نیلم گُپتا

یہ تجربہ میرے لیے ناقابلِ فراموش تھا۔ یہ میرا پہلا کیمپ تھا۔ میر حمزہ نے دوڑ میں مجھے ہرا دیا۔ دو گھنٹے پہلے وہ چلنے کے بھی قابل نہ تھا۔ جیسے ہی اُس نے جئے پور فُٹ پہنا، وہ دوڑنے لگا۔ اُس نے مجھے دوڑ کا چیلنج دیا۔ ایک نوجوان افغان ڈاکٹر کو بھی ساتھ دوڑنے کے لیے بلایا۔ ہم تینوں نے دوڑ لگائی۔ حمزہ جیت گیا، ہم دونوں ہار گئے۔یہ جذباتی الفاظ ومل چوپڑا کے تھے، اور میں اُنہیں حیرت اور عقیدت سے سنتی رہی۔

وہ مزید بتاتے ہیں کہ جیسے ہی عیسیٰ اللہ حبیبی نے جئے پور فُٹ پہنا، وہ دوڑتے ہوئے اپنی سائیکل لے آیا اور سینٹر کے ارد گرد چکر لگانے لگا۔ اُس کا ایک پاؤں کٹا ہوا تھا، اور وہ برسوں سے سائیکل نہیں چلا پایا تھا۔ سائیکل چلانا اُس کا خواب تھا،"24 سالہ میر واعظ کی آنکھوں میں خوشی کے آنسو تھے۔ وہ بولے:

اب میں گھر سے باہر جا سکوں گا، کام کر سکوں گا، اور شادی بھی کروں گا۔ میں فوج میں سپاہی تھا، بمباری میں ایک ٹانگ کھو دی۔ پھر والدین بھی گزر گئے۔ بالکل تنہا ہو گیا تھا۔ معذوری نے زندگی کا بوجھ ناقابلِ برداشت بنا دیا تھا۔ ہر طرف سے مایوسی تھی۔ لیکن اس مصنوعی ٹانگ نے مجھے نئی امید دی۔ شکریہ! شکریہ ہندوستان!

جون 2025 میں حمزہ، حبیبی، میر واعظ اور کل 75 افغانوں کو نئی زندگی ملی۔یہ سب ممکن ہوا شری بھگوان مہاویر وِکلانگ سہایتا سمیتی، جئے پور کے کیمپ کے ذریعے، جو 18 سے 25 جون 2025 تک کابل میں منعقد ہوا۔

بس ایک جئے پور فُٹ نے کر دکھایا کمال۔

وہی جئے پور فُٹ، جو 1970 میں بنایا گیا تھا اور 1975 میں شری ڈی آر مہتا نے اس کی مدد سے پوری دنیا میں معذوروں کے لیے نئی راہیں کھول دیں۔1997 میں ٹائم میگزین نے لکھا کہ افریقہ سے افغانستان تک، جہاں کہیں بھی جنگ کا زخم ہو، ہو سکتا ہے لوگوں نے نیویارک یا پیرس کا نام نہ سُنا ہو، لیکن بھارت کے ایک چھوٹے سے شہر جئے پور کا نام ضرور سُنا ہے—کیونکہ وہاں کا جئے پور فُٹ معذوروں کے لیے نئی زندگی کا پیغام لایا ہے۔"

تب سے اب تک، سمیتی نے دنیا بھر کے جنگ زدہ علاقوں میں 48 ہزار سے زائد افراد کو نئی زندگی دی ہے۔ڈی آر مہتا کے مطابق، وہ بیرونِ ملک کیمپ ان علاقوں میں لگانا پسند کرتے ہیں جہاں جنگ، غربت اور مایوسی ہے—کیونکہ ان لوگوں کو جئے پور فُٹ کی سب سے زیادہ ضرورت ہے۔یہ پاؤں صرف مصنوعی عضو نہیں، یہ ایک نئی شناخت، نیا احترام، اور نیا روزگار ہے۔

افغانستان میں یہ چھٹا کیمپ تھا

• پہلا کیمپ: 1996

• اس کے بعد: 1997، 2001، 2003، 2014

• اور اب: 2025

حال ہی میں ختم ہونے والا کیمپ حکومتِ ہند کے تعاون سے منعقد ہوا۔
بھارت کی وزارتِ خارجہ کے ترجمان رندھیر جیسوال نے ٹویٹ کیا:
افغان عوام کے لیے جاری بھارتی امدادی پروگرام کے تحت، کابل میں جئے پور فُٹ کیمپ منعقد کیا گیا جس میں 75 افغانوں کو مصنوعی پاؤں لگائے گئے۔قابلِ ذکر بات یہ ہے کہ حکومتِ ہند نے ابھی تک طالبان حکومت کو تسلیم نہیں کیا، لیکن انسانی بنیادوں پر امداد جاری رکھی ہے۔

کیمپ ٹیم کی قیادت ومل چوپڑا نے کی۔
وہ بتاتے ہیں کہ میں کابل میں بھارتی سفارت خانے کے احاطے میں سخت سیکیورٹی میں رکھا گیا۔ وہاں ایک 400 بستروں کا اسپتال بھی ہے جو بھارت نے تعمیر کیا ہے، جس میں معذور افراد کے لیے ایک ڈیپارٹمنٹ ہے۔ لیکن وہاں ایک دن میں صرف ایک فُٹ بنایا جاتا ہے، وہ بھی معیاری نہیں۔

ہم نے اُن کے ٹیکنیشنز کو جئے پور فُٹ بنانے کی ٹریننگ دی۔
اور پھر وہیں، رجسٹریشن، ناپ، ڈیزائن، اور دوسرے دن فُٹ کی فٹنگ کر دی گئی۔ٹیم کے ٹیکنیکل منیجر اوم شرما کہتے ہیں:ہمیں سخت ترین سیکیورٹی میں رکھا گیا۔ بلٹ پروف جیکٹس دن میں پہننی پڑتی تھیں، اور رات کو تکیے کے نیچے رکھ کر سونا پڑتا تھا۔ہم فون نہیں رکھ سکتے تھے، زبان کا مسئلہ تھا، لیکن ہم نے باڈی لینگویج کا استعمال کیا۔

ایک خاص واقعہ
ایک نوجوان کی ایک ٹانگ دوسری سے ایک فُٹ چھوٹی تھی۔ لیکن وہ قدرتی ٹانگ باقی تھی۔ ہم نے پہلے اُس ٹانگ کو جئے پور فُٹ میں رکھا، پھر دوسری ٹانگ کے مطابق ایک فُٹ تیار کیا—جسے لگا کر وہ آسانی سے چلنے لگا۔اوم شرما جذباتی ہو کر کہتے ہیں:"جب اُس نے دونوں پاؤں سے زمین پر چلنا شروع کیا، تو خوشی سے اچھلنے لگا اور زور زور سے 'ہندوستان زندہ باد' کے نعرے لگانے لگا۔ پورا ماحول خوشی سے جھوم اُٹھا۔

میڈیا منیجر پراکاش بھنڈاری کے مطابق
اس کیمپ کی خبریں پاکستان کے ٹی وی چینلز پر بھی زیرِ بحث رہیں، اور اس کا موازنہ افغان عوام کے حالات سے کیا گیا

۔ایک پاؤں، ایک خواب، اور ایک امید

یہ ہے جئے پور فُٹ کی کہانی ، افغانستان میں بھی، عزت، خودداری اور نئی زندگی کا پیامبر۔