نئی دہلی ۔پاکستانی کرکٹ ٹیم کے بیٹسمین فواد عالم نے اپنی ویب سیریز کا ٹریلر جاری کرتے ہوئے کہا کہ وہ پُرامید ہیں کہ کرکٹ کی طرح اداکاری کے میدان میں بھی پسند کیے جائیں گے۔
فواد عالم نے ویب سیریز ’خود کش محبت‘ سے شوبز کی دنیا میں اپنے کیرئیر کا آغاز کیا ہے۔فواد عالم نے سوشل میڈیا سائٹ ٹوئٹر پر اپنی آنے والی ویب سیریز کا ٹریلر جاری کرتے ہوئے لکھا کہ میں اردو فلکس کی ویب سیریز ’خودکش محبت‘ سے ادکاری کی دنیا میں ڈیبیو کرنے کے اعلان پر انتہائی خوش ہوں۔ کرکٹر فواد عالم نے لکھا کہ وہ پُرامید ہیں کہ ان کی اداکاری کو بھی ویسے ہی پسند کیا جائے گا جیسے کرکٹ کے میدانوں میں اُن کی کارکردگی کو سراہا جاتا ہے۔
فواد عالم کی جانب سے جاری ایک منٹ اور 21 سیکنڈ کے ٹریلر کے آغاز میں مسجد میں اذان دی جارہی ہے۔’خودکش محبت‘ میں فواد عالم ایک معلم کا کردار ادا کریں گے جو پھر کسی لڑکی کے عشق میں گرفتار ہوجاتا ہے۔کرکٹر فواد عالم کے ٹوئٹ پر ساتھی کرکٹر ان کیلئے نیک خواہشات کا اظہار کررہے ہیں۔
Conspicuously delighted to announce my debut as an actor in the upcoming Urdu flix web series “Khudkash Muhabbat”. I hope you guys like me in the acting ground as much as you did in the cricket ground! Your prayers, love and support matter the most.#UrduFlix #KhudkashMuhabbat pic.twitter.com/qynHDruArA
— Fawad Alam (@iamfawadalam25) April 8, 2021