی دہلی کو مضبوطی سے اپنا موقف رکھنا چاہیے۔