پونچھ/راجوری: جموں و کشمیر کے پونچھ راجوری سیکٹر کے ایک گاؤں میں 62 سالہ طاہر فضل چودھری کو جمعرات کے روز سپردِ خاک کر دیا گیا۔ وہ ایک عام شخص نہیں بلکہ دہشت گردی کے خلاف عوامی مزاحمت کی ایک نمایاں علامت تھے، جنہیں ’بہادرِ ہل کاکا‘ کے نام سے جانا جاتا تھا۔
طاہر فضل چودھری نے سعودی عرب میں ایک منافع بخش ملازمت چھوڑ کر اپنے بھائی کے قتل کا بدلہ لینے کا عزم کیا تھا، جنہیں پاکستان کے حمایت یافتہ دہشت گردوں نے شہید کیا تھا۔ دو دہائی قبل انہوں نے اپنے قبائلی علاقے کے لوگوں کو منظم کر کے ہل کاکا کو دہشت گردوں کے مضبوط گڑھ سے آزاد کرانے میں اہم کردار ادا کیا۔
بھارتی فوج نے ان کے انتقال پر گہرے دکھ کا اظہار کرتے ہوئے انہیں “سرزمین کا بہادر سپوت” قرار دیا اور کہا کہ انہوں نے آپریشن سرپ ونَاش کے دوران فوج کے شانہ بشانہ کھڑے ہو کر دہشت گردوں کے نیٹ ورک کو ختم کرنے میں کلیدی کردار ادا کیا
#WATCH | Poonch, J&K: Rashtriya Rifles Battalion, under the aegis of Headquarters Counter Insurgency Force (ROMEO), pays tribute to Fazal Hussain Tahir Chaudhary, a key figure in Op Sarpvinash (2003). His unmatched contributions to counter-terrorism in Poonch were remembered… pic.twitter.com/wXp8dooZDg
— ANI (@ANI) April 24, 2026
بھارتی فوج نے ان کے انتقال پر گہرے دکھ کا اظہار کرتے ہوئے انہیں “سرزمین کا بہادر سپوت” قرار دیا اور کہا کہ انہوں نے آپریشن سرپ ونَاش کے دوران فوج کے شانہ بشانہ کھڑے ہو کر دہشت گردوں کے نیٹ ورک کو ختم کرنے میں کلیدی کردار ادا کیا۔
طاہر فضل چودھری مڈا ہل کاکا کے رہائشی تھے اور اپنے بھائی کی ہلاکت کے بعد سعودی عرب سے واپس آ کر دہشت گردوں کے خلاف جدوجہد شروع کی۔ انہوں نے ولیج ڈیفنس کمیٹی کی قیادت کرتے ہوئے بعد میں ولیج ڈیفنس گارڈ کے نام سے عوام کو متحد کیا اور لائن آف کنٹرول کے قریب راجوری پونچھ علاقے میں دہشت گردوں کے خلاف مزاحمت کو منظم کیا۔
Today, the nation has lost a brave, fearless, and true son.
— Gulam Ali Khatana (@GulamAliKhatana) April 23, 2026
Though Tahir Fazal Chaudhary is no longer among us, his courage, sacrifice, and patriotism will always live in our hearts.
Tahir Fazal Chaudhary was not just an individual, but a symbol of service to the nation.
He… pic.twitter.com/z5yWzjISVK
ان کے ایک رشتہ دار الطاف احمد کے مطابق جب انہیں بھائی کے قتل کی خبر ملی تو انہوں نے قسم کھائی کہ وہ زندگی بھر دہشت گردوں کے خلاف لڑیں گے۔ ایک ماہ بعد انہوں نے اپنے بھائی کے قاتل شدت پسند کاسد کو ہلاک کر کے بدلہ بھی لیا۔ اہل خانہ کے مطابق انہوں نے اس مقابلے میں حاصل کی گئی اے کے 47 رائفل زندگی بھر اپنے پاس رکھی۔
ہل کاکا، جو پیر پنجال پہاڑی سلسلے میں لائن آف کنٹرول کے قریب واقع ہے، 1990 کی دہائی کے آخر اور 2000 کی دہائی کے اوائل میں دہشت گردوں کا بڑا مرکز بن چکا تھا جہاں سے تربیت اور کارروائیاں چلائی جاتی تھیں۔ مقامی لوگوں کے مطابق اس علاقے پر دہشت گردوں کا اس قدر اثر تھا کہ وہ فوجی ہیلی کاپٹروں کو بھی اترنے نہیں دیتے تھے۔
𝗙𝗮𝗿𝗲𝘄𝗲𝗹𝗹 𝘁𝗼 𝗮 𝗠𝗮𝗻 𝗼𝗳 𝗖𝗼𝘂𝗿𝗮𝗴𝗲
— Defence News Of INDIA (@DefenceNewsOfIN) April 24, 2026
23-04-2026 - Poonch, J&K
With heavy hearts, the Indian Army bids goodbye to Tahir Fazal, who stood firm alongside our troops during Operation Sarp Vinash 2003.
Poonch will remember him.
So will the nation.
He chose courage… pic.twitter.com/qTopRlT7LO
10 جون 2002 کو ایک مقامی شخص کے قتل کے بعد حالات نے نیا رخ لیا اور طاہر فضل چودھری نے نوجوانوں کو منظم کر کے ’پیر پنجال اسکاؤٹس‘ کے نام سے ایک گروپ تشکیل دیا جس نے ابتدا میں اپنی مدد آپ کے تحت جدوجہد شروع کی۔ بعد میں فوج اور پولیس کے ساتھ تعاون بڑھا جس کے نتیجے میں 2003 میں آپریشن سرپ ونَاش کامیابی سے انجام پایا۔
یہ آپریشن انسداد دہشت گردی کی ایک اہم کامیابی سمجھا جاتا ہے جس میں مقامی لوگوں، فوج اور پولیس نے مل کر دہشت گردوں کو علاقے سے نکالا، تاہم اس دوران کئی شہری، پولیس اہلکار اور فوجی جوان اپنی جانوں کا نذرانہ بھی پیش کر گئے۔
طاہر فضل چودھری نے اس آپریشن کے دوران اعلیٰ فوجی حکام سے ملاقاتیں کیں اور اس وقت کے مرکزی وزیر داخلہ لال کرشن اڈوانی سے بھی رابطہ کیا تاکہ علاقے کو دہشت گردی سے پاک کیا جا سکے۔
بھارتی فوج کے وائٹ نائٹ کور نے انہیں خراج عقیدت پیش کرتے ہوئے کہا کہ ان کی بہادری، عزم اور فوج کے ساتھ مضبوط رشتہ ہمیشہ یاد رکھا جائے گا۔جنازے میں شریک ایک فوجی افسر نے کہا کہ طاہر فضل چودھری نے علاقے میں امن کی بحالی میں اہم کردار ادا کیا اور بعد میں پولیس اور اسپیشل آپریشنز گروپ کے ساتھ بھی کئی کارروائیوں میں حصہ لیا۔
جموں و کشمیر کے وزیر جاوید احمد رانا نے بھی ان کے انتقال پر افسوس کا اظہار کرتے ہوئے انہیں “گمنام ہیرو” قرار دیا اور کہا کہ ان کی قیادت اور حب الوطنی نے ہل کاکا کو دہشت گردی سے آزاد کرانے میں فیصلہ کن کردار ادا کیا۔
انہوں نے مزید کہا کہ طاہر فضل چودھری نہ صرف ایک بہادر مجاہد تھے بلکہ قبائلی عوام کی ترقی اور سلامتی کے لیے بھی سرگرم رہے۔ ان کی بہادری اور قربانی کی داستان آنے والی نسلوں کے لیے مشعل راہ بنی رہے گی۔پیر پنجال خطے میں ان کے انتقال پر بڑے پیمانے پر تعزیت کا اظہار کیا جا رہا ہے اور لوگ انہیں دہشت گردی کے خلاف عوامی مزاحمت کی ایک مضبوط علامت کے طور پر یاد کر رہے ہیں۔
