شمپی چکرورتی پرکایستھا

سال2026 کے مغربی بنگال اسمبلی انتخابات میں مرشد آباد کے فرخا اسمبلی حلقہ سے کانگریس امیدوار مطب شیخ نے صرف ایک نشست نہیں جیتی بلکہ وہ ووٹنگ کے حقوق قانونی جدوجہد اور جمہوری حقوق کی علامت بن کر ابھرے ہیں۔ اس تاجر نے بی جے پی کے سدھیر چودھری کو 8,000 سے زیادہ ووٹوں سے شکست دے کر کانگریس کی ایک اہم کامیابی درج کی۔

مطب شیخ کی جیت کو اس قانونی جدوجہد نے اور بھی اہم بنا دیا جو ان کی انتخابی مہم سے پہلے ہوئی۔ اسپیشل انٹینسیو ریویژن یعنی SIR عمل کے دوران ان کا نام ووٹر لسٹ سے حذف کر دیا گیا تھا۔ اس کے نتیجے میں نہ صرف ان کا ووٹ دینے کا حق ختم ہو گیا بلکہ امیدوار کے طور پر ان کی حیثیت بھی غیر یقینی ہو گئی۔ الزام تھا کہ الیکشن کمیشن نے “تکنیکی وجوہات” کا حوالہ دیتے ہوئے ان کا نام حذف کیا مگر اس کی مناسب وضاحت نہیں دی گئی۔

اس صورتحال میں مطب شیخ نے سپریم کورٹ سے رجوع کیا۔ عدالت عظمیٰ نے انہیں کولکاتہ میں اسپیشل اپیلیٹ ٹریبونل سے رجوع کرنے کی اجازت دی۔ بعد میں ریٹائرڈ جسٹس ٹی ایس سیواگننَم کی سربراہی والے ٹریبونل نے ان کے پاسپورٹ اور دیگر دستاویزات کو درست ثبوت مانتے ہوئے الیکشن کمیشن کو ان کا نام بحال کرنے کی ہدایت دی۔ اس کے نتیجے میں وہ مغربی بنگال کے پہلے ایسے امیدوار بن گئے جن کا نام SIR سے خارج ہونے کے بعد قانونی کارروائی کے ذریعے دوبارہ ووٹر لسٹ میں شامل کیا گیا اور انہیں الیکشن لڑنے کا موقع واپس ملا۔

اس واقعے نے شیخ کی امیدواری کو ایک بڑی سیاسی بحث کا حصہ بنا دیا۔ مغربی بنگال میں SIR مہم کے دوران تقریباً 91 لاکھ ووٹروں کے نام یعنی کل ووٹروں کے تقریباً 11.9 فیصد نام فہرست سے خارج ہو گئے تھے۔ اپوزیشن جماعتوں نے اس عمل کو “غیر جمہوری” “غیر شفاف” اور “بڑے پیمانے پر حق رائے دہی سے محرومی” قرار دیتے ہوئے شدید تنقید کی۔ اس سلسلے میں اب بھی کئی مقدمات زیر سماعت ہیں۔

اس تناظر میں شیخ کی جیت صرف ایک ذاتی کامیابی نہیں بلکہ ووٹنگ کے حقوق کی بحالی کی ایک علامتی مثال ہے۔ ان کے معاملے میں ٹریبونل کا یہ مشاہدہ کہ محض کسی تکنیکی غلطی کی بنیاد پر کسی شہری کو ووٹر لسٹ سے خارج نہیں کیا جا سکتا مستقبل کے کئی مقدمات کے لیے ایک نظیر بن سکتا ہے۔

 کا نتیجہ ایک اور وجہ سے بھی اہم ہے۔ یہ مغربی بنگال میں کانگریس کی محدود کامیابیوں میں سب سے نمایاں مثالوں میں شمار کیا جا رہا ہے۔ جہاں بڑا مقابلہ ترنمول کانگریس بی جے پی اور دیگر سیاسی قوتوں کے درمیان تھا وہاں مطب شیخ نے دکھایا کہ تنظیم قانونی حقوق اور عوامی حمایت کا امتزاج ناممکن کو بھی ممکن بنا سکتا ہے۔مجموعی طور پر 2026 کی بنگالی سیاست میں مطب شیخ کی فرخا جیت صرف ایک انتخابی نتیجہ نہیں بلکہ جمہوری حقوق کے مسئلے پر ایک اہم سیاسی اور قانونی باب کی حیثیت رکھتی ہے۔