India Cricket Team Arrives in Sri Lanka for T20 World Cup Clash: India–Pakistan Match Tomorrow at R. Premadasa Stadium#NewsFirst #News1st #NewsFirstEnglish #LKA #SriLanka #LatestNews #icc #worldcup #T20 #india #team #pakistan #clash #wc #arrival pic.twitter.com/xKwt5ttQXp

— Newsfirst.lk Sri Lanka (@NewsfirstSL) February 14, 2026

بائیکاٹ ٹل گیا 

جب بنگلہ دیش نے سلامتی خدشات کے باعث ہندستان کا دورہ کرنے سے انکار کیا اور 20 ٹیموں کے ایونٹ میں اس کی جگہ اسکاٹ لینڈ کو شامل کیا گیا تو خطے کی سیاسی بساط بدل گئی۔ بنگلہ دیش کے ساتھ یکجہتی میں پاکستان نے گروپ اے کے میچ کے بائیکاٹ کا اعلان کیا جس سے کھیل تجارت اور جغرافیائی سیاست کے سنگم پر قائم اس اہم مقابلے کو خطرہ لاحق ہو گیا۔اشتہاری آمدنی میں ممکنہ کروڑوں ڈالر کے نقصان کے خدشے سے نشریاتی ادارے تشویش میں مبتلا ہو گئے۔ انٹرنیشنل کرکٹ کونسل نے پس پردہ تیزی سے بات چیت کی اور بالآخر ایک سمجھوتہ طے کرا کے ٹورنامنٹ کے سب سے زیادہ متوقع مقابلے کو بچا لیا۔

مقابلہ یک طرفہ رہا ہے 

محض کرکٹ کے اعتبار سے دیکھا جائے تو یہ مقابلہ زیادہ تر یکطرفہ رہا ہے۔ دفاعی چیمپئن ہندستان کا ٹورنامنٹ کی تاریخ میں پاکستان کے خلاف 7 مقابلوں میں 1 کی برتری کا ریکارڈ ہے اور گزشتہ سال متحدہ عرب امارات میں ایشیا کپ میں بھی اس برتری کو واضح کیا گیا تھا۔ہندستان نے اسی ایونٹ میں پاکستان کو تین بار شکست دی تھی جس میں ایک ہنگامہ خیز فائنل بھی شامل تھا جو اشتعال انگیز اشاروں اور مصافحہ نہ کرنے جیسے واقعات سے متاثر ہوا۔ سابق کپتان روہت شرما اس بات پر یقین نہیں رکھتے کہ روایتی حریفوں کے مقابلے میں کسی ایک ٹیم کو فیورٹ قرار دیا جائے۔انہوں نے حال ہی میں کہا کہ یہ ایک عجیب کھیل ہے اور صرف یہ سوچ لینا کافی نہیں کہ ہمیں دو پوائنٹس مل جائیں گے بلکہ اس دن اچھی کرکٹ کھیلنا ضروری ہوتا ہے۔

ہندستان کی برتری

دونوں ٹیموں نے اپنے ورلڈ کپ مہم کا آغاز لگاتار فتوحات سے کیا ہے اس کے باوجود ہندستان کو واضح برتری حاصل دکھائی دیتی ہے۔ اوپنر ابھیشیک شرما اور اسپنر ورون چکرورتی اس وقت بالترتیب بیٹنگ اور بولنگ رینکنگ میں سرفہرست ہیں۔البتہ ابھیشیک شرما پاکستان کے خلاف میچ میں شرکت کے حوالے سے غیر یقینی کا شکار ہیں کیونکہ وہ معدے کے انفیکشن سے صحت یاب ہو رہے ہیں جس کے باعث وہ ابتدائی دو میچز نہیں کھیل سکے۔ ایشان کشن نے خود کو ٹاپ آرڈر کے مضبوط کھلاڑی کے طور پر دوبارہ منوایا ہے جبکہ کپتان سوریہ کمار یادو فارم میں واپس آ چکے ہیں اور رنکو سنگھ فنشر کے کردار میں مستحکم نظر آتے ہیں۔اسپن شعبے میں ورون چکرورتی اور فاسٹ بولنگ میں جسپریت بمراہ ٹیم کی بنیاد ہیں جبکہ ہاردک پہندوستان کی آل راؤنڈ کارکردگی نہایت اہم سمجھی جا رہی ہے۔پاکستان کی جانب سے اوپنر صاحبزادہ فرحان عمدہ فارم میں دکھائی دے رہے ہیں تاہم بابر اعظم کے اسٹرائیک ریٹ پر بحث جاری ہے۔ کپتان سلمان آغا اسپن آل راؤنڈر صائم ایوب پر انحصار کریں گے جبکہ آف اسپنر عثمان طارق اپنی منفرد سائیڈ آرم بولنگ ایکشن کے باعث حریفوں اور شائقین کی توجہ کا مرکز بنے ہوئے ہیں۔

🚨 PAKISTAN DRAMA ON T20 WORLD CUP BOYCOTT 🚨

Feb 4 : Pakistan PM Announced that they will be boycott india Match in T20 WC

Feb 8 : ICC Meeting with PCB and BCB chief

Main Purpose:
-Money Shortage 😭
-Revenue Collection, Demand -Media Rights
pic.twitter.com/kbUnOwCdPn

— Kiara (@crickiara) February 9, 2026

کولمبو ہاوس فل 

اس ہفتے میچ کی حتمی تصدیق کے بعد آخری وقت کی بکنگ کے باعث چنئی اور دہلی جیسے بڑے شہروں سے آنے والی پروازیں زیادہ بھر گئیں۔ کولمبو کی تین ٹریول ایجنسیوں کے مطابق چنئی سے پروازوں کے کرایے جو تقریباً ڈیڑھ گھنٹے کی مسافت پر ہے تین گنا سے زیادہ بڑھ کر 623 سے 756 ڈالر تک پہنچ گئے جبکہ دہلی سے پروازوں کی قیمتوں میں 50 فیصد سے زائد اضافہ ہو کر تقریباً 666 ڈالر تک ہو گیا۔سری لنکا ان باؤنڈ ٹور آپریٹرز کے صدر نالین جے سندیرا کے مطابق ہوٹل مکمل طور پر بک ہو چکے ہیں۔ انہوں نے کہا کہ زیادہ تر شائقین آل انکلو سیو پیکجز کے ساتھ آ رہے ہیں جن کی قیمت ٹکٹ ہوٹل اور فلائٹ کے حساب سے 1500 سے 2000 ڈالر یا اس سے بھی زیادہ ہو سکتی ہے۔

سیاحت سری لنکا کے لیے زر مبادلہ حاصل کرنے کا تیسرا بڑا ذریعہ ہے اور یہ ملک اپنے قدیم مندروں خوبصورت ساحلوں اور سرسبز چائے کے باغات کے لیے مشہور ہے۔ امید کی جا رہی ہے کہ مزید اسپورٹس ایونٹس کی میزبانی سری لنکا کی معاشی ترقی کو فروغ دے گی جو شدید مالی بحران اور حالیہ سمندری طوفان کے بعد بحالی کے مرحلے میں ہے جس میں 650 افراد ہلاک ہوئے تھے۔سری لنکا ٹورزم ڈیولپمنٹ اتھارٹی کے چیئرمین بدھیکا ہیواواسام نے بتایا کہ فروری کے ابتدائی 10 دنوں میں سری لنکا آنے والے تقریباً 100000 سیاحوں میں سے قریب 20 فیصد صرف ہندستان پاکستان کرکٹ میچ دیکھنے کے لیے آئے تھے۔جزیرہ نما ملک خود کو سیاسی حریف ممالک کے درمیان میچوں کے لیے ایک غیر جانبدار مقام کے طور پر پیش کرنا چاہتا ہے۔ ان کے مطابق یہ بات ظاہر کرتی ہے کہ سری لنکا پر ایک غیر جانبدار کرکٹ وینیو کے طور پر اعتماد بڑھ رہا ہے اور چاہے ہندستان ہو پاکستان یا بنگلہ دیش سب کے لیے یہ ایک مثبت پیغام ہے کہ وہ یہاں کرکٹ کھیل سکتے ہیں۔