جموں : جموں میں جشن کا سماں ہے۔ یہ جشن کرکٹ کے نام پر ہے ، ٹیم انڈیا نے کوئی میچ یا کپ نہیں جیتا ہے  بلکہ ٹیم سلیکشن کے ساتھ ایک ایسی خبر نے جموں کو رقض پر مجبور کردیا جو نہ صرف جموں بلکہ ہندوستان کی دلی خواہش کی تکمیل کا اعلان کررہی تھی۔ 

اتوار کو ہندوستانی کرکٹ کے لیے ایک بڑی خبرآئی جب جنوبی افریقہ کے خلاف ٹی ٹوئنٹی سیریز کے لیے  ٹیم انڈیا کا اعلان ہوا تو ایک نام عمران ملک کا بھی تھا ۔ جس نے امسال آئی پی ایل میں اپنی رفتار سے آگ لگا رکھی ہے۔ تیز ترین بالنگ کا نیا جنون پیدا کرنے والے عمران ملک کو جلد سے جلد موقع دینے کا دباو تھا ۔شاید یہی وجہ ہے کہ سلیکٹرز نے اس آندھی کو  ٹی ٹوئنٹی میں آزمانے کا اعلان کردیا۔

عمران ملک کا تعلق جموں سے ہے جہاں ان کے والد پھل فروش ہیں اور اس خبر نے ان کے علاقے میں جشن کا ماحول پیدا کردیا تھا۔لوگوں نے انہیں کندھوں پر بیٹھا کر رقض کیا اور مٹھائیاں تقسیم کی تھیں ۔کیا ہندو اور کیا مسلمان سب نے اس جشن میں حصہ لیا۔ 

 عمران ملک  کے والد بہت خوش  تھے ، آنکھیں نم تھیں۔ لوگ ان کے گھر جا کر سب کو مبارکباد دے رہے ہیں۔ میڈیا سے گفتگو کرتے ہوئے ان کے والد نے کہا کہ وہ بہت خوش ہیں کہ ان کا بیٹا قومی ٹیم میں منتخب ہوا ہے۔ انہوں نے کہا کہ میں پورے ملک کا شکریہ ادا کرتا ہوں جنہوں نے میرے بیٹے کو اتنا پیار دیا۔ یہ سب اس کی محنت کی وجہ سے ہوا۔

جموں کی سڑکوں پر ڈھول تاشے کے ساتھ ہورہا ہے رقض

عمران ملک کے وائد کا کہنا ہے کہ ملک نے ان کے بیٹے کو بہت پیار دیا ،جس کے ملیے ان کا خاندان بہت شکر گزار ہے ۔ان کا خواب تھا کہ  بیٹا ملک کی نمائندگی کرے جو اب حقیقت بننے سے کچھ ہی دور ہے۔ 

جموں میں جشن کا منظر

یاد رہے کہ 22 سالہ عمران ملک کے لیے آئی پی ایل تک کا سفر آسان نہیں رہا۔ 17 سال کی عمر تک انہوں نے کوئی خاص کوچنگ حاصل نہیں کی اور چمڑے کی گیند سے کرکٹ نہیں کھیلی۔ اس عمر تک عمران 'محلہ' ٹینس بال ٹورنامنٹس میں کھیلنے آیا تھا، جہاں کوئی بھی نوجوان کھلاڑی 500 روپے کما سکتا ہے۔

 جنوبی افریقہ کے خلاف ہوم ٹی 20 انٹرنیشنل سیریز کے لیے ہندوستانی ٹیم میں جگہ بنانے والے فاسٹ بالر عمران ملک کے والد اپنی خوشی کو الفاظ میں بیان کرنے سے قاصر ہیں۔ ملک کے والد عبدالرشید پھل فروش ہیں اور وہ گزشتہ دو ماہ سے اپنے بیٹے کے ہندوستانی ٹیم میں منتخب ہونے کا خواب دیکھ رہے تھے۔

Jammu and Kashmir speedster @umran_malik_1 selected for Team India for T20 Series against South Africa.Umran's father Ab Rashid said that,"I will like to congratulate the whole of India,especially #JammuAndKashmir who have shown their love for my son and who supported him. pic.twitter.com/YmPDYbZLST

— Raouf Dar رؤف رشید ڈار (@Raoufdar) May 22, 2022

عمران ملک کے سلیکشن کے سبب عمران ملک کی ریاست میں خوشی کا ماحول ہے۔ ہندوستانی ٹیم جنوبی افریقہ کے ساتھ پانچ ٹی ٹوئنٹی میچوں کی سیریز کھیلے گی۔ آئی پی ایل 2022 کے سیزن میں رفتار کا دوسرا نام بننے والے عمران ملک کو فوری طور پر ٹیم میں جگہ مل گئی ہے۔ انہوں نے آئی پی ایل کے اس سیزن میں اپنی صلاحیتوں کا لوہا منوایا۔ ساتھ ہی ٹیم میں تیز گیند باز ارشدیپ سنگھ کو بھی موقع دیا گیا ہے۔

آئی پی ایل میں دھوم مچادی

جموں و کشمیر کے 21 سالہ ملک نے آئی پی ایل کے 13 میچوں میں 21 وکٹیں حاصل کیں لیکن ان وکٹوں سے زیادہ وہ 150 کلومیٹر فی گھنٹہ کی رفتار سے مسلسل گیند بازی کی وجہ سے زیادہ سرخیوں میں آگئے۔ ٹیم کے انتخاب کے ساتھ ہی شام 5 بجے کے بعد راشد کے فون پر مبارکباد کے پیغامات کا سیلاب آگیا۔ جموں سے فون پر پی ٹی آئی زبان کو دیئے گئے ایک انٹرویو میں، انہوں نے کہا، 'لوگوں کی بڑی تعداد مجھے مبارکباد دینے آ رہی ہے۔ میں ابھی گھر جا رہا ہوں اور جشن میں شامل ہوں گا۔ ابھی انٹرنیٹ پر خبر دیکھی۔ قومی ٹیم کی جرسی پہننا اس سے بڑا کارنامہ کیا ہو سکتا ہے۔

Celebration in Jammu after #UmranMalik selected for #TeamIndia pic.twitter.com/6R39D4XGbm

— Ajay Jandyal (@ajayjandyal) May 23, 2022

ملک کے لوگوں کی طرف سے بہت پذیرائی ملی

ان کی آواز میں خوشی کی لہر محسوس کی جا سکتی تھی۔ اس نے آئی پی ایل میں اپنی کارکردگی سے ہم سب کو فخر کیا ہے اور جس طرح پوری قوم نے ان کی حمایت کی ہے، ہم صرف ایک خاندان کے طور پر ان کا شکریہ ادا کر سکتے ہیں۔ میرے عمران کو پورے ملک کی حمایت حاصل ہے۔ راشد اور ان کی اہلیہ نے عمران کو کھیل میں آگے لے جانے کے لیے بہت سے قربانیاں دی ہیں لیکن وہ خود کوئی کریڈٹ لینا نہیں چاہتے۔ 

عمران کو یقین تھا

: عمران کے والد نے کہا، 'عمران کو یقین تھا کہ ایک دن وہ کامیابی حاصل کرے گا۔ اسے اپنی مہارت اور ہنر پر پورا بھروسہ تھا اور اس کے لیے بہت محنت کی۔ یہ مکمل طور پر اس کی کامیابی ہے اور اوپر والے کی برکت بھی۔ اس نے محنت کی اور اللہ نے اس کا ساتھ دیا۔ میں اس کی محنت کا کریڈٹ لینے کا مستحق نہیں ہوں۔

عمران ملک کے والد اپنی دکان پر

ہر کوئی عمران ملک کی تعریف کر رہا تھا

عمران ملک نے اس آئی پی ایل میں اپنی بالنگ سے سب کو حیران کر دیا۔ برائن لارا، سنیل گواسکر، روی شاستری جیسے لیجنڈ کھلاڑی مطالبہ کر رہے تھے کہ اس کھلاڑی کو موقع دیا جائے۔

وانکھیڑے اسٹیڈیم میں گجرات ٹائٹنز ملک کے سامنے تھی۔ عمران ملک نے گجرات ٹائٹنز کے بلے بازوں پر بجلیاں برسا دیں۔ یہ پہلا موقع تھا جب عمران ملک کے میچ نے ٹی ٹوئنٹی کرکٹ میں ان کا پنجہ کھول دیا۔ پانچ میں سے چار وکٹوں میں انہوں نے بلے باز کو کلین بولڈ کیا۔ اپنے چار اوورز میں صرف 25 رنز دیے۔ ریدھیمان ساہا (68)، شبمن گل (22)، ڈیوڈ ملر (17)، ابھینو منوہر (0) کلین بولڈ ہوئے جبکہ ہاردک پانڈیا (10) باؤنسر میں کیچ ہوئے۔