راجگیر (بہار)، 6 ستمبر (پی ٹی آئی) – بھارتی مردوں کی ہاکی ٹیم نے شاندار کارکردگی کا مظاہرہ کرتے ہوئے ہفتے کو چین کو 0-7 سے پچھاڑ دیا اور ایشیا کپ کے فائنل میں داخل ہوگئی۔

اسٹرائیکر ابھیشیک نے دو گول اسکور کیے، انہوں نے 46ویں اور 50ویں منٹ میں گیند کو جال میں پہنچایا، جبکہ شیلانند لکرا (چوتھا منٹ)، دِلپریت سنگھ (ساتواں)، مندیپ سنگھ (اٹھارہواں)، راج کمار پال (سینتیسواں) اور سکھجیت سنگھ (انتالیسواں) نے بھی گول داغے۔ یہ یکطرفہ میچ رہا۔

اس شاندار جیت کے ساتھ بھارت سات پوائنٹس لے کر سپر فورز لیگ ٹیبل میں سرفہرست رہا۔ دفاعی چیمپئن جنوبی کوریا چار پوائنٹس کے ساتھ دوسرے نمبر پر رہا، جبکہ چین اور ملیشیا تین تین پوائنٹس پر محدود رہے۔

اب بھارت اتوار کو ٹائٹل کے مقابلے میں جنوبی کوریا کا سامنا کرے گا، جہاں ورلڈ کپ کوالیفکیشن کا فیصلہ ہوگا۔

ایشیا کپ کے فاتح کو اگلے سال کے ورلڈ کپ میں جگہ ملے گی جو بیلجیم اور نیدرلینڈز میں مشترکہ طور پر منعقد ہوگا۔

سپر فورز کے پچھلے میچوں میں بھارت نے جنوبی کوریا کے ساتھ 2-2 کا ڈرا کھیلا تھا اور ملیشیا کو 1-4 سے شکست دی تھی۔