نئی دہلی :آف اسپنر روی چندرن اشون نے کہا ہے کہ بھارت کو جاری ٹیسٹ سیریز میں ’اوسط درجے‘ کے انگلش حملے کے خلاف اپنی بیٹنگ کا دورانیہ بڑھانے پر توجہ دینی چاہیے، اور رشبھ پنت کو اپنی سنچریوں کو دوہری سنچریوں میں تبدیل کرنا چاہیے۔لیڈز میں کھیلے گئے پہلے ٹیسٹ میں بھارت نے دونوں اننگز میں پانچ سنچریاں بنائیں، اس کے باوجود ٹیم انگلینڈ کو 371 رنز کا ہدف عبور کرنے سے نہ روک سکی اور پانچ وکٹوں سے شکست کھا کر پانچ میچز کی سیریز میں 0-1 سے پیچھے ہو گئی۔اشون نے اپنے یوٹیوب چینل ’اش کی بات‘پر کہاکہ ایک چیز جس پر بھارتی بیٹنگ توجہ دے سکتی ہے وہ یہ ہے کہ ہر اننگز میں رنز کے بجائے وقت کو بڑھایا جائے۔ انگلینڈ کو فیلڈنگ میں زیادہ وقت لگوائیں اور انہیں زیادہ دیر تک میدان میں رکھیں۔‘‘

انہوں نے کہاکہ میں صرف یہی کہوں گا ، گھبراہٹ میں آکر کوئی بڑی تبدیلی نہ کریں۔ بھارت اگلا ٹیسٹ جیت کر سیریز برابر کر سکتا ہے۔ لیکن اگر ہم نے انگلینڈ کی حکمتِ عملی کو سمجھا نہیں، تو یہ سیریز ہمارے ہاتھ سے نکل سکتی ہے۔اشون کا ماننا ہے کہ میچ چوتھے دن صبح جلد آؤٹ ہونے سے بھارت کے ہاتھ سے پھسل گیا۔جب آپ نے اپنی بیٹنگ کو پانچویں دن تک نہیں بڑھایا، تو کھیل ختم ہو گیا۔ یہ انگلینڈ کی ٹیم کھلے عام اعلان کر چکی ہے کہ وہ کسی بھی ہدف کے لیے جائے گی، اس لیے بطور بیٹنگ یونٹ ہمیں ذہن میں رکھنا ہوگا کہ ہم انہیں کم سے کم وقت دیں لیکن ہدف بڑا ہو۔انہوں نے کہاکہ گر آپ ہدف دینا چاہتے ہیں، تو کم از کم 400–450 کا ہدف اور وہ بھی کم سے کم وقت میں، یہی اس وقت انگلینڈ میں ٹیسٹ جیتنے کا بہترین طریقہ ہے، اگر پچ ایسی ہو۔

دھونی سے نہیں، کوہلی سے کرو پنت کا موازنہ

رشبھ پنت کی شاندار ڈبل سنچریوں کی تعریف کرتے ہوئے اشون نے کہا کہ ان کا موازنہ مہندر سنگھ دھونی سے کرنا مناسب نہیں کیونکہ دھونی نے کبھی بیٹنگ آرڈر میں اتنے اوپر نہیں کھیلا، پنت کا موازنہ وراٹ کوہلی جیسے بلے بازوں سے ہونا چاہیے۔ وہ مین اسٹریم بیٹر ہیں، ان کے پاس وقت ہے.اشون نے پنت کی گیند کو جلدی پہچاننے کی صلاحیت کا موازنہ پاکستانی لیجنڈ انضمام الحق سے کیا،کچھ خاص بلے باز گیند کی لائن، لمبائی اور رفتار کو بہت جلدی پڑھ لیتے ہیں۔ پنت کے پاس یہ نایاب صلاحیت ہے۔‘

انہوں نے مزید کہاکہ’’رشبھ کے پاس دفاع بھی بہترین ہے۔ کتاب میں کوئی شاٹ ایسا نہیں جو وہ نہیں کھیل سکتے... اگر آپ 130 پر بیٹنگ کر رہے ہوں، تو کیا میں درخواست کر سکتا ہوں کہ آپ اسے دوہری سنچری میں تبدیل کریں؟ کیونکہ لوئر آرڈر پر بھروسہ نہیں کیا جا سکتا۔اشون نے مزید مشورہ دیا کہ میں صرف ایک اور گزارش کروں گا، براہِ کرم ٹیسٹ میں وہ مشہور فرنٹ فلپ نہ کریں۔ ٹیسٹ میں جسم تھک جاتا ہے۔ آئی پی ایل میں تو 50–60 گیندوں سے زیادہ نہیں کھیلتے۔ وہ بھارتی ٹیم میں ایک سچے ٹاپ بیٹر ہیں، اب انہیں کسی کو کچھ ثابت کرنے کی ضرورت نہیں۔

کلدیپ کو ضرور کھلانا چاہیے

کلدیپ یادو کو ’’آرٹسٹ‘‘ قرار دیتے ہوئے اشون نے کہا کہ دوسرے ٹیسٹ میں ان کی شمولیت ضروری ہے جو 2 جولائی سے برمنگھممیں شروع ہو رہا ہے۔میں دیکھنا چاہتا ہوں کہ انگلینڈ ان کا سامنا کیسے کرتا ہے۔ اگر کلدیپ پہلی اننگز میں 3/100 لے لیتے ہیں اور اسکور کو 350 تک محدود کر دیتے ہیں تو ہمیں 125 رنز کی برتری مل سکتی ہے۔اشون نے واضح کہ میں سو فیصد مانتا ہوں کہ کلدیپ کا ایک کردار تھا، اور وہ فیصلہ کن عنصر ہو سکتے تھے۔ اگر وہ کھیلتے تو شاید میچ کا نتیجہ کچھ اور ہوتا۔

یشسوی جیسوال کا دفاع

سلپ میں کئی کیچز چھوڑنے پر اشون نے یشسوی جیسوال کا دفاع کرتے ہوئے کہاکہ یشسوی سب سے بہتر سلپ فیلڈرز میں سے ایک بنے ہیں۔ ڈیوکس گیند کا سائز تھوڑا بڑا اور سخت ہوتا ہے، اس کی فیل بہت اہم ہوتی ہے۔ اور تماشائیوں کی طرف سے جملے بازی بھی ہوتی ہے۔ اس لیے میں ان کے ساتھ ہمدردی رکھتا ہوں

اسپنرز کے لیے "رخ" بنانے کی ضرورت

اشون نے ایک اہم نکتہ یہ بھی اٹھایا کہ لیڈز ٹیسٹ میں بھارت نے اسپنرز کے لیے پچ پر "رخ" نہیں بننے دیا۔ہمیں مزیدrough patches بنانے کی کوشش کرنی چاہیے۔ اگر چوتھی اننگز میں انگلینڈ بولنگ کر رہا ہوتا تو پچ پر کہیں زیادہscuff marks دکھائی دیتے۔روی اشون کا یہ تجزیہ نہ صرف ٹیکنیکل نکات پر مبنی تھا بلکہ حکمتِ عملی کے لحاظ سے بھی بھارتی ٹیم کے لیے ایک رہنما کی حیثیت رکھتا ہے۔ ان کا پیغام واضح ہے،وقت کو قابو میں رکھو، پنت پر اعتماد کرو، کلدیپ کو موقع دو، اور کھیل کو پانچویں دن تک لے جاؤ۔