آواز دی وائس ‘راجستھان رائلز کے کپتان ریان پراگ نے اتوار کے روز انڈین پریمیئر لیگ (آئی پی ایل) کی تاریخ میں ایک نیا سنگِ میل عبور کرتے ہوئے لگاتار چھ قانونی گیندوں پر چھ چھکے لگانے کا اعزاز اپنے نام کر لیا۔

راجستھان (کے کے آر بمقابلہ آر آر) کو کے کے آر کے خلاف میچ میں شکست کا سامنا کرنا پڑا لیکن میچ میں راجستھان کے کپتان ریان پراگ ( آئی پی ایل کے ایک اوور میں 5 چھکے) نے ایک اوور میں 5 چھکے لگا کر تاریخ رقم کی۔ اس کے ساتھ ہی پراگ نے 6 گیندوں میں 6 چھکے لگائے لیکن یہ 6 چھکے ایک اوور میں نہیں لگے۔ اگرچہ پیراگ ایک اوور میں 6 چھکے مارنے سے محروم رہے لیکن انہوں نے آئی پی ایل کی تاریخ میں ایسا کارنامہ انجام دیا کہ دنیا دیکھ کر حیران رہ گئی۔ ریاپ پراگ آئی پی ایل کی تاریخ کے واحد دائیں ہاتھ کے بلے باز بن گئے ہیں جنہوں نے ایک اوور میں 5 چھکے مارنے کا ریکارڈ بنایا ہے۔

دراصل 23 سالہ ریان پراگ کی دھواں دار اننگز نے کولکتہ نائٹ رائیڈرز کے خلاف ہدف کے تعاقب میں راجستھان کی پوزیشن کو یکسر بدل کر رکھ دیا۔ اس اوور میں چوتھی اور پانچویں گیند کے درمیان ایک وائیڈ بال بھی کرائی گئی تھی۔پراگ نے پہلے انگلینڈ کے اسپنر معین علی کے ایک اوور میں پانچ شاندار چھکے لگائے، اس کے بعد اپنے ساتھی بلے باز شمرون ہیٹمائر کے ایک رن لینے کے بعد ورن چکرورتی کی گیند پر بھی چھکا مار کر چھ گیندوں پر چھ چھکوں کا کارنامہ مکمل کر لیا۔اس کے ساتھ ہی پراگ آئی پی ایل کی اس محدود فہرست میں شامل ہو گئے ہیں جنہوں نے ایک اوور میں پانچ چھکے مارے ہیں۔ اس فہرست میں کرس گیل (2012)، راہول تیواتیا (2020)، رویندرا جدیجا (2021)، اور رنکو سنگھ (2023) شامل ہیں۔یاد رہے کہ 207 رنز کے ہدف کا تعاقب کرتے ہوئے جب راجستھان رائلز کی ٹیم 71 رنز پر اپنے پانچ کھلاڑیوں سے محروم ہو چکی تھی، تو پراگ نے ہیٹمائر کے ساتھ مل کر 92 رنز کی اہم شراکت قائم کی اور ٹیم کو دوبارہ مقابلے میں لا کھڑا کیا۔

اس سے پہلے 4 بلے باز ایک اوور میں لگاتار 5 چھکے لگا چکے ہیں لیکن تمام بلے باز بائیں ہاتھ کے تھے۔ آئی پی ایل میں یہ پہلا موقع ہے جب کسی دائیں ہاتھ کے بلے باز نے ایک اوور میں لگاتار 5 چھکے لگا کر عالمی کرکٹ کو حیران کر دیا ہے۔ ریان پراگ سے پہلے کرس گیل، راہول تیوتیا، رویندرا جدیجا، رنکو سنگھ ایک اوور میں 5 چھکے لگانے میں کامیاب ہوئے تھے۔ لیکن اب پراگ نے بھی یہ کارنامہ انجام دیا ہے لیکن وہ آئی پی ایل میں ایسا کارنامہ انجام دینے والے واحد دائیں ہاتھ کے بلے باز ہیں۔

 آئی پی ایل کے ایک اوور میں 5 چھکے لگانے والے کھلاڑی

کرس گیل (بائیں ہاتھ کے بلے باز) بمقابلہ راہول شرما (2012)

راہول تیوتیا (بائیں ہاتھ کے بلے باز) بمقابلہ شیلڈن کوٹریل (2020)

رویندرا جدیجا (بائیں ہاتھ کے بلے باز) بمقابلہ ہرشل پٹیل (2021)

رنکو سنگھ (بائیں ہاتھ کے بلے باز) 2020 (بائیں ہاتھ کے بلے باز

) (بائیں ہاتھ کے بلے باز) بمقابلہ معین علی (2025)*

آئی پی ایل میں ایک اوور میں 5 چھکے لگانے والے دائیں ہاتھ کے بلے باز- ریان پراگ

یہی نہیں ریان پراگ آئی پی ایل کی تاریخ کے پہلے کپتان ہیں جنہوں نے لگاتار چھ گیندوں پر چھ چھکے لگانے کا کارنامہ انجام دیا۔ اس کے ساتھ ہی وہ آئی پی ایل میں راجستھان رائلز کے لیے نمبر 4 پر بیٹنگ کرتے ہوئے سب سے بڑی اننگز کھیلنے والے بلے باز بن گئے ہیں۔ پیراگ نے اپنا ہی ریکارڈ توڑ دیا ہے۔ ریان پراگ نے سال 2024 میں دہلی کیپٹلس کے خلاف 84 رنز کی ناقابل شکست اننگز کھیلی تھی۔