ترینیک (چیک ریپبلک)، 9 جون (پی ٹی آئی) — دس سالہ ہندوستانی  ریسنگ اسٹار عتیقہ میر نے ایک اور تاریخی کامیابی اپنے نام کرتے ہوئے بین الاقوامی کارٹنگ سیریز روٹاکس یورو ٹرافی میں شاندار ٹاپ 10 پوزیشن حاصل کی۔Akcel GP کی معاونت یافتہ ڈرائیور نے ہفتے کے اختتام پر اسٹیل رنگ سرکٹ میں منعقدہ روٹاکس یورو ٹرافی کے دوسرے مرحلے میں نویں پوزیشن حاصل کی۔

عتیقہ، نے جو کہ پہلی ہندوستانی ہیں جنہیں فارمولا 1 کی مالی اور تکنیکی معاونت حاصل ہے، کوالیفائنگ راؤنڈ میں شاندار کارکردگی دکھاتے ہوئے اپنے گروپ میں ساتویں پوزیشن حاصل کی۔بدقسمتی سے انہیں دو بمپر پنالٹیز کا سامنا کرنا پڑا، اس کے باوجود وہ تین ہیٹس کے بعد دسویں پوزیشن پر رہیں۔اتوار کو پری فائنلز کے دوران بارش شروع ہو گئی، اور چونکہ اس سرکٹ پر بارش میں چلانے کا کوئی سابقہ تجربہ نہیں تھا، عتیقہ نے اپنی غیر معمولی فطری صلاحیتوں کا مظاہرہ کرتے ہوئے دنیا کے بہترین ڈرائیورز کے ساتھ سخت مقابلہ کیا۔

ہندوستانکے پہلے فارمولا 1 ڈرائیور نرائن کارتھیکیان کی سرپرستی میں تربیت حاصل کرنے والی عتیقہ نے فائنلز کے لیے کوالیفائی کیا اور گرڈ پر دسویں پوزیشن حاصل کی۔ فائنلز اور بھی زیادہ مشکل اور پھسلن والی صورتحال میں ہوئے، لیکن عتیقہ ایک بار پھر بہترین فارم میں نظر آئیں۔ آغاز میں چار پوزیشن نیچے گرنے کے باوجود انہوں نے شاندار کم بیک کرتے ہوئے نویں پوزیشن حاصل کی۔عتیقہ نہ صرف ہندوستانی بلکہ ایشیائی ڈرائیورز میں بھی سب سے آگے رہیں، جو اس سخت اور مقابلہ جاتی فیلڈ میں ایک بڑی کامیابی ہے۔

ہفتے کے اختتام پر اپنی کارکردگی پر اظہار خیال کرتے ہوئے عتیقہ نے کہا کہ یہ ایک شاندار ویک اینڈ تھا، میں نے دنیا کے بہترین ڈرائیورز کے ساتھ ریسنگ کرتے ہوئے بہت کچھ سیکھا۔ خشک موسم میں میری رفتار بہت اچھی رہی اور بارش میں بھی میری کارکردگی بہتر ہوئی۔ٹیم اور میرے مکینک ایڈم نے اس ہفتے زبردست کام کیا اور میں ان کی، اپنے والدین اور اپنے ملک کے تمام لوگوں کی شکرگزار ہوں۔

روٹاکس یورو ٹرافی (جسے اکثرRMCET بھی کہا جاتا ہے) ایک بڑی بین الاقوامی کارٹنگ چیمپئن شپ ہے جس میں روٹاکس میکس انجن استعمال کرنے والے ڈرائیورز حصہ لیتے ہیں، یہ دنیا کے مقبول ترین کارٹ انجنز میں سے ایک ہیں۔فارمولا 1 کے کئی موجودہ ڈرائیورز، جیسے موجودہ عالمی چیمپئن میکس ورسٹاپن، جارج رسل، لینڈو نوریس اور موجودہ چیمپئن شپ لیڈر آسکر پیاسٹری نے اپنے ابتدائی کیریئر میں اسی سیریز میں ریسنگ کی ہے۔

 عتیقہ نے دنیا کی سب سے باوقار کارٹنگ چیمپئن شپ میں حصہ لیا ہے، بشمول Rotaxیورو ٹرافی، Rotaxانٹرنیشنل ٹرافی، IAMEسیریز (UAEاور یورپ)، WSKیورو سیریز، WSKسپر ماسٹر سیریز، اور چیمپئنز آف دی فیوچر اکیڈمی۔اس نے ایک بیان میں کہا تھا کہ اکیڈمی متحدہ عرب امارات اور بیرون ملک ریسنگ ٹیلنٹ کی اگلی نسل کے لیے ایک جدید تربیتی میدان کے طور پر کام کرے گی۔اکیڈمی کے افتتاحی بیچ میں 15 ہونہار نوجوان ڈرائیور شامل ہوں گے اور وہ "ایک منظم اور مسابقتی راستہ پیش کرنے کے لیے پرعزم ہے جس کا آغاز ایلیٹ کارٹنگ چیمپئن شپ سے ہوتا ہے اور سنگل سیٹر ریسنگ کی صفوں میں آگے بڑھتا ہے۔اپنے سفر کے اس نئے باب پر غور کرتے ہوئے، عتیقہ نے کہا کہ ریسنگ میرے لیے سب کچھ ہے۔ یہ وہ جگہ ہے جہاں میں خود کو مضبوط، تیز اور آزاد محسوس کرتی ہوں۔ AKCEL GPاکیڈمی میں شمولیت ایک خواب ہے،میں دبئی اور ہندوستان کی اپنی جیسی نوجوان لڑکیوں کو دکھانا چاہتی ہوں کہ ہم اعلیٰ سطحوں پر مقابلہ کر سکتے ہیں۔ ایک دن، مجھے امید ہے کہ میں فارمولا 1 میں دوڑ کے لیے تیار ہوں، ہاں محنت کرنے کے لیے تیار ہوں۔